Отбасы бақыт мекені тақырыбында ата-аналармен жұмыс

«Отбасы – бақыт мекені» атты кеш

Мақсаты: отбасы мүшелерінің арасындағы бауырмалдық, қайырымдылық,достық қарым – қатынасты қалыптастыру. Үлкенді сыйлауға, кішіге қамқоршыл болуға баулу. Балалардың өз пікірлерін еркін айта білуін, яғни шығармашылық қабілеттерін дамытумен қатар,ұлттық тәрбиені насихаттау.

Әдісі: пікір алысу, өз ойын ортаға сала білу,сұрақ – жауап.

Түрі: дамыта оқытуға негізделген жұмыстар мен тапсырмаларды отбасымен бірлесе отырып шешу – сайыс сабағы.

Көрнекілігі: үлестірме қағаздар,даналық сөздер,плакаттар,тірек сызбалар,төс белгілер.

Ән: орындайтын 2 «А» сынып оқушысы

Жүргізушінің кіріспе сөзі:

Қайырлы күн, құрметті ұстаздар,ата – аналар және оқушылар! Тәуелсіздік мерекесінің 25 жылдығы қарсаңында өткізгелі отырған «Отбасы бақыт мекені» атты кешімізге қош келдіңіздер! Біз бүгін керемет бір ғажайып әлемге саяхатқа барамыз. Қалай ойлайсыздар,ол қандай әлем болуы мүмкін? (оқушылардың жауабы). Дұрыс айтасыздар,ол мемлекеттің аты «Жанұя» екен. Олай болса,бүгінгі біздің әңгімеміз осы тақырып төңірегінде болмақ.

Отбасы – адамзат бесігін тербеткен баланың бас ұстазы – ата мен ана. Ұлтымызда «Ұяда не көрсең,ұшқанда соны ілерсің» деген дана сөз бар. «Бала қыран болу үшін оны самғатып ұшыратын ата немесе ана да қыран болу керек» - деп отбасылық тәрбиеге ерекше тоқтаған. Демек әр отбасында ата – ананың орны ерекше. Бала әкеден – ақыл,анадан – мейірім алады. Әке отбасының асыраушысы,қамқоршысы,тірегі болса,ана отбасының ұйытқысы,жылуы,шуағы екендігі даусыз. Ата – анаға баладан жақсы ешкім жоқ. «Бала – адамның бауыр еті» дегенде нақыл сөз бар.

Қазақстан –Тәуелсіздік бесігі,

Бесігімде тербеледі дос үні.

Отбасы бар, ұйып тұрған ұясы,

Ұмыпайық, Ұлықтайық осыны!

Барысы: сайысқа қатысатын оқушыларды «Ұландар» деп атаймыз,ал ата – аналарымыз әрине «Ардақтылар».

Бүгінгі қатысып отырған отбасыларды таныстырып өтейін:

Ізбановтар отбасы, Гүлшат апай мектебізде ата-аналар комитетінің төрағасы қызметін көп жылдар бері атқарып келе жатырған белсенді ата-анамыз. Бес баланың анасы, балаларының барлығы оқу үздігі, Айданасы мектебіміздің түлегі «Алтын белгі» иегері, Нұрдана қазіргі таңда Назарбаев зияткерлік мектебінің үздік оқушысы, Нұрбала облыстық, республикалық ән байқауларының сонымен қатар облыстық, республикалық ғылыми жобалар байқауларының жеңімпазы. Шадияры да өнерге қанат қағып, аудандық сайыстарда топ жарып жүр, мектебіміздің белсенді оқушыларының бірі.

Көбеевтер отбасы, Тазагүл апа белсенді ата-ана, 6 баланың анасы. Бізде төрт баласы оқып жатыр, барлығы да, оқу үздігі. Жұлдызай ағылшын тілі пәнінен аудандық олемпиада жүлдегері, облыстық ғылыми жобалар байқауының жеңімпазы. Жансая жуырда «Бөбек» қорының ұйымдастыруымен өткізілген республикалық эссе жазу байқауының жеңімпазы. Жандос облыстық математика пәнінен өткізілген олемпиада жеңімпазы. Мерей мектепішілік түрлі байқауларда топ жарып жүрген белсенді оқушымыз.Бұл отбасындағы балалардың тағы бір ерекшелігі суретке деген ерекше бейімділіктері. Жұлдызай , Жансая, Жандос түрлі тақырыпта өткізліген аудандық сурет байқауларының жеңімпазы.

Үмбетовтер отбасы, Ғабит ағай мен Гүлзат апайға ерекше құрмет көрсетіп қояйықшы. Назерке облыстық ғылыми жобалар байқауының жеңімпазы. Ақерке де, аудандық сайыстарға қатысып өзінің бағын сынап жүр. Өте белсенді, мектебіміздің қандай іс-шарасы болмасын Назерке мен Ақеркесіз өтпейді десем артық болмас.

Шаловтар отбасы- Самал апайАлина, Тоғжан, Дабыл оқу үздіктері, өте белсенді. Мектепішілік, аудандық сайыстардың жеңімпаздары.

Қонарбаевтар отбасы- Гүлзияш апа. Үш баланың анасы Мадина облыстық «Жас Ұлан» фестивалінің, түрлі аудандық сайыстардың жеңімпазы. Зарина екеуі әнге жақын.

Ендеше, барлық қатысушыларға сәт – сапар тілейік. Ата – аналар балаңызға ұпай санын көбірек әперіп,белсенді ата – ана екендеріңізді таныта біліңіздер!

Таныстыру:

Ой- толғау : Сіздерді бүгінгі кешімізге дайындап алу үшін беретін алғашқы тапсырмамыз: Ата – аналар балалар туралы, ал балалар ата – аналары туралы өздерінің ойларын айтады.

9 «А» сынып оқушыларының орындауында «Әке туралы жыр»

Ортаға ұландарды шақырып ойларын тыңдасақ:

3.Келесі кезекте «Ұландарға» тапсырма беріледі. «Менің тату отбасым тұратын үй» жобасын қорғайтын боласыздар. (балалары жауап жазып болғанша,ата – аналар төмендегі сұрақтарға жауап береді.)

Ардақтыларға арналған сұрақтар:

Қызы мектептен келіп анасына: «Сізге маңызды бір нәрсе айтқым келеді», - десе, анасы: «Сенсізде мазам болмай тұр,мазалама», - депті. Оның орнында сіз болсаңыз,не деп жауап берер едіңіз?

Сіз балаңызға үй шаруасына көмектесіп жіберуін өтінесіз. Ал балаңыз: «Қолым бос емес», - деп компьютердегі ойынын жалғастырып отыра берді. Не істер едіңіз?