Өрт қауіпсіздігін сақтайық тақырыбындағы 6-сынып тәрбие сағаты

«Абай атындағы №1 орта мектеп-гимназиясы» КММ

Тақырыбы: «Өрт қауіпсіздігін сақтайық!»

(ашық тәрбие сағаты)

Сынып: 6 «Б»

Сынып жетекшісі: И.Г.Кабылкакова

Талдықорған 2018 ж.

«Өрт қауіпсіздігін сақтайық!»

Мақсаты: Мақсаты: оттың адам өміріндегі маңызын,пайдасын, пайда болу жолдарын ұғындыру. Сонымен қатар оттың тілсіз жау екендігін ұқтыру. Өрттің зияны мен қауіпсіздігі туралы толық мағлұмат беру. Оқушыларға оттан сақтанудың жолдарын, өрттің табиғатқа, адамға әкелетін зардабын түсіндіре отырып, сіріңке, оттық т.б. қатерлі нәрселерден аулақ болуға тәрбиелеу.

Көрінекілігі: сюжетті суреттер, плакаттар, тірек-сызба, макет, ойыншықтар, оттың суреттері

Барысы:

1-жүргізуші: Сәлеметсіздер ме, құрметті ұстаздар, ата-аналар, оқушылар! Бүгінгі «Өрт қауіпсіздігін сақтайық!» атты ашық тәрбие сағатымызға қош келдіңіздер! От өмірімізге қуат беріп, бойымызды жылытады. От - өмір сәні. Отсыз тіршілік жоқ. От жағылмаса, тамағымызда піспейді, үйімізде жылымайды. Ал тамақ ішпесек бойымызға қуат бітпейді. Бойымызда қуат болмаса өмірге деген қызығушылығымыз жоғалады.

2-жүргізуші: Біздің ата - бабаларымыз шөбі көп жерді отты жер деп бекер айтпаған. Отты жер - қуатты жер. Мал біткенге күш - қуат беретін жер. Үйді қазақ халқы отпен теңестіріп отырған. Тұратын үйін отау, үй иесін – отағасы деп атаған. Отсыз тоңып, жаураған адам ешқандай еңбек те істей алмайды. Осы ретте назарларыңызды экранға аударсақ.

Слайд №1

1-жүргізуші: Сонымен от - өміріміз десек те, оның әлемі жайлаған алапаттың бірі - өрт қаупін шығаратынын да естен шығармағанымыз жөн. Өзіміздің ұқыпсыздығымыздан немесе байқампаздығымыздан кейде өрттің қалай күш алып кеткенін де байқамай қаламыз.

2-жүргізуші: Оттың пайдалы жағымен зиянды жағы да бар. Егер отты тым асыра дұрыс пайдалана алмасақ, біз үшін орны толмас зор қайғы-қасірет әкелетіні хақ. Сондықтан да осы отырған әрқайсысымыз отты пайдаланғанда аса сақ болуымыз керек. Тұрмыста отты үнемділікпен, жауапкершіліпен, ережелерді сақтай отырып, пайдалану керек.

Сахнаға біздің сыныбымыздың ақын қыздары Сайлаубай Мадина және Сабырбекқызы Назеркенің «Өрт – тілсіз жау» тақырыбында шығарған өлеңдерін қабыл алыңыздар.

(Сахнаға ....... оқушылар шығады)