Оқушы шығармашылығын дамытудағы ұстаздың рөлі

Бозаева Алмагуль Бекетовна

Алтынсарин атындағы №204 орта мектептің ағылшын тілі пәнінің мұғалімі,

Қызылорда облысы, Қазалы ауданы, Әйтеке би кенті

ОҚУШЫНЫҢ ШЫҒАРМАШЫЛЫҚ ҚАБІЛЕТІН ДАМЫТУДАҒЫ ҰСТАЗДЫҢ РӨЛІ

Оқушы жүрегіне ұшқын тастау, биікке талпындыру, қиялға қанат қақтыру, асқақ арманға баулуғ білімді де жан-жақты болуына көмек жасау мұғалімнің міндеті. Мұғалім бұл міндетті ата-аналардың көмегінсіз жүзеге асыру қиын. Сондықтан ата-аналармен ынтымақтастықты үзбеген жөн. Бұл оқушылардың сабақ үлгеріміне, жан-жақты тәрбиелеуіне негіз болады. Оқушының жеке тұлға болып қалыптасуына әсері мол.

Егер әр оқушыны жеке адам деп қарайтын болсақ, ұстаздар алдындағы міндет осы жеке адамның ерекшеліктерін ескере отырып, оның тұлғалық қасиеттерін дамытуға жағдай жасау. Тәрбиедегі жетістік жеке тұлғаның дербес қасиеттеріне байланысты.

Жалпы оқу-тәрбие жұмысы барысында негізгі байқағаным:

- оқушының жеке басын толық зерттеп болмайынша білім мен тәрбиенің дұрыс берілмейтіні;

- мұғалімнің «Тек менікі ғана дұрыс, оқушы орындауға тиіс» деген шешімі;

- әр баланың жеке пікірі бар екендігіменен санаспайтындығы;

- сынып сағаттарының бір сарындылығы, түрленуі жоқ, ізденіс жоқ, ойы жоқ, тек мұғалім дайындығы.

Ал мұның шешу жолын іздеуге мұғалімнің уақыты жоқ немесе сабағын берді болды.

Окушының жеке тұлға ретңндегі екендігі, мұғалімнің бірлестігі, өз еркімен, ықыласымен басқаларға тәуелді болмай, қызмет жасауы, еңбектенуі біздің қоғам үшін маңызды. Бала азамат болғанда қоғамның барлық саласындағы қызметті жүзеге асыруда белсенділік танытады.

Жаңа технологияның әдіс-тәсілдерін пайдалана отырып, сабақ өткізгеннен бері мұғалімдердің шын ниетімен жұмыс жасауға мүмкіндік алғанын білуге болады. Бұндай жан-жақты даярлық пен оқыту оқушының белсенділігіне және кері байланыста болуына мүмкіндік жасайды.

Адамның дүниетанымы мен білім, бір-бірімен қарым-қатынасы оның өмір тіжірибесіне айналып, жеке көзғарасының және жан дүниесінің өзгеруіне жан-жақты толығуына жағдайлар тудырады. Осы айтылғандардың барлығы баланың өмірге келген сәттерінен бастап қаланады.

Жаңа әдіс-тәсілдерді пайдалана отырып оқытуда оқушы білімді игеріп қана қоймайды, теориялық білімін сызба, кесте т.б. арқылы жүзеге асыруға пайдаланады. Тәрбиеде ұқыптылыққа, байқағыштыққа, топпен жұмыс жасай білуге үйренеді. Даму процесінде ақпараттарды жинақтайды және салыстырады.