Отбасы – бақыт мекенім ашық тәрбие сағаты

Тәрбие сағаты

Сабақтың тақырыбы: Отбасы қазынам.

Мақсаты: 1. Отбасы – әр адамның шағын отаны. Ол қоғамның бір бөлшегі, от бар жерде өмір бар. Отбасында адамдардың алатын орны туралы түсінік беру. Жанұядағы ата-ана және бала арасындағы қарым-қатынасты нығайту.

2. Адамгершілік, әдеп-инабат тағылымын алуға, жақсы қасиеттерді бойына сіңіру, жақсыдан үйреніп, жаманнан жиренуге баулу.

3. Оқушылардың бойына ата-анаға деген сүйіспеншілігін, құрмет сезімін ояту, адал да парасатты ұл мен қыз тәрбиелеу.

Түрі: сайыс сабақ

Көрнекіліктері:отбасы, тәрбие туралы нақыл сөздер, тапсырмалар жазылған карточкалар, слайд.

Сабақ жоспары:

І. Ұйымдастыру

ІІ.Топқа бөлу, әр топ өздерін таныстырады

ІІІ.«Білімдіге дүние жарық»

IV. «Болашағымыз білімді жастардың қолында»

V. «Тығырықтан шығу»

VI. «Тіл өнері»

VІІ.Пікір талас

VІІІ. «Сәлем-сөздің анасы»

ІХ.Қортынды.

І. Ұйымдастыру. Оқушылармен амандасу, сабаққа назарын аударту.

Сабақ барысы

Тәрбие сабағымызды бастамас бұрын сөзжұмбақ шешіп алайық.

Сөзжұмбақ.

Түсі нарттай,

Тілін тартпай,

Жолға тартпай,

Қоймайды құрттай.

Мемлекеттік рәміздің бірі.

Еңбек құралы.

Ең жақын адам.

Уақыт өлшемі.

Ырыс алды - ....

Сөз жұмбағымыздан Отбасы деген сөз шықты яғни, бүгінгі тәрбие сағатымыз отбасы туралы болмақ.

Бүгін біз «Отбасы қазынам» тақырыбындағы тәрбие сағатында бала тәрбиесі, оның жан - жақты дамуы бағытында өз ойымызды ортаға салмақпыз. Отбасы – адам баласының түп қазығы, алтын ұясы. Адам баласы шыр етіп дүниеге келгеннен бастап, сол ортаның ыстық суығына бейімделіп, ықпалына көніп, осында ер жетеді. Әке шаңырақ иесі. Отбасы мүшелерінің жауапкершілігі толығымен ер - азаматқа жүктеледі. Әйел – отбасының ұйтқысы. Баланы өсіріп тәрбиелеу - ата - ананың міндеті. Бала әкеден ақыл, анадан мейірім алады. Тәртіпті де тәрбиелі ұрпақ тәрбиелеу – отбасы мен мектептен алған үлгі - өнеге жиынтығының жемісі. Бүгінгі сабақ сайыс түрінде өтеді. Алдымен 2 топқа бөліп аламыз.

І бөлім Таныстыру.«Алтын ұя» тобы және «Берекелі отбасы» тобы.

- Алдымен топтың атын таныстырып мағлұмат береді. Топ басшылары топ мүшелерінің атын еркелетіп айтып таныстырасыздар.Ойын әрі қарай жалғаса береді.

Керемет! Яғни өз есімдеріңізді еркелетіп айтқанда көңіл –күйлеріңіз бір серпіліп қалды деп ойлаймын.

ІІ бөлім. «Білімдіге дүние жарық»деп аталады. Мұнда топтың шапшаңдылығын, біліктілігін аңғарамыз. Ендеше викториналық сұрақтар беріледі.

І топ

1. Балдан тәтті не? ( бала)

2. Қара шаңырак иесі кім? ( кенже ұл)

3. Әкеден балаңа берілетін зат ( мұра)

4. Үйдегі алтын адам кім? ( ана)

5. Бес дұшпанды атаңдар? ( өсек, өтірік, мақтаншақ, еріншек, бекер мал шашпақ)

6. «Ұл атадан көрмейінше сапар шекпес» кімнің нақыл сөзі ( Қорқыт ата)

7. Жасөспірім бала неше жастан бастап қылмыстық жауапкершілікке тартылады? ( 14 жас)

ІІ топ

1. Тәрбие мен білімнің ордасы ( мектеп)

2. 18жасқа толмаған адам ( бала)

3. «Өзін - өзі тану» бағдарламасының авторы кім? ( С. Назарбаева)

4. Екі адамның бір - біріне деген адалдығы ( достық)

5. Бес асылды атаңыз (талап, еңбек, терең ой, қанағат, рақым)

6. Үш арсызды ата? ( ұйқы, тамақ, күлкі)

7. Мемлекеттік рәміздерді ата ( елтаңба, ту, гимн)