Заманауи педагогикалық технологиялар туралы мақала

Аугалиева Дана Тойласыновна

Екібастұз қаласы №36 мектеп-лицейінің

бастауыш сынып мұғалімі

Заманауи педагогикалық технологиялары және олардың мектептің білім беру үдерісіндегі рөлі

Аннотация. Білім беру мазмұнын жаңарту аясында оқыту үдерісінде жаңа

технологияларды қолдану тиімділігі айтылады.

Аннотация.Применение эффективных технологий в рамках обновления

содержания образования в процессе обучения.

Annotation. In this report I write about effective way of using new technology in

updating the content of education.

«Барлық жаңғырту үрдісіндегі табыстың негізгі факторларының бірі – ұлттық білім беру жүйесін жаңарту болып табылады»

Н.Ә.Назарбаев

Бастауыш мектеп – оқушыны тұлға етіп қалыптастырудың алғашқы баспалдағы. Баланың кейінгі және болшақтағы білімі бастауыш буындағы білімінің сапалығына тікелей байланысты. Білім беру жүйесі әр кезеңде өзгеріп, дамып отыруы керек. Сонда ғана қоғам қалыпты дамып, саналы ұрпағын өмірге икемді етіп дайындайтын болады. Осы арадағы мұғалімнің ең басты міндеті-рухани бай, жан-жақты дамыған тұлға қалыптастыру. Міне, сондықтан да Қазақстан Республикасы Кембридж бағдарламасы бойынша сындарлы оқытуды білім беру жүйесіне енгізуді басты мақсат етті.

Белсенді оқыту мен оқу әдістерін таңдау, пайдалану және әзірлеу – оңай жұмыс емес, өйткені мұғалімдерде қандай да бір тәсілді қолданардың алдында көптеген сұрақтар туындайды.

Белсенді оқыту мен оқудың белгілі бір әдісін пайдаланардың алдында мұғалімдер өздеріне әртүрлі сұрақтар қойып, өзінің үдерістегі рөлі мен іс-қимылын ұдайы ойластырып отыруы керек.

Құзіретті мұғалім – бұл қай кезде де ең алдымен кәсіби деңгейі жоғары, интеллектуалдық, шығармашылық әлеуеті мол тұлға. Ол оқытудың жаңа технологияларын өмірге ендіруге дайын, оқу-тәрбие ісіне шынайы жанашырлық танытатын қоғамның ең озық бөлігінің бірі деп есептеледі. Және солай болуға тиіс. Мұғалімдер оқушы дамуына көп мән беруді және осыған сәйкес оқу үрдісін құруды ойластырады. Менде өзсабағымның оқушыға ұтымды болуын алға мақсат етіп қоямын.

Сабақ барысында ақпараттық, ойын, дамыта оқыту, сын тұрғысынан ойлау технологияларының элементтерін қолданамын. Бұл технологиялардың оқушылардың оқуға деген қызығушылығын арттыруда алатын орны ерекше. Оқушының ойы шыңдалып белгілі бір жетістіктерге жетеді, танымдық белсенділігі, сабаққа қызығушылығыартады,өзбетіншеталпынады.Бастауыш сыныпта көбірек қолданылатын технология-ойын. Ойын, өзіміз білетіндей, баланың басты іс-әрекеті. Сонымен қатар ойын – оқушылардың ойлау қабілеттерін арттыратын, оқу үрдісін қызықты етіп өткізуге әрі олардың көңіл күйлеріне әсерін тигізетін оқыту құралы. Қазіргі заманғы білім беру технологияларының бірі–ақпараттық интерактивті тақтамен сабақ өткізу. Ол оқушының пәнге қызығушылығын арттырып, интеллектуалдық, шығармашылық белсенділігін, дарындылығын дамыту факторларының бірі, сондай-ақ ұстаз үшін шеберлік пен сауаттылығын арттыра отырып, даму бағытына сәйкес іздемпаздылыққа үйрету құралы. Ал оқыту мен оқуда ақпараттық коммуникациялық технологияларды пайдалану-оқытуда оқушылардың сандық сауаттылығын арттыру, компьютер, интернет жүйелерін қолдану т.б. мүмкіндіктерін арттырады. "Микрафон ұсыну" арқылы шығармашылық жұмыстарын қорғауы қосымша мәліметтер жинақта

«Оқу мен жазу арқылы сын тұрғысынан дамыту» СТО бағдарламасының қазіргі таңда білімді, білгенін өмірге пайдалана алатын шәкірт тәрбиелеуде алатын орны ерекше. Сын тұрғысынан ойлау стратегиясы бойынша жүргізілетін жұмыста оқушылардың өз бетінше тұжырым жасау, қорытынға келу, ұқсас құбылыстар арасынан тиімдісін таңдай білу, проблеманы шеше білу, пікірталасты жүргізе білу қабілеті қалыптасады. Бастауыш сыныптарда сын тұрғысынан ойлау стратегияларынның «Топтастыру», «Болжау», "Венн диаграммасы", "Т кестесі", "Ақылдың алты қалпағы", "Постер құру",“ Ыстық орындық” ,“Автор орындығы” тәсілдерін тиімді пайдаланамыз. "Сәйкестендіру", "Ретін анықта", "Семантикалық карта" "Иә/жоқ"сияқты тест жұмыстары оқушының ойын жинақтауға әсер етеді. "Ой қозғау" барысында бейнефильмдер, "Миға шабуыл" түрткі сұрақтар қою арқылы сабақтың мақсаты мен тақырыбын ашу, оқыту нәтижесін және сабақ барысында не біліп шығу керектігін айқын ажыратуға дағдылана бастады. Бұл стратегияларды әдебиеттік оқу, дүниетану,қазақ тілі мен математика,ағылшын тілі сабақтарында қолдану оқушылардың белсенділіктерін арттырып, алған білімдерін еске түсіру және сын тұрғысынан ойлау дағдыларының дамуына ықпал етеді. "Қос шеңбер","Термин

«ББҮ» әдісі

Білемін. Білгім келеді. Үйрендім. Бұл стратегияны 1984 жылы Чикаго университетінің профессоры Донна Огл шығарған. Оның мақсаты – таным үрдісінде рефлексивтілікті дамыту. Ол үшін төмендегі кестені толтыру керек. Топтың мүшелерін дамыту мақсатында уақытты үнемдеу арқылы оқушылардың барлығын тыңдауға мүмкіндік береді. Кестені толтыру барысында ұсыныстар және жаңа ойлар қосуға болады. Бірінші баған сабақтың басында толтырылады, соңғы екі баған сабақты қорытындылау кезеңінде толтырылады. Соңғы бағандағы оқушы пікірі мұғалімнің келесі сабағының мақсатын айқындауға мүмкіндік береді.

Кубизм стратегиясы.

- Балалар, мына қолымдағы кубиктің алты жағы бар, қазір мен үш қатардың біреуінің жанына барып, иіремін. Қай жағы түссе, сол жақтың сұрағына жауап бересіңдер.

А) Суреттеңіз. Қожа қандай бала?

Ә) Салыстырыңыз. Қожа мен Жантасқа салыстыра отырып, мінездеме беріңіз.

Б) Зерттеңіз. Қазақ тілі мен әдебиет сабағының мұғалімі Сәбира Майқанова апай қандай адам? Соны зерттеңіз.