Оқушыларды бақылау дағдысын дамыту коучинг жоспары

«Сабақты зерттеу: Қазақстан мектептерінің тәжірибесі» аймақтық ғылыми-практикалық конференциядағы шеберлік сыныбын өткізілу жоспары

Жүргізетін мұғалімдер

А.Р.Досыкенова [email protected]

З.Ж.Сатымбаева [email protected]

Тыңдаушылар

Сабақты зерттеуге қатысты тәжірибесі бар сертификатталған мұғалімдері, мектеп тренерлері, педколледж ұстаздары

Шеберлік сыныбының тақырыбы

Мұғалімнің оқушыларды бақылау дағдысын дамыту жолдары

Шеберлік сыныбының мақсаты

Мұғалімдердің оқыту және оқу тәжірибелеріндегі Сабақты зерттеу барысында оқушыларды бақылау дағдысын дамытудың жолдарымен тәжірибе алмасу

Бастапқы білімі

курс барысында алған ақпараттары мен мектептегі тәжірибелері бар

Уақыт

Шеберлік сыныбының барысы

Ресурстар

1 мин

Өзімізді таныстыру мен аудиторияны шеберлік сыныбының мақсатымен таныстырудан басталады

Сабақты зерттеу үдерісінің 5 кезеңі:

Сабақты зерттеуге дайындық

Сабақтарды жоспарлау

Сабақты бақылау

Сабақтан кейінгі талқылау

Рефлекция

Бүгінгі біздің қарастыратынымыз - Сабақты зерттеу үдерісіндегі бақылау кезеңі.

№1-2 слайд

№ 4-5 слайд

Сұрақ: Сабақты зерттеу үдерісін бақылау үшін мұғалімде қандай дағды болу керек? / зерттеу, бақылау/

(қатысушылар пікірі тыңдалады)

Сабақты зерттеу үдерісіндегі бақылау кезеңінде мұғалімге қажетті дағды:

1.Мұғалім өз қадамдарына рефлексия жасау дағдысы;

2.Жоспардан ауытқымау дағдысы ;

3.Топтағы мұғалімдермен ынтымақтастықта жұмыс істей алу дағдысы;

4.Жинақталған білімімен бөлісу дағдысы

5. Зерттей алу дағдысы

Сұрақ: Бақылау дегеніміз не?

(қатысушылар пікірі тыңдалады)

Жауабы.

Бақылау — зерттеу не тексеру әдісі.

Бақылау арнайы жоспар бойынша жүргізіледі.

Жоспарда Бақылаудың мақсаты мен міндеттері, объектісі , жүргізу әдісі мен жолдары дұрыс көрсетілуі тиіс.

Ғылыми негізде шығармашылықпен жасалған жоспар зерттеу жұмысының нәтижелі болуына игі әсер етеді.

Ғылыми Бақылау зерттелетін педагогикалық құбылысты дұрыс әрі дәл жазып алуды талап етеді.

Сондықтан Бақылаудың нәтижесі зерттеушінің педагогикалық іскерлігіне, қабілетіне және сауаттылығына байланысты.

Мұғалімнің оқушыларды бақылау дағдысын дамыту жолдары:

Бақылауды жетілдіру үшін зерттеу дағдысын қалыптастыру керек

Мұғалімнің оқушыларды бақылау дағдысын қалыптастыру үшін алдымен оның зерттеу дағдысын қалыптастыру керек. Практикадан байқағанымыз, сыныпты, таңдалған А,В,С деңгейіндегі оқушыны жете білмейтін мұғалім бақылауды да толық қанды жүргізе алмайды. Сондықтан алғашқы қадам - объектіні зерттеу жұмысы. І. Зерттеу барысында атқарылатын жұмыстар:

Ақпараттар жинау . Мысалы, біз оқушының тыңдалым, айтылым, оқылым, жазылым дағдыларының қаншалықты қалыптасқандығын бақылау үшін «Бақылау картасын», ал оқушының сабақ үстіндегі іс-әрекеті анықтауға арналған «Оқушының сабақ үстіндегі өз әрекетін бақылау» сауалнамасын, сыныптың ішкі ахуалын анықтау мақсатында «Сыныптың оқу аспектілері» сауалнамасын пайдаландық. Оқушылардың үй тапсырмаларын орындауына кедергі жасайтын факторлар анықталды.

Практикалық жұмыс. Қатысушыларға толтырылған «Бақылау картасы» ұсынылады. Таныса отырып, сыныптың ішінен А,В,С оқушысын анықтау керек.

Ақпараттарды өңдеу жұмысы. Бұнымен бір адам айналысқанымен, талдау барысында зерттеу тобына қатысатын барлық мұғалім болу тиіс. Бұл – маңызды. «Мен артынан таныса саламын немесе өздерің жасай беріңдерші, мен оларды жақсы білемін » деген сырғытпа аргументтерді біз жиі естиміз. Алайда, зерттеудің осы кезеңінен жұмысты тиянақты бастамаса, жемісті нәтижеге қол жеткізе алмаймыз.

Зерттеу жұмысының бірлесе талдануы - сабаққа қатысу мақсаты мен неге назар аудару қажеттілігін анықтап беретін қадам. Сондықтан біз бұны сабақты бақылаудың тиімді жолдарының алғашқы қадамы ретінде қарастырамыз.

ІІ. Бақылау ережесі. Талқылауға қатысу мәдениеті деп те атаймыз. Сабақты зерттеу тобы өзара келісе отырып, оның жұмысының нәтижелілігін қамтамасыз ететін ережелер жүйесін жасайды, үдеріс барысында барлық мүшелер бір-бірімен сыйластық қарым-қатынаста болады. Бұл да маңызды. Неге? Ережеге бойұсынып, оны мойындауға біз ,алдымен өзіміз, үйренуіміз керек. К.Д.Ушинскийдің «Тәрбие тәрбиелеушінің тұлғасына қарай негізделеді. Өйткені тәрбие күші тек адами тұлғалардан ғана беріледі» делінген. В…