Ормандағы жабайы жануарлар, балабақша сабақ жоспары

Білім беру саласы: Коммуникация

Бөлімі: Сөйлеуді дамыту

Тақырыбы: «Ормандағы жабайы жануарлар»

Мақсаты: Жабайы жануарлардың өмірі жайлы білімдерін бекіту; қоршаған ортаға қызығушылық танытуды, және жануарларға мейірімділікпен қарауды тәрбиелеу; жаңадан сөз құрауды одан әрі дамыту.

Алдын – ала жүргізілетін жұмыс: біздің өлкеміздегі жабайы жануарлардың өмірі жайында әңгімелесу, жабайы жануарлар бейнеленген суреттерді қарау, дидактикалық ойын «Кімнің баласы?», «Ненің басы, ненің құйрығы?», жануарлар жайлы жұмбақтар шешу, ертегілер оқу.

Сабақтың барысы:

Балалар топқа кіріп, жартылай шеңбер жасап, орындыққа отырады.

Тәрбиеші: -Балалар, бізге Білгішбек көмек сұрай келді. Ол орманға саяхатқа шықпақшы. Бірақ, жабайы жануарлар жайлы ештене білмейді екен. Сендерден жабайы жануарлар жайында білетін білімдерінмен бөлісулеріңді сұрайды. Көмектесесіңдер ме?

Балалар: - Әрине, көмектесеміз!

Тәрбиеші: Алдымен орманда кімдер тұрады? Бұны білу үшін «Қайсысы артық?» ойынын ойнайық.

Ойынның мақсаты: берілген қатардан артық сөзді алып тастау қажет.

Доңыз, қасқыр, үй қояны, тиін.......(үй қояны – себебі үй жануары)

Қоян, түлкі, кірпі, ақ аю .................(ақ аю – Солтүстік өңірдің жануары)

Қоңыр аю, бұғы, кенгуру, елік........(кенгуру – Аустралия жануары)

Жарайсыңдар, балалар. Ал енді жануарларды сипаттап берейік.

Дидактикалық ойын: «Қандай?»

Қасқыр – ашулы, аш, сұр, .....

Аю – үлкен, күшті, қоңыр, ....

Түлкі – қу, айлакер, құйрығы ұзын,

Қоян – қорқақ, құлағы ұзын, сұр, ....

Тиін – еңбекқор,

Тәрбиеші: Балалар, ал енді кішкене сергіп алайық. Ол үшін «Қай аң?» қимыл – қозғалыс ойынын ойнайық.

Ойынның мақсаты: Жабайы жануарларды қимылмен көрсету қажет, ал жүргізуші қай жануар екенін табу керек.

Тәрбиеші: Балалар, айтыңдаршы жануарлар немен қоректенеді?

Бұл сұраққа жауап беру үшін алдымен сендер маған жануарлар қоректенуі бойынша қалай бөлінетінін айтыңдаршы.

Балалар: шөпқоректілер және етқоректілер болып екіге бөлінеді.

Тәрбиеші: Жақсы, ал енді шөпқоректілерге қандай жануарлар және етқоректілерге қандай жануарлар жататынын нақтырақ айтып өтсеңдер.

Балалар: Шөпқоректілер:

Қоян (шөп, ағаш қабығы)

Тиін (жаңғақ, саңырауқұлақ)

Елік (шөп, ағаш қабығы, сабан, шыбық)

Етқоректілер:

Аю (бал, жидек, балық)

Қасқыр (қоян, қой, бұзау)

Түлкі (тауық, қаз, қоян, тышқан)