Отбасым бақыт мекенім ата-аналар тренингі

Б. Момышұлы атындағы №12 жалпы орта мектебі

Отбасым - бақыт

мекенім

Жетекшілер: Мұсанова Қ

Алтынбекова П

Косжанова М

Кентау қаласы

Тренинг тақырыбы: Отбасым – бақыт мекенім.

Мақсаты: қазіргі кездегі баланың дамуына, жеке тұлға болып қалыптасуына ата-ана тәрбиесінің әдіс-тәсілдерін жетілдіре отырып, қарым-қатынас орнату.

Міндеттері: ата-аналардың мектеппен, мұғаліммен тығыз байланысын арттыру, балаларын білімге, мейірімділікке, ұстамдылыққа тәрбиелеудің жолдарын көрсету. Бала тәрбиелеу саласының аз да болса жоғарлауына ықпал ету.

Қажетті құрал-жабдықтар: үлестірме қағаздар, А4 формат, қалам, ватман, маркерлер және т.б.

Тренинг барысы:1. Есімдер аллитерациясы.

2. «Айна, айна мен қандаймын?» жаттығу3. «Ашулы шарлар» жаттығуы

4. «Бала мүсіні» көрініс

5. Балалы үйде ұрлық жоқ ойын

6. «Үшеуіміздің суретіміз!»7. «Тілек шамы».

Отбасы – адамзат бесігін тербеткен ұя болса, баланың басты ұстазы – ата-ана. Ата-анаға баладан жақын ешкім жоқ, сондықтан да баласының әдепті, білімді болып өсуін армандайды.Отбасы – бала тәрбиесінің ең алғашқы ұжымы. Отбасының басты қазығы алтын тіреу діңгегі – бала. Баланың тәрбиелі болып өсуіне берекелі отбасының әсері мол. Сондықтан да мектеп өміріне, бала тәрбиесіне белсене араластыру, мәдениетін арттыру, ата- ана мен мектеп арасында серіктестік орната отырып ынтымақтастықта жұмыс жасау мақсатында ұйымдастырылатын тренингтердің маңызы орасан зор.

І. Есімдер аллитерациясы.

Мақсаты: Ата-аналарды орындарына отырғызу, жақсы психологиялық көңіл-күйді қалыптастыру.

«Сәлем – сөздің анасы» демекші кез-келген жерде, қандай жағдайда болмасын адамдар бір-бірімен қарым-қатынасқа жеңіл өту үшін алдымен амандасып, сәлем алысқаннан кейін жұмысы жөнінде сөз қозғайды. Бұл қашанда осылай болған, болады да, болуы керек. Дүниежүзіндегі сан алуан халықтардың сәлемдесу салты да түрлі-түрлі болып келеді. Қазір сіздерге бірнеше елдің амандасу салтын көрсетемін.

1. «Еуропалықтар» — қолын қысады.

2. «Жапондықтар» — иіледі.

3. «Оңтүстік африкалықтар» — арқаларымен үйкелеседі.

4. «Солтүстік африкандықтар» — оң қолын алдымен маңдайына, одан соң еріндеріне, содан соң кеудесіне әкеледі.

5. «Замбезиде» Африка – тізе бүгіп, алақандарын соғады екен.

6. Ал енді, өзіміздің ұлттық қазақша амандық – саулық сұрап, қал-жағдайымызды біліскенге не жетсін! Олай болса, қол алысып бір-бірімізбен сәлемдесейік.

Нұсқау: Алдымен өз есімдеріңіздің алдына адамның бойында бар жақсы қасиеттің біреуін айтып, өзіңіз туралы қысқаша мәлімет беруіңіз керек.

Мысалы: Мен мейірімді – Меруертпін;

Мен көңілді – Қуанышпын;

Мен дарынды – Дидармын.

Мұғалім келесі сұрақтарды қояды:

— Сізге кімнің өзін таныстыруы өте айқын, есте қалатындай әсерін тигізді?

— Сіз үшін қандай танысу өте ерекше, әрі күтпеген танысу болды?

— Кімнің өзін таныстыруы Сізге бірден жақын адам екенін сездірді?

— Кімнің айтқан ойы Сізге түсініксіз немесе таң қалатындай болды?

— Мүмкін, сол адамға Сіздің қоятын сұрағыңыз бар шығар?

Бұл сұрақтардың көмегімен қатысушылардың тілдік белсенділігін шақырып, олардың ойындарға, жаттығуларды орындауға қызығушылыгы бар ма, жоқ па екенін анықтап алуға мүмкіндік туады.

Әрбір бала- дара тұлға. Бала тәрбиесінде ата-ана балаға қысым көрсетуден, бала көзінше дөрекі сөйлеуден, жат қылықтар көрсетуден аулақ болып, үлгі болу керек. Сонда ғана білімді, жан- жақты дамыған ұрпақ тәрбиелей аламыз.

ІІ. «Айна, айна мен қандаймын?» жаттығу

Нұсқау: Қатысушы ата-аналар шеңбер бойына орналасады. Ортаға ойыншы шығып «Айна, айна мен қандаймын?» деген сұрақ қояды.Қатысушылар ойыншының бойындағы жақсы қасиеттерін айту керек.

Мұғалім сөзі:

Балаларыңыздың көңіл-күйлері қандай? — деп сұрақ қойылады. Мінекей өз балаларыңыздың бойындағы жағымды қасиеттерді естіген жағдайда көңіл-күйлері көтеріліп, керемет әсер алғандарын сезіндіңіздер.

ІІІ. «Ашулы шарлар» жаттығуы

Нұсқау : І топ қатысушылары ортаға шығып шарларды үрлеп, оларды байлайды. Шарлар адамның денесін бейнелейді, ал оның ішіндегі ауа – сезімін. Қатысушылар аяқтарымен шарды жару керек.

Кері байланыс:

1.Шарды жарғанда қандай сезімде болдыңыздар?

2.Ашудың осылай шыққаны дұрыс жол ма?

Нұсқау: ІІ топ қатысушылары да шарларды үрлейді. Бірақ байламай ұстап тұрады. Бұл шарлар ашу толы сезімді білдіреді. Шарды жайлап аузынан жарты ауасын жіберу керек. Шар кішірейеді, бірақ жарылмайды. Қатысушылар шардағы ауаны толығымен шығарады.

Кері байланыс:

1.Бұл нені білдіреді?

2.Шардағы ауаны жайлап шығарғанда қандай сезімде болдыңыздар?

Мұғалім тұжырымдамасы:

— Қатты жарылған шар ол агрессияны білдіреді , ол – қатерлі жол.

— Егер біз ашуды бақылап шығарсақ , ол ешкімге зақым келтірмейді.

ІV. «Бала мүсіні» көрініс

Мұғалім: баланың роліне ата-аналардың бірін шақырамын. Қатысушыларға әр топтан көрініс кезінде айтылатын тыим сөздерді естерінде сақтап, орамалмен байлап тұру тапсырылады.

Менің кішкентай қызым бірінші сыныпта оқиды. Біз екеуміз мектепке асығып келеміз,автобусқа үлгеріп келуіміз керек. Менің қызым өте қозғалғыш,бәрін білгісі кеп тұрады,тіпті автобусқа асығып келе жатқанда да көп сұрақтар қояды.Мен қызымның қолынан алдым да,жүгіре жөнелдік.