Отаным – тағдырым: бастауышқа арналған эссе

Эссе

Отаным – тағдырым!

Менің Отаным – Қазақстан. Қазақстан елі байтақ, кең өлке. Қазақстан елі өзінің байлықтарымен, қалаларымен, көрікті жерлерімен де бай.

Қазақстан мемлекеті Тәуелсіз ел екендігін атап айтуға болады. Тәуелсіздік алу үшін қазақ жастары жастайынан қыршын кетті. Басымызды иіліп, алғыс айтамыз.

Қазақстан Республикасы 1991 жылы 16 желтоқсан күні Тәуелсіздігін алды . Бүкіл Қазақстандықтар Тәуелсіздікке 25 жылдық мерей тойын атап өтті. Көптеген мерекелік іс-шаралар ұйымдастырылып, өткізілді.

Қазақстан Мемлекетінің өзіндік рәміздері де бар. Ту, Елтаңба, Әнұран. Мемлекетімізді басқарып отырған елбасымыз Нұрсұлтан Әбішұлы Назарбаев. Нұрсұлтан атамыз Қазақстан Мемлекеті зайырлы, егеменді ел болу үшін үлкен еңбек етті. 1990 жылдары елбасымыз Нұрсұлтан Әбішұлы Назарбаев Қазақстан елінің Тәуелсіз Мемлекет боларын сенген еді. Сол сенім аяққа нық басып, Қазақстан елін көркейтуге үлкен үлесін қосты. Өйткені, өз халқы үшін барын жасауға бел буған адамдардың бірі.

1995 жылы 30 тамыз күні Қазақстан Республикасының Конституциясы Ата-Заңымыз қабылданды.

Қазақстан Республикасының астанасы – Астана қаласы. Астана қаласында әдемі бәйтерек бар. Бұл бәйтерек Астана қаласының символы болып табылады. Біздің ұлттық валютамыз – теңге.

Қазақстан Мемлекетінің ұлттық тілі – қазақ тілі. Қазақ тілі біздің ана тіліміз.. «Өзге тілді бәрің біл,өз тіліңді құрметте» деген айтып кеткендей, ана тіліміз қазақ тілі ұмытпай, қастерлеу керек. Өз тілін ұмытқан адам мәңгүртке айналады деп саналған.

Біздің Отанымыз Қазақстан Мемлекетіннің байлықтары өте көп. Қазақстан елі халқымен, көрікті жерлерімен, табиғатымен, әсем қалаларымен бай. Әр қалаларда өзінің байлықтары бар. Мысалы, Қызылорда қаласында мақта, күріш өсіріледі. Қарағанды қаласында көмір, мұнай өндіріледі. Көкшетау қаласы әсем табиғатымен, Астана қаласы әдемі ғимараттарымен бай.

Қазақстан елінде 150-ден астам ұлт өкілдері тату- тәтті өмір сүреді. Қазақ, орыс, өзбек, түрік, украин, қырғыз тағы басқа ұлт өкілдері Қазақстан мемлекетінде тұрып жатыр. Қазақстан халқы қонақжайлығын өте жоғары деп те айтуға болады. Шетелден келген қонақтарды жақсылап қарсы алады.

Қазақстан Мемлекетінің шекаралас елдермен де жақсы қарым-қатынаста. Мысалға айтып кетсек, Ресей Мемлекеті, Түрікменстан, Өзбекстан, Қырғызстан мемлекеттері.

Әр адамзат баласы «Отан» деген киелі сөзде терең мағына бар екендігін білу керек. Біздің Отанымыз – Қазақстан Мемлекеті екендігін мақтана аламыз.

Отан… Бұл сөз — әр адамның жанына жақын, жүрегіне жылы тиер сөз. Осы сөздің астарында қанша мағына жатыр десеңізші?!

Отан дегеніміз — туып өскен жерің, Отан дегеніміз — ел бірлігін, бостандығын, елін, жерін қайтсек сақтап қаламыз деп құрбан болған апаларымыз бен есіл ерлеріміз.

Құс ұясыз болмайтындай, адам Отансыз болмайды. Ал менің Отаным — сонау Каспийден Алтайға дейін созылып жатқан қасиетті өлке — Қазақстан.

Қазақстан дегенде көз алдыма шалқыған жайлау, түтіні бұрқыраған ауыл, жазық дала елестеп, бақтағы бұлбұл құстың үні мен айдын көлдегі аққу құстың қиқулаған даусы құлағыма келеді.

Мен туған және өскен жері біртұтас болғанда ғана адам бақытты болады деп ойлаймын. Мен қандай бақыттымын, өйткені сен барсың – менің Қазақстаным!

Сен барсың менің жанымда,

Көктемнің гүлі ашылған!

Балалық шағым қасыңда,

Тағдырым сенсің, Қазақстан!

Мен үшін Отан – құндылықтарды, материалды тасымалдаушы емес. Бұл — жан сезімі! Сенің әрқашан оймен болса да оралғың келетін Жердің рухани бұрышы.