Өрт қауіпсіздігі мектепке дейінгі балаларға

Тақырыбы: «Өрт кәуіпсіздік»

Мақсаты: Өрт сөндірушілердің еңбегі туралы білімдерін кеңейту, сюжеттік – шығармашылық ойын арқылы балаларды дамытып және қауіпсіздік ережелерін сақтауға үйрету.Ойынға деген қызығушылықтарын арттыру, балалар арасындағы жағымды қарым- қатынастарын, балалардың бойында өрт сөндірушілердің еңбегін құрметтеуге, қиын жағдайда көмек көрсете білуге тәрбиелеу.

Керекті құрал жабдықтар: балаларға арналған өрт сөндіру құралдары, орамал, слайд, шелек және су.

Шаттық шеңбер:

Күзде келді сағына,

Жер жиһанды қаңсыта

Іші пысқан балалар

От жақты шөпті бықсыта.

Бықсып жанған от енді

Алып-ұшып жөнелді

Өшірем деп ұмытылған,

Балаларға көнбеді.

Балалар , өскенде сендер кім болғыларың келеді?

Ал, тағы қандай мамандық иелерін білесіңдер?

Егерде біреу ауырып қалса кімге айтамыз? ( Дәрігерге)

Бізге тамақты кім дайындап береді? (Аспазшы)

Балалар мен сендерге жұмбақ жасырғым келіп тұр, ойланып жауабын табыңдар

Дабылға тез жететін,

Жалынға сүңгіп кететін.

Қақалса да түтінге,

Тайсалмайтын батыл кім,

Жасқанбайтын батыр кім? (өрт сөндіруші)

Өрт сөндірушілер қай кезде керек?

Өрт қандай себептерден шығады?

Шырпымен ойнаса; 2.Үтікті қосып кетіп қалса; 3.Газды ашық қалдырып кетсе;

Слайд арқылы түсіндіру.

Балалар бізге қонаққа Өрт сөндіруші Дәулет аға келді.

Амандасайық:

Ал өрт болған жағдайда не істеу керек? Сөндіруіміз керек

Отты қалай сөндіреміз? ( Сумен, құммен, өрт сөндіргіш құралдармен)

От көп жамандық әкеледі, сол кезде түрлі мамандық иелері , жай адамдар көмекке келеді:

Балалар біз өзімізді ересек адамдар сияқты сезінейік. Біз бір- бірімізге қажетпіз, бір жағдай болған кезде көмекке ұмтыламыз.

1,2,3,4- біз үйіміздеміз. Адамдар барлығы ұйқыда.

Шырылдаған сағат үні естіледі. Барлығым оянып, өз жұмыс орнымызға барамыз.

Өрт сөндірушілер – өрт сөндіру бөліміне, Дәрігер- ауруханаға, Диспечер- диспечерлік бөлімге барады. ( Киінеді, құралдарын реттейді)

Көшеде балалр ойнап жүреді: үйдің өртеніп жатқанын көріп айқайлайды: өрт, өрт, өртеніп жатыр.

Тәрбиеші: балалар енді не істейміз, қалай көмектесеміз ?

Балалар: өрт сөндірушілерге хабарлайық. 101 - ге

Өрт сөндірушілер келгенше отты немен сөндіреміз?

Балалар күрекпен құм шашып, кішкене шелекпен су шашады.

Өрт сөндірушілер келеді, шлангаларымен су шашады.