Оқушының зерттеу жұмыстары туралы технология мақаласы

Оқушының зерттеу жұмыстары

Бүгінгі оқушы ертеңгі жас маман екені даусыз. Әр мұғалім өзінің алдында отырған шәкірттерінің қабілетін, дарынын аша біліп, бағыт – бағдар беруді мақсат ете білу керек.

Оқушының шығармашылық қабілетін дамыту үлкен қажырлықты талап етеді.Оқушыны жан-жақты дамыту үшін мұғалім шығармашылықпен жұмыс істеуі тиіс. Ол үшін оқытудың жаңа педагогикалық технологияларды тиімді пайдалану, логикалық сұрақтар, сабақтан тыс жұмыстарды үздіксіз жүйелі түрде өткізу шарт.

Оқушының шығармашылық қабілеттерін дамытудың тәсілдері :

Оқушы білімінің өмірмен байланысы.

Ғылыми негіздердің зертханалық-сарамандық жұмыстарымен байланысы.

Алған білім сапалы, жүйелі меңгеруі.

Теория мен сарамандық әдістердің байланысты болуы.

Іздену жұмыстарының ғылыми тұрғыдан орындалуы.

Қабілетті баламен жұмыс істеуде алдымен нәтижеге жету ынтасын қалыптастыру, шығармашылықпен жұмыс істеуге үйрету өте маңызды.

Шығармашылық - бұл шекелеген мотивациялық құрылым арқылы берілетін ақыл-ой жемісі, ол жеке тұлғаның қабілеттерінің әсерінен пайда болатын қоғамдық маңызды нәтиже.

Оқушыларды ғылым жолына жетелеудің алғашқы баспалдағы – оларды ғылыми зерттеу жұмыстарымен айналысуға баулу. Оқушыны ізденушілікке баулу, оған зерттеу дағдысы мен білігін игерту бүгінгі білім беру саласының маңызды міндеті болып саналады. Мұғалім оқушының қабілетін, ынтасын , қызығушылығын анықтап алып, әрі қарай оқушылардың ғылыми қоғамы туралы ережені негізге ала отырып, қабілетті оқушының зерттеу жұмысын жүргізуіне бағдар береді.

Зерттеу жүргізудегі ең маңызды нәрсе проблеманы көре білу болып табылады. Проблема дегеніміз ежелгі грек тілінен аударғанда «міндетті»,»кедергі» , «қиындық» деген ұғымды білдіреді.

Тақырып проблеманың сипатын ашып береді.

Ғылыми жоба жұмысын қорғауға қатысқан оқушыларым зерттеу барысында көптеген нәтижелерге қол жеткізді. «Тон қазақтың – төл киімі» тақырыбында Жақсылық Сымбат ауданымыздың шебер тігіншісі Бейбәйшә апаймен сұхбаттасып, тонның, оның ішінде терінің өңдеу технологиысын зерттеп, зерделеді. «Темір сырын отта танытқан – Оңдасын ұста» тақырыбында Жақсығали Ақерке өз атасының ұсталық шеберлігін , өңдеу тәсілдерін, бедер түсіру жолдарын меңгере отырып зерттеу жұмысын жүргізді. «Өрмек тоқу» өнері барысында 5 – сынып оқушылары Көшен Аружан мен Көптілеу Дина өрмекті өру, өңдеу тәсілдерін меңгере отырып, өрмекпен тоқылатын бұйымдардың пайдалану орындарын оқып, білді. Ауданымызда көненің көзін білген әжеміздің…