Орман тұрғындары ашық сабағы мектепке дейінгі балаларға

Білім беру саласы: «Таным»

Оқу қызметі: Жаратылыстану.

Тақырыбы: «Орман тұрғындары»

Мақсаты: 1. Жабайы жануарлар туралы түсініктерін байыту.

2. Жабайы жануарлардың (аю, қоян, түлкі, қасқыр) сипаттық белгілерін байқай білуге үйрету арқылы зейіндерін дамыту.

Көрнекіліктер: Жабайы жануарлардың суреттері.

Оқу қызметінің кезеңдері

Тәрбиешінің қызметі

Балалардың қызметі

Мотивациялық қозғаушылық

- Балалар біздің тобымызға қонақ апайлар келіпті және сәлемдесейік. Ендеше шаттық шеңберін құрайық:

Күннің көзі ашылсын!

Көкке шуақ шашылсын!

Құтты қонақ келіпті

Төрімізге еніпті!

- Сәлеметсіздер ме қонақтар!

- Балалар, қазір жылдың қай мезгілі?

- Өте дұрыс күз айларын атап беріңдерші?

- Күзде ауа райы қандай болады?

- Адамдар күзде қалай киінеді?

- Балалар сендер қандай жабайы аңдарды білесіңдер?

- Жабайы аңдар қайда мекендейді?

- Дұрыс айтасыңдар, сондықтан оларды орман тұрғындары дейміз.

Шаттық шеңберіне тұрып өлең жолдарын тәрбиешімен бірге қайталайды.

- Күз.

- Қыркүйек, қазан, қараша.

- Салқын, жапырақтар түседі, жаңбыр жауады.

- Жылы киінеді.

- Түлкі, қасқыр, аю, қоян.

- Орманда.

Ұйыдастырушылық ізденушілік

Кіріспе. Әңгіме.

- Бүгін біз Орман тұрғындары жайлы әңгімелейміз.

- Жабайы аңдарға қоян, қасқыр, түлкі, аю тағы басқа да орманда өмір сүретін аңдар жатады.

- Балалар, жабайы аңдар орманда, таулы жерлерде, далада өмір сүреді.

- Балалар аңдардың да пайдасы бар. Олардың терісінен тон, ішік, жаға, киім кешектер жасалады.

- Балалар, тыңдаршы бір дыбыс естілетін сияқты. Біреу ақырып жатыр, кім екен?

- Аю екен балалар. Аюдың қолында балы бар екен. Аю бал жейді екен. Аю өзімен бірге жұмбақ әкеліпті.

Сендер жұмбақтың шешуін табыңдаршы.

1. Қыс бойына жатады,

Тәтті ұйқыға батады. (Аю)

2. Ұзын құлақ көзі қыли,

Қорыққан сайын секіреді ылғи. (Қоян)

3. Құйрығы бұлаң-бұлаң етеді,

Барлығын алдап кетеді. (Түлкі)

- Жарайсыңдар, сендер тапқыр екенсіңдер!

- Ой, балалар қараңдаршы кім келе жатыр?

(Секіріп, секіріп қоян келеді.)

- Балалар, қоян не жейді?

- Қоян сендердің ойынды жақсы көретіндеріңді біліп, ойын ала келіпті.

Ойын: «Аңдардың балаларын тап?»