Оқыту үш жақты процесс тақырыбындағы әдістемелік мақала

Оқыту- үш жақты процесс.

Көбінесе оқыту деп мұғалім мен оқушының бірлескен, мақсатқа жетуге бағытталған іс- әрекетін айтады. Оның барысында жеке тұлға дамып, білім алады, тәрбиеленеді. Дәстүр бойынша оқыту екі бөліктен тұрады. Оқыту және білім алу. Оқыту – оқыту мазмұнын алу процесі. Дәстүрлі оқытуда білім алуға қарағанда оқыту басым болғандықтан оқу материалын оқытуға баса назар аударылып, оқушылардың іс-әрекетіне назар аударылмайды.

«Оқыту - үйрету және білім алу» деген парадигманың ұзақ тарихы бар. Себебі, мұғалім ұзақ уақыт оқушыға ақпарат беретін негізгі тұлға болып келді. Осы кезге дейін «білім беру», «оқыту» терминдері жиі қолданылды.

Демек, оқыту дегеніміз – оқушылардың ғылыми білім, іскерлік, дағдыларды меңгеруі, шығармашылық қабілеттерін дамыту, дүниетанымын, адамгершілік, эстетикалық көзқарастары мен сенімдерін қалыптастыру үшін мұғалімнің белсенді оқу – танымдық іс – әрекетті ұйымдастыру және ынталандыру іс – әрекеті.

«Оқу - тәрбиелеудің қуатты органы , бұл органды пайдалана білмеген ұстаз шәкірттерге әсер етудің ең басты және қажетті құралынан айырылады» деп орыстың ұлы педагогі Константин Дмитриевич Ушинский айтпақшы өз тәжірибемде «үштік» деген ұғымды жиі қолданамын. Өйткені оқытуды үш жақты процесс ретінде қабылдаймын. Осы «үштікте» , оқушы іс – әрекетіне басшылық ететін – мұғалім, ал оқушылар - мұғалімнің басшылығына бағына отырып, ғылыми білімдерін , іскерлік дағдыларын , дүниетанымдарын , адмгершілік , эститекалық көзқарастары мен сенімдерін қалыптастырады. «Үштігіміздің» жаңа , жауапкершілігі , мұғалімдікінен еш кем емес, мүшесі – ата – ана . Ата – ана немесе аналардың, осы «үштікте» атқаратын қызметіне келсек, бақлаушы , көмекші деуге болады. Өйткені, оқушылардың мектепте , сабақта алған білімдерін бекітуге көмегін тигізуші және де сол материалды оқушылар тарапынан бекітуін бақылаушы , сол ата – аналар болып табылады.

Мен сияқты бастауыш сынып мұғалім үшін , «үштігіміздегі» жаңа мүшеміздің маңызы өте зор. Өйткені , ата – аналарымызбен тығыз байланыста жұмыс жасаудың арқасында оқушы мектепте, сабақта алған білімін үйде бекітеді , үй жұмысын орындайды. Ал менің ата - аналарым , оқушыға жай ғана үй жұмысын…