Отбасы бақыт мекені тақырыбындағы шығарма

ОТБАСЫ – БАҚЫТ МЕКЕНІ

Отбасы ,менің ойымша, біздің үлкен мемлекетіміздің бір бөлшегі.Сол үлкен Қазақстанды шағын ғана отбасылар құрайды. Сондықтан болар ата-бабаларымыз «Отан –от басынан басталады»,- деген. Бұлай айтылуы егер адам отбасында жеткілікті әке мен ананың,ата мен әженің тәрбиесін алмаса ,бауырлардың бір-біріне деген қамқорлығы болмаса , Отанына да қамқолық жасай алмайды деген ғой деп ойлаймын. Қазақ халқы отбасында әр баланың тәрбиесіне ерекше көңіл бөліп отырған. Үлкеннің алдын кесіп өтпеуге, үлкеннен бұрын сөйлемеуге, ата-анасын құрметтеуге дағдыландырған. Мен ең әуелі «отбасы» деген сөздің мағынасын ашатын болсам, «от» қандай болады? Ол жылы от болмаса біз жылына да алмаймыз, тамағымыз да піспейді ,от тек жылылық ғана емес, әр кеудеде намыс оты тағы бар . Ал «басы» деген бастауы ,басталатын жері деген. Сонда бар жылылықтың көзі, бар мейірімнің өзі, намыс пен жігердің туы отбасынан бастау алады екен.

Қоғамдағы отбасының негізгі міндеттерінің бірі – бала тәрбиесі екенінде дау жоқ. Баланың ер жетіп өсуі, бойындағы адамгершілік белгілері отбасыда қалыптасатындықтан туған үйдің жылуы – оның көкірегінде ұзақ жылдар бойы сақталып, мәңгі есінде қалады. Сондықтан да отбасы бақыты – текті, салиқалы ұрпақтың жалғастығы. Отбасы әр бала үшін бақыттың мекені, болашағының бастауы, ұлттық тәрбиесінің тұғыры. Бала әке мен анадан көргенін жасайды. Сондықтан әке мен ана өздерінің ештеңе үйретпей –ақ ісімен сөзімен балаға тәрбие беріп отырғанын білуі керек. Бала өзін жақсы бақытты сезінуі үшін әке мен ананың аялы алақаны мен жылуы керек. Өзі отбасында мейірім көріп өскен бала ешкімге қиянат жасай алмайды. Себебі оның жүрегі мейірімге толы болады. Сондықтан отбасыдағы үлкендер өзінің баласын ғана емес мемлекеттің болашағын тәрбиелеп жатырғанын ұмытпағаны дұрыс. Әр ата-ана «Баланың бақыты үшін өмір сүріп жатырмыз» дейді.Ал нағыз бақыт мекені – бақытты адамдардан құралған отбасы. Осы орайда Қадыр Мырза Әлі ақынның:

Бір құдірет бізді өмірге жолдайды,

Біз өмірді түсінбейміз сол – қайғы.

Туа сала таудай бақыт күтеміз