Отан отбасынан басталады тақырыбындағы шығарма

Қызылорда облысы

Жаңақорған ауданы

Құттықожа ауылы

№164 жалпы орта мектебінің

10-сынып оқушысы

Құдіретіллақызы Аружан

Отан отбасынан басталады

Адамның жеке басының қалыптасуы отбасынан басталады. Отбасы – бірлесіп күн көретін, туыстық қатынаста тұратын адамдар тобы екені баршаға аян. Әлбетте, әрбір отбасы – өз алдына бір Отан, шағын мемлекет. Отбасы мүшелерінің жас шамасы әр түрлі болса да, олардың арасында бір-бірімен рухани жақындығы, мақсат ынтымақтастығы бар. Ықылым заманнан келе жатқан «Отан отбасынан басталады» деген қасиетті сөзінің мән- мағынасы өте тереңде жатқанын білеміз бе?

Адамға өмірде ең қымбаты - отбасы. Отбасы – табиғат сыйлаған кереметтердің бірі. Жеке адамның бойындағы ар-ұятын, ақыл-ойын, адамгершілігін, мәдениеттілігін тәрбиелеуде отбасы – алғашқы қадам. Отбасы –адамзаттың аса қажетті, әрі қасиетті алтын мектебі. Отанды сүю, өмірге құштарлық, сұлулықты тану бала кезден отбасында басталатыны көпке мәлім. «Отбасы – ошақ қасы» деген қазақ атамыздың мақалынан аңғарғаным, отбасы –киелі шаңырақ, ал киелі шаңырақ иелері өз шаңырағының түтіні түзу ұшқанын қалайтыны. Яғни, шаңырағымыздағы ошағымыздың оты өшпеу үшін отбасы мүшелерінің бір-біріне деген жылы сөздері, шынайы ыстық махаббаты, жарасымдылығы мен сыйластығының берік болуында екені. Бұл қасиеттердің барлығы жұдырықтай жұмылған жүрегімізден шығады. Адам баласының өсіп өнер, қаз тұрар, қанат жаяр алтын бесігі -отбасы арқылы көкірегі көсем, тілі шешен, ақылы қасым, ерлігі жасын, Отанымыздың кемелденіп өсу жолында рухани жаңғыруына үлес қосар адамзат баласының тәрбиеленуі хақ.

Отан мен отбасы сөздерінің қатар келуі нені білдіреді? Байқасақ, әке, ана, бала атты үштіктен «отбасы» деген жылылық мекені пайда болады екен. Сол жылылық мекенінде ізгілік, адамгершілік, моральдық, этика-эстетикалық, руханияттардың мүмкіндіктерін пайдалану арқылы патриоттық сезім, патриоттық идея, патриоттық жауапкершілік, яғни, ұлттық патриоттық менталитет қалыптасатынының куәсіміз. Еліміздің болашағы, оның рухани дамуы, экономикасының өркендеуі, қоғамның қазіргі даму кезеңінде болып жатқан жаңа технологиялық өзгерістер мен ұлттық мәдени тұрғыдан кемелденуге үлес қосу білімі мен тәрбиесі мол жастарымыздың, біздің азаматтық парызымыз. Елбасымыз Н.Ә. Назарбаевтың « Отбасында адам бойындағы асыл қасиеттер жарқырай көрініп қалыптасады. Отанға деген ыстық сезім жақындарына, туысқандарына деген сүйіспеншілікпен…