Отаным Қазақстан тәрбие сағаты 6 сыныпқа

Тәрбие сағаты Сабақтың тақырыбы: «Патриотизм-ұлттық рухтың асқақ белгісі». Сабақтың мақсаты: Білімділік: Елімізде өскелең ұрпақтардың Отанға деген патриоттық сезімдерін ояту және одан әрі арттыру. Жас ұрпақты Отансүйгіштікке, елжандылыққа тәрбиелеу. Өз Отанына шексіз берілген, патриоттық рухы жоғары, қайсар жауынгер аға- апалардың ерлігін үлгі ету. Оқушылардың Қазақстан Республикасы туралы, оның тарихы туралы алған білімдерін байқау, толықтыру.

Дамытушылық:Жинақталған білімдерін пайдалана отырып, ауыз екі тілде ойларын еркін жеткізе білуге үйрету, топпен жұмыс істей білуге дағдыландыру, шығармашылық қабілеттерін дамыту.

Тәрбиелік: оқушыларды ұлтжандылыққа, атамекенін көздің қарашығындай сақтай білуге, патриоттық сезімге тәрбиелеу; Сабақтың әдістері:топпен жұмыс, постер, сұрақ-жауап. Сабақтың көрнекілігі: Ұлы Отан соғысы,16 желтоқсан, «Алаш партиясының мүшелері» жайлы бейнефильмдер, тақтада тақырып. Сабақтың құралдары: Интерактивті тақта, үш плакат, түрлі-түсті бояғыштар, үнтаспа, марапаттау қағаздары, оқушылар тағатын мамандықтардың атаулары. Пәнаралық байланыс:Қазақ әдебиеті,тарих. Сабақтың түрі:тәрбие сабағы

Сабақтың барысы: Мұғалімнің алғы сөзі: Сәлеметсіздер құрметті ата-аналар, оқушылар! Қандай халық болмасын Отанын, елін, жерін сүюге, қорғауға, ата- бабалары мирас еткен салт-дәстүрді ұстануға аса мән берген. Соның ішінде қазақ халқы да Отанын, жерін, табиғатын сүюге, жастардың бойына патриоттық рух қалыптастыруға ұмтылған. Бүгінгі «білім күніне арналған алғаш « Патриотизм-ұлттық рухтың асқақ белгісі» атты сабағымызға қош келдіңіздер. Салтанатты түрде Қазақстан Республикасының әнұраны орындалады Сергіту сәті. «Ізгі тілек» Оқушылар үш топқа бөлінеді: Азамат Әділет Бірлік І. Ата-аналарға сұрақ: 1. Қазақстан мемлекеті қай жылы тәуелсіздігін алды? 2.ҚР рәміздерін, және ерекшеліктерін атап беріңіз? 3.Тәуелсіз Қазақстанның ата заңы (конституция) қашан қабылданды? ІІ.Тақтада бейнефильм көрсетіліп, оқушыларға тапсырмалар беріледі І топ. Ұлы Отан соғысына қатысқан қазақстандық ерлер жайлы дерек бер. ІІ топ. 1986 желтоқсанда болған шерудің себебін нақты дәлелдер негізінде түсіндір.

ІІІ топ. «Алаштың арыстары» кімдер және не үшін күресті нақты жауап бер. Мұғалімнің сөзі :Өткен тарихымызға шолу жасасақ, ХҮ ғасырда қуатты қазақ хандығын құрдық. Алайда тәуелсіз Қазақ мемлекеті бейбіт, тыныш өмір сүре алмады.Ұлан- байтақ елімізге жан-жақты көз тігіп, ойран салушылар көбейді. Қаннен- қаперсіз жатқан елімізге жоңғар қалмақтары тұтқиылдан шабуыл жасап, қалың жұртты қан жылатты. ХҮ ғасыр басында дүрліккен ел шұбыра қашып, ақтабан шұбырынды болды. Жұрт Алакөлге аялдап, қасиетті Қаратауға бас сауғалады.Қаратаудың баурайында қалың қазақ бас қосты. Оларды билікке Төле би шақырды.

ХҮІІІ-ХІХ ғасырларда халқымыз еркіндік пен тәуелсіздігінен айырылды. Ұлан- ғайыр жеріміз империя меншігіне айналды. Халқымыздың басынан қара бұлт серпілмеді. ХХ ғасырдың 16- жылы маусым жарлығына жігіт бермейміз деп, қарсылық көрсеткендері оққа ұшырады, қаншасы өз жерінде қырғын көрді. Жаяу жалпы, үй- күйсіз Қытай жеріне жетті. Жаны ашитын жан жоқ. Балаларын бір шелек бидайға сата бастады.

Біздің 1917 жылы бостандыққа қолымыз жетпеді. Өз жерімізде өзіміз қырғынға ұшырап, қуғынға түстік. 1923- 1933 жылдарда болған адам айтса нанғысыз ашаршылыққа 9 миллиондай халықтың 2,2 миллионы опат болды. Тағы аштық, тағы жалаңаштық, тағы өлім. «Мен қазақпын» деген ел зиялылары «алаш» партиясын құрды. Бірақ елдің ертеңін олаған зиялыларды Ресейдің соқыр саясаты үнсіз буындырып жоқ қылды. 1941- 1945 жылдар аралығында адамзат тарихында болмаған алапат соғыста, бірлік, достық жолында жан қиған қазақ батырлары фашизмнен бүкіл адамзатты қорғап, ерекше ерлік көрсетті. 1986 жылы желтоқсанда отты оқиға болды. Елдің егемендігін аңсаған жастар ұлттың намыс құдіретін әлемге паш етті.

«Көк тудың желбірегені» әні орындалады Мәнерлеп оқу сайысы. 3 топтан 3 оқушы шығып, Отан туралы өлеңдерді мәнерлеп оқиды Сырбай Мәуленов Менің Қазақстаным Тауды көрсең, күн көзімен таласқан, Аспан көрсең, Ай мен Күнге жол ашқан. Менің байтақ республикам таулары, Менің көгім мөлдіреген сол аспан. Дала көрсең көкжиекпен ұштасқан, Көлді көрсең секілді бір түскі аспан. Менің байтақ республикам даласы, Менің көгім теңізбен қол ұштасқан. Қызыл бұлттай көрсең қырдың гүлдерін Көрсең ашық Алатаудың күндерін. Жеріме гүл, көгімде күн бір жүзген Ұлан байтақ республикам бұл менің.

Дихан Әбілев Қазақстан-Республикам менің! Орманы-пүліш, бұлағы күміс, Бұлбұлы жыршы, ұл-қызы керім. Таулары заңғар, өзені ырыс, Қазақстан-Республикам менің! Айқаста жаудың алқымын сыққан, Ажалға қимай намысты елін, Төлеген, Мәншүк батырлар шыққан, Қазақстан-Республикам менің! Өлең-жыры фонтандай атқан, Жеңістің кілтін достықтан тапқан. Күнде бір көктеп, жаңарып жатқан, Қазақстан-Республикам менің!

Жұбан Молдағалиев «Мен қазақпын» Мен қазақпын, қаныммен, жүрегіммен, Сән-салтанат, салтымды сүйемін мен. Бақ орнатам басына моланың да, Мұрагермін оған да иемін мен. Мен қазақпын, мың өліп, мың тірілген, Жөргегімде таныстым мұң тіліммен. Жылағанда жүрегім күн тұтылып, Куанғанда күлкімнен түн түрілген. Мен қазақпын, бір биік белеспін мен, Европа да, Азия да емеспін мен. Аралықпын жетінші материктей, Бірақ барша адаммен тел өстім мен. Рефлексия: Шығармашылық кезең-сурет салып, оны қорғау. 3 топқа 3 плакат,түрлі-түсті қарындаштар беріледі. Белгілі уақыт арасында оқушылар «Мен елімнің болашағы үшін не істей аламын… » деген тақырыпқа арнап, сурет салып шығулары қажет. Сонан соң топтар кезек-кезек шығып, сол суреттерді ауызша қорғайды. Жүргізуші:« Орнында бар оңалар» демекші, ел орнында, жер орнында. Жерге жетер байлық жоқ. Жер болса, ел болады, ел болса ер болады. Ерлеріміздің арқасында Қазақстан егеменді ел болып, дүниежүзіне танылуда. Біздің Отанымыз егеменді, тәуелсіз Қазақ мемлекет: Жүз жиырмадан аса ұлт өкілдері тұратын осынау қасиетті мекенде, асқақтаған өлкеде, кеңшілігі керемет, дархан дастархандай далада, егіні теңіздей толқыған, төрт түлігі маңыраған, өндірісі өркендеген мекен