Отбасы бақыт мекені ата-аналар жиналысына тренинг

№97 жалпы білім беретін мемлекеттік комуналдық мекемесінің бастауыш сынып мұғалімі Нұрынбетова Айнұр ата-ана мен бала арасындағы байланысты одан да ары жақсарту мақсатында өзінің сыныбында өткен «Отбасы бақыт мекені» тақырыбында тренинг сабағын ұсынғалы отыр

Тақырыбы: «Отбасы бақыт мекені»

Мақсаты: Ата-ана мен баланың арасындағы қарым-қатынастың ерекшеліктерін психологиялық жаттығулар арқылы көрсету.

Көрнекіліктері: Тақырып, слайд, суреттер, интерактивті тақта, түрлі түсті қарындаш, күн сәулесінің шуақтары.

Тренинг бағдарламасы:

1. « Мен бала кезімде...»

«Мен болашақта...»

2. «Өмірдің мағынасы туралы аңыз» бейнебаян

3. Махаббат - күн шуағы

4. «Қолынан танып біл!». Жаттығу

5. «Менің анамның үні».

6. Рефлексия «Алма ағашы»

7. Ән. «Анашым»

Тренинг барысы:

І. Ата-аналарды тіркеу. Бағдарламамен танысу.

1. « Мен бала кезімде...»

«Мен болашақта...» жаттығуы

Қатысушылар шеңберге тұрып , ата-аналар өздерінің бала кезіндегі арманын айтады мыс. «Мен бала кезімде ..... болғым келді» , ал балалар «Мен болашақта...» деп бір – біріне доп лақтырады. Бұл жаттығу қатысушы ата –аналарды балалық эго- қалыпқа түсуге, ал балалардың болашағын нақтылауға ықпал етеді.

Жүргізуші: Жас шыбықты қалай исең, солай өседі . Иә, «Ұяда не көрсең, ұшқанда соны ілерсің» демекші ата-ана тәрбиесі бала өмірінде үлкен із қалдырады. Баланың бойына барлық жақсы қасиеттерді дарыту, тіпті жанында жүрген достарына дейін мән беру, табиғат сыйлаған дарыны болса дамыту, дұрыс білім алуына жағдай жасау- ата-ананың басты парызы. Ендеше бала тәрбиесінде ұсақ-түйек дейтін ешнәрсе жоқ және сол нәрседен де қателесуге қақымыз жоқ.

Ендеше сіздердің назарларыңызға, сіздерге ой тастау мақсатында «Өмірдің мағынасы туралы аңыз» бейнебаянын ұсынғым келіп отыр.

«Махаббат - Күн шуағында»

Күн-денсаулықтың, қуаныштың, жылылықтың символы. Сіздердің әрқайсыларыңызға күннің бейнесі бар бір шуақтан таратылып берілді күн бейнесіне балаңыздың (ата-анаңыздың) есімін жазыңыз , ал шуақтарына оның бойындағы жақсы қасиеттерін жазыңыздар және дауыстап оқып таныстырыңыздар. Енді осы қасиеттерден отбасы құндылығын білдіретін күн сәулесін құрастырыңыздар. Балаңызға күн шуағымен бірге не бергіңіз келеді және қандай үміт күтесіз. ( Ал балалар ата –ананың аялы алақанын, мейірімін неге теңейсіз ). Әр қайсымыз…