Отбасы бақыт мекені тәрбие сағаты 4 сынып

Тақырыбы: Отбасы - бақыт мекені

Мақсаты: Бала тәрбиесіндегі ата ананың алатын орнының ерекше екенін түсіндіру. Баламен дұрыс тіл табысуға, сөйлеу мәдениетін үнемі қолдауға ой салу. Ата ана,ұстаз, оқушы арасындағы ынтымақтастықты нығайту.Бала мен ата- ана арсындағы махаббатты, сүйіспеншілікті арттыра түсу.Отбасы татулығын нығайтуға ықпал ету.

Көрнекілігі: нақыл сөздер жазылған плакаттар

Жұмыс түрі: дөңгелек үстел

Барысы:

І Құрметті ата-аналар, ұстаздар, оқушылар! Бүгінгі біздің мектебімізде «Берік отбасы – мәңгілік ел» атты отбасы мерекесіне сай өткелі отырған апталығы «Отбасы - бақытты мекені » атты дөңгелек үстелге қош келдіңіздер! Ата-ананың тілегі баласының жақсы адам болуы, еңбексүйгіштігі, оқу мен еңбектегі табыстары. Баланы баптап бақпасаң. Жамандықтан қақпасаң Қадірден жұрдай қасқа боп. Кешкенің өмір босқа тек- дегендей баланың ыстық суығына күймейтін, жақсылығына сүйінбейтін ата ана жоқ шығар. Бүгінгі ұл ертеңгі әке, ол әкеге қарап өседі, бүгінгі қыз ертеңгі ана, ол шешеге қарап өсіп, бой түзеді. Балаға білім, тәрбие беруде басты тұлға ұстаз болса, оны жалғастырушы демеуші ата ана Отбасы адамзат бесігін тербеткен ұя болса, баланың бас ұстазы ата-ана. «Балапан ұяда не көрсе, ұшқанда соны іледі» деген ата бабамыздың қалған асыл сөздің сырына үңілер болсақ, бала әкеден ақыл, анадан мейір алады. Олай болса бүгінгі дөңгелек үстелімізге келіп отырған әрбір ата – анамен танысып, сырласу мақсатында барлық ата - аналы ортаға шақырып шеңбер құрып тұруларын сұраймын. «Таныстық шамы» деп аталатын жұмысты жүргізгім келіп отыр. Жанып тұрған шамды бір - бірлеріңізге бере отырып, аттарыңызды айтып,

отбасындағы өзіңіздің роліңізді, орныңызды қосып айтып таныстырсаңыз.

Келесі кезекте сіздермен жүргізілгелі отырған жұмысым «Отбасы бақыты ол ...» деп аталады. Мұнде берілген суреттің қимасына отбасының бақыты не деп білесіз соны жазып көрсетсеңіз.

Отбасы – адам үшін ең жақын әлеуметтік орта. Отбасы белгілі дәстүрлердің, жағымды өнегелердің мұралар мен салт- дәстүрлердің сақтаушысы. Отбасында бала алғаш рет өмірмен, қоршаған ортамен танысып, мінез-құлық нормаларын игереді. Отбасы баланың азамат болып өсуінің негізі болып табылады. Отбасының басты қызметі баланы тәрбиелеу. Отбасы тәрбиесі – бұл жалпы тәрбиенің ең басты бөлігі. Ата-ана және отбасы мүшелері жас нәресте дүниеге келген күннен бастап, оның өміріне қамқорлық жасап, болашағын жоспарлайды және саналы азамат болып өсуі үшін қажет жағдай жасайды. Бұған баланың қажеттігін толық қанағаттандыру, оны дене және ой еңбегіне үйрету, күн тәртібін дұрыс реттеуге , салауатты өмір сүруге, адал болуға тәрбиелеу, жақсылықты үйретуге, жамандықтан жиренуге үйрету, бойында жастайынан мәдени құндылықтар мен адамгершілік қасиеттерді қалыптастыру жатады.

Мына сандардың астында бір – бір әріп тұр, соны тауып сөйлетіп көр.