Отбасы бақыт мекені психологияға арналған материал

«Отбасы –бақыт мекені» атты ата –аналарға арналған тренинг

Мақсаты: жанұя мүшелерін бір- бірін түсіне білуге және жақсы қасиеттерге тәрбиелеу.

Қатысқандар: ата- аналар

Көрнекіліктер: Отбасы суреті, бояу қарындаштар, қалам, таза парақ, ватман, шарлар, қайшы, желім, жаңа технология, презентациялар.

Кіріспе сөз: Қымбатты ата- аналар, сіздермен кездескеніме өте қуаныштымын. Алдымен өзіміз,отбасымыз туралы әңгімелеп, танысу үшін жаттығуымызды бастайық.

І.Танысу. Амандасу

Психологиялық жаттығу : « Үй »

Қажетті құралдар : А4 парағы, қарандаш

Өтілу барысы: Ата – аналарға ақ парақ пен қарандаштар беріледі.

Тапсырма: Параққа үйдің суретін сал. Салған үйіңіздің 6 терезесі болу шарт. Үйді салып болсақ , енді сол терезелерге өз отбасыларыңыздың мүшелерін орналастырыңыз. ( Өз отбасыларын таныстырады)

ІІ. Ойын « Ата- ана мейірімі».

Ата- аналар ақ параққа гүлдің суретін салып, гүл күлтелеріне баласына деген сүйіспеншілігін жазып, өз ой- пікірлерін айтады.

ІII. «Түрлі-түсті майлықтар» жаттығуы

Ата-аналарға майлықтарды ұсынады,қанша майлық алса да өз еркі,сол бойынша ата-аналар отбасындағы қызықты да бақытты сәттерін айтып әңгімелеп береді.

IҮ. «Тілек шамы». (Қорытындылау)

Мақсаты: тренинг туралы пікірлерін ортаға салу.

«Міне, қоштасатын да сәт жетті. Біз сіздермен жанұядағы ата-ана мен балалар арасындағы қарым-қатынастың түрлі жақтарын тануға, жан-жақты талқылауға тырыстық. Отбасы, ұшқан ұя – жылылықтың, жылулықтың мекені. «Отбасы» атауының мәніне терең үңілер болсақ, оттың да үлкен маңызы бар екенін сеземіз. Сондықтан оттың басы, ошағымыздың түтіні түзу болуы үшін «Тілек шамы» жаттығуын бір-бірімізге тілек айта отырып жүргізейік.

Ата-аналар алтын уақыттарыңызды бөліп келгендеріңізге көп рахметімізді айта отырып, отбасыларыңызға бақыт нұры шашыла берсін дегім келеді. Сау болыңыздар!