Оркестр құрамындағы аспаптар ашық сабағы 3 сынып

Сабақтың тақырыбы: Оркестр құрамындағы аспаптар.

Сабақтың мақсаттары:

Білімділік: Оркестр құрамындағы аспаптардың түрлерімен таныстыру және олардың маңыздылығын түсіндіру.

Дамытушылық: Оқушылардың саз аспаптарының үндерін тыңдау арқылы әуендік сезімталдығын, әуенді айта білу дағдысын, тыңдау, жатқа айту қабілеттерін дамыту.

Тәрбиелік: Оқушылардың халық музыкасы, аспаптарына деген сүйіспеншілік сезімін арттыру, өзара бірлесіп жұмыс жасауға тәрбиелеу.

Сабақтың түрі: аралас сабақ.

Сабақтың әдісі : Топтық жұмыс, мәтінмен танысу, жұптық жұмыс, сұрақ – жауап, күй тыңдау, сөзжұмбақтар, ән үйрету, жеке жұмыс, тест тапсырмалары.

Көрнекілігі : интерактивті тақта, плакат, үлестірме қағаздар, домбыра.

Сабақтың жүру барысы :

Ұйымдастыру кезеңі (Психологиялық дайындық, топқа бөлу)

Үй тапсырмасын сұрау. (Домбыра мен қобыз аспабының түрленуін сұрау).

Жаңа сабақ : Оркестр құрамындағы аспаптар.

Тест сұрақтары.

Сергіту сәті.

«Бұл қандай оркестр?» ойыны.

«Біз – Отанның ұланымыз» әні

Қорытындылау. «Әр сұраққа бір жауап»

Оқушыларды бағалау.

Рефлексия.

Үйге тапсырма.

І. Ұйымдастыру кезеңі: Сәлемдесу.

- Балалар, бүгін біздің сабағымыз өзгеше болғалы тұр, өйткені бізге көптеген қонақтар келіп отыр. Сондықтан сабақты мұхият тыңдап жауап беруге , жаттығуларды дұрыс орындауға тырысайық. Алдымен жағымды ынтымақтастық атмосферасын қалыптастыру мақсатында «Ыстық алақан» тренингін өткізейік. Ол үшін барлығың тақтаға шығып «Шаттық шеңберін» құрыңдар, сосын бір – бірімізге деген ыстық лебіздеріңді, жақсы тілектеріңді айтыңдар.

- Жарайсыңдар балалар, ал енді топқа бөлініп алайық. Тақтада ілініп тұрған стикерлерде аспаптардың суреті жасырылған. Оларды бір – бірден алып топқа бөлініңдер. Домбыраның суретін алғандар «Домбыра» тобына, Қобыздың суретін алғандар «Қобыз» тобына, Сазсырнайдың суретін алғандар «Сазсырнай» тобына жайғасыңдар.

- Ал енді топта топбасшыны сайлаймыз. Мен әр топтың топбасшысына бағалау парағын таратамын, сол топбасшы тобындағы оқушыларды сабақ барысында бағалап отырады.

ІІ. Үй тапсырмасын тексеру: «Қобыз бен домбыраның түрленуі»

«Домбыра» тобы – Домбыраның түрленуін

«Қобыз» тобы – Қобыздың түрленуін

«Сазсырнай» тобы: Үрмелі аспаппен таныстырады.

Ол үшін мен әр топқа домбыраның, қобыздың, үрмелі аспаптарды түрлерінің суреттерін тарқатамын, ал сендер сол суреттерді стикерлерге жабыстырып, аттарын жазып, таныстырасыңдар.

ІІІ. Жаңа сабақ. «Оркестр құрамындағы аспаптар»

Түркештің «Көңілашар» күйін Құрманғазы оркестрінің орындалуында тыңдалады. Күй ненің орындалуында болып тұр? Қандай аспаптардың дыбысын ести алдыңдар? Бүгін сабақ не туралы деп ойлайсыңдар?

Домбыра тобы: Үрмелі аспаптар. Ұрмалы аспаптар.

Қобыз тобы: «Оркестр» сөзжұмбағы .

Ысқышпен ойналатын қазақтың ұлттық музыкалық аспабы

Шертіп ойналатын қазақтың музыкалық аспабы

Ысқышпен ойналатын Еуропа халықтарының музыкалық аспабы

Орыс халқының үрмелі аспабы

Қазақ халқының қурайдан жасалған үрмелі аспабы

Орыс халқының ұрмалы аспабы

О

Р