Өсімдіктер әлемі, мектепке дейінгі балаларға сабақ жоспары

Маңғыстау облысы Қарақия ауданы Құрық ауылының тәрбиешісі

Жолдыбаева Гульзира Айтжановна

Білім беру саласы: «Жаратылыстану»

Тақырыбы: «Өсімдіктер әлемі»

Мақсаты: қоршаған табиғаттың сұлулығын байқауға үйрету.

Міндеттері:

БМ: ағаштың түрлерімен таныстыру.

ДМ: ағаштарды ажыратып, атай білуді қалыптастыру (1-2 түрін)

ТМ: еңбекті бағалай білуге,құрметтеуге тәрбиелеу.

Қолданатын құрал-жабдық: ағаштардың суреттері.

Сөздік жұмыс: өсімдіктер әлемі.

Қостілдік компонент: өсімдіктер – растения.

Мотивациялық -қозғаушылық

Шаттық шеңбері:

Шұғылалы Алтын Күн!

Күліп шықты ол бүгін.

Балалар бүгін біз сендермен «Өсімдіктер әлеміне» саяхатқа барамыз.

Балалар тәрбиешінің көмегімен шаттық шеңберін қимылмен жасайды.

Балалар қызығушылық танытады

Ұйымдастыру – шылық- іздестік

-Балаларға ағаштардың суреттерін көрсетеді.Балалар ағаштың түрлері өте көп.Олар – емен, қайың, үйеңкі, терек, шырша, жеміс ағаштары. Ағаш-тардың көп болғаны пайдалы, олар ауаны тазартады,жазда көлеңке болады.Ағаштарды орынсыз сындыр-май, түбін тазалап отырса олар әдемі болып өседі.Мына суретке қараңдар-шы, топырақ ағашты берік ұстап тұрады, ал мынау – діңі.Діңінен жан- жағына бұтақтары таралған. Бұтақтар-ында жапырақтар өседі.Өсімдіктерді, ағаштарды адамдар күтіп баптайды, түбін қопсытып су құяды.Сонда өсімдіктер жақсы болып өседі.Бау – бақшада өсетін өсімдіктерді адамдар өздері егіп өнімін пысқанда жейді.

Мысалы: мынау алма ағашы, алма ағашында көптеген алмалар өсіп тұр.

Сергіту сәті:

Тербеледі ағаштар

Алдымнан жел еседі.

Кіп – кішкентай ағаштар,

Биік болып өседі.

Балалар қостілде айтып үйренеді: өсімдіктер – растения.

Балалар суреттегі ағаштарға қарайды.

Балалар тәрбиешіні қызыға тыңдайды.

Сөздерді қайталап, қимыл-қозғалыспеп орындайды.

Балалар тәрбиешімен бірге қосілде қайталайды.

Рефлексиялық - түзетушілік

-Біз не туралы әңгімелестік?

-Оларға қандай күтім жасауға болады?

Ұйымдастырылған оқу іс-әрекетке белсенлді қатысқан балаларды мадақтайды.

Сұрақтарға тәрбиешінің көмегіне сүйене отырып жауап береді.

Күтілетін нәтиже: Біледі: қоршаған табиғат сұлулығын байқайды.

Игереді: өсімдіктердің әртүрлі болатынын.

Меңгереді: өсімдіктердің пайдасы туралы.