Ормандағы оқиға экологиялық ертегісі мектепке дейінгі балаларға

Экологиялық ертегі «Ормандағы оқиға»

Мақсаты: Табиғатқа деген танымдық қызығушылықтарын арттыру;

 Әлемдегі барлық тіршілік иесіне адамгершілік сезіммен, жанашырлықпен, қамқорлықпен қарауға тәрбиелеу;  Ертегі арқылы балалардың сөздік қорларын молайту;  Балалардың экологиялық мәдениетін қалыптастыру;  Табиғат аясында өзін-өзі дұрыс ұстауға тәрбиелеу, табиғат құбылыстарын бақылауға үйрету.

Керекті құрал-жабдықтар: ағаштың муляждары, саңырауқұлақтардың муляждары, жасанды гүлдер, көгілдір мата (көлшікке), құстардың дыбыстары, қоқыс пакеттері, қоқыс қолғаптары, ертегі кейіпкерлерінің киімдері, табиғатта тыйым салынатын белгілер т.б.

Қатысушылар: Қасқыр - Ахат Жанерке. Түлкі – Жасақбаева Махаббат. Қоян – Әубакір Анеля. Қыз рөлінде – Ахат Назерке. Ұлдың рөлінде – Кенжеғали Әнуар.

(Ұл мен орманды аралап шығады.) Қыз: Қандай тамаша, әсем орман. Ұл: Айнала тым-тырыс. Қыз: орманда мүлдем қорқынышты емес. Ұл: Егер сен ешкімді қорқытпасаң, тыныштықты бұзбасаң, саған да ешкім тимейді. Міне, қара құстар ән салып жатыр. Қыз: Қане, қайда, көрмей тұрмын. (Ағашты айналып шығады.) Ұл: Міне, ағаштың бұтағына қарашы, ол сонда қонып отыр. Қыз: Жүр, жақын барып қарайықшы. Ұл: Тыныш, әйтпесе шошытып аласың. (Музыка ойналады.) Ұл: Тыныш, мында біреу келе жатқан сияқты. Қыз: Қызық, бұл кім болды екен? Ұл: Оны қазір білеміз. (Ұл мен қыз жасырынып қалады.)

(Орманға түлкі мен Қасқыр келеді, екеуі орманды жинастырады.)

Түлкі: Сәлеметсің бе, Қасқыр. Қасқыр: Қайырлы таң, Түлкі. (Қасқыр мен Түлкі орманды ары қарай жинастырады. Музыка ойналады, қоян секіріп, әндетеді: Қоян: Мен қоянмын, қоянмын. Күндіз- түні ояумын, - деп қасқыр мен түлкіге жақындап келеді) Қасқыр мен Түлкі: Сәлеметсің бе, Қоян. Қоян: Сәлем, достарым. Қасқыр: Сен әлі де ән салып жүрсің бе? Қоян: неге ән айтпасқа, көңіл- күйім тамаша. Қарашы, қандай тамаш күн. Түлкі: Өлең емес, сен жұмысқа кіріспейсің бе. Орман тазалықты жақсы көреді, тазалықты қажет етеді. Қоян: Тазалық, тазалық дейсің бе, біздің орман онсыз да таза. Қасқыр: Сені ме, Қоян, біз өз орманымызды жақсы көреміз, қамқорлық жасаймыз. Түлкі: Иә, және әсемдейміз Қоян: Әсемдейміз дейсің бе, мен қандай алаңның әсемделмегенін білетін сияқтымын. Қасқыр мен Түлкі: Сен ондай жерді қайдан көрдің? Қоян: осы маңда, жүріңдер көрсетемін. (Осы уақытта түшкірген дыбыс шығады.)

Қыз бен Ұл: Сәлеметсіңдер ме?! Қоян, қасқыр, түлкі: Сәлеметсіңдер ме? Ұл: бізден қорықпаңдар, біз сендерді ренжітпейміз. Қыз: біз орманда серуендеп жүрдік, сендердің сөйлескендеріңді естідік. Ұл: Біз сендерге өте көмектескіміз келеді. Қасқыр: Біз көмекшілерге әрдайым қуаныштымыз Ұл: Олай болса, достасайық. Қоян, қасқыр, түлкі: Жарайды. (Көңілді музыка ойналады. Бәрі бірге қол ұстасып орманды аралап шығады.) Қоян: Міне осы алаң. Түлкі: Бұл кім алаңды шашып тастаған? Қоян: кеше ғана бұл жерде ештеңе болған жоқ. Ұл: Бұл жерде туристтер келіп демалған ғой.