Тәрбие отбасынан басталады тақырыбындағы мақала

Түркістан облысы Мақтаарал ауданы

№45 Мәдениет жалпы орта мектебі коммуналдық мемлекеттік мекемесі Директордың тәрбие ісі жөніндегі орынбасары

Абдиев Нұрғали Қалдыбекұлы

ТӘРБИЕ ОТБАСЫНАН БАСТАЛАДЫ

Көне заманда данышпандар: «Бір жылын ойлаған күріш егеді, он жылын ойлаған ағаш егеді, болашақтың қамын жегендер ұрпағын жақсылап тәрбиелейді» – деген екен. Жас ұрпақ біздің өміріміздің тікелей жалғастырушысы ғана емес, еліміздің тірегі, мызғымас болашағы. Адамзаттың өмірдегі ең қымбаттысы, көз қуанышы-бала. Бала-дербес тұлға.Бала бойындағы табиғи қасиеттер, адамгершілік құндылықтары отбасында, мектепте, әлеуметтік ортада нәрленеді. Баланы өсіру, оны азамат етіп тәрбиелеу-елдік мәселе. Сол үшін де қазақ халқы бала тәрбиесіне айрықша мән беріп, оны ата- ананың борышы санаған. Баланың бас ұстазы-ата-анасы. Тәрбие берудің бір тарауы отбасы болса, отбасынан басталатын тәрбие мектеп өмірінен жалғасын табады. Отбасында өмірге келген әр бала ес біліп, етек жиғанша , негізінен әке мен ананың тәрбиесінде болады. Бүгінгі мақсат- әрбір бала түбегейлі білім мен мәдениеттің негіздерін білу және олардың жан-жақты дамуына ата-ана, мектеп жағдай жасауы керек. Сондықтан да, ата-аналар, сіздерге балаларыңыздың мектептен барлық мүмкіндіктерді пайдаланып, білім алу мен тәрбие жұмыстарына қатыстырып өзін-өзі басқаратын азамат болуына ат салысу қажет. «Балапан ұяда не көрсе, ұшқанда соны іледі» – демекш

болатыны көрінеді. Әрбір ата-ана өзінің мінез-құлқымен, жүріс-тұрысымен, адами қарым-қатынасымен, бүкіл болмысымен балаға үлгі болуға тиіс.Біздің халқымыз жас ұрпақты тәрбиелеудің мүлдем қарапайым түрін шебер пайдаланған. Әжелеріміз немерелерін ұйықтатқанда батырлар туралы, жомарттық, мейірімділік, Отан сүйгіштік т.б. тәрбиелік мәні зор ертегілер, дастандар айтып ұйықтатқан. Мұның өзі баланың құлағына жақсы-жақсы істерді сіңіре беру еді, ол соның бәрін есіне сақтап қалады да, адамгершіліктен аспайтын, жамандыққа баспайтын, елін, жерін сүйетін азамат болып шығады. Бала тәрбиесі-маңызды және күрделі мәселе. Ұрпақ тәрбиесіне қай кезеңде, қай елде болмасын, үлкен мән берілген. Ұлы педагог В.А. Сухомлинский: «Тек ата-аналармен бірге жалпы күш- жігерді біріктіру арқылы ғана мұғалімдер балаларға үлкен адамдық бақыт беруі мүмкін» – деген ұтымды ой айтқан. Адамның адамшылдығы- жақсы ата-ана мен білікті тәрбиешіден. Тәрбиенің таразы секілді екенін ескерсек, екі басының тең түсуіне көп көңіл бөлген абзал. Жұмыс барысында ата-аналардың бала тәрбиесіне деген көзқарасын бақылауға болады. Кейбір отбасылар баланы киім-кешекпен, тамақпен қамтамасыз етуді ғана өз міндеттеріне алып, тәрбие мен білім