Отбасым бақыт мекенім 7-сынып тәрбие сағаты

«Тәрбие сағаты»

Мектеп №141жббм

Мұғалімнің аты-жөні Абдигапбарова К.Т.

Сыныбы 7 «Б»

Күні 27.02.2020ж

Сабақ тақырыбы

«Мен елімнің ертеңімін»

Осы сабақта қол жеткізілетін оқу мақсаттары

1.Жас жеткіншектерді рухани-адамгершілікке тәрбиелеу, жалпы адами қасиеттерге ие болатын тұлға қалыптастыру;

2.Отанын құрметтей білетін, болашақта Қазақстанды өркендетуге өз үлесін қосатын патриот азамат тәрбиелеу;

3.Оқушылар бойына ұлттық намыс пен рух, ақыл мен парасат, адамгершілік пен адалдық сияқты қасиеттерді сіңіру, іскерлік дағдыларын дамыту, шығармашылыққа баулу

Тілдік мақсаттар

Пәнге тән лексика мен терминология: мамандық, дұрыс таңдау жасау, ата-ана , достарының және мұғалімдердің ықпалын құрметтеу

Диалог пен жазу үшін пайдалы сөздер мен тіркестерді пайдалану:

Мамандық түрлері, отбасы, қоғам, достар, ата-ана

Құндылықтарды дарыту

Ел жастары, шығармашылық және еңбек, ынтымақтастық

АКТ қолдану дағдылары

Слайдтар, BILIM Land бейнематериялдар, нақыл сөздер.

Сабақтың жоспарланған кезеңдері

Сабақтағы жоспарланған іс-әрекет

Сабақтың басы

І. Ұйымдастыру (оқушылармен сәлемдесу, психологиялық ахуал қалыптастыру)

Мұғалім: Бүгінгі «Мен елімнің ертеңімін» атты 7 «Б» сынып оқушыларының ашық тәрбие сағатына қош келдіңіздер! ІІ. Афирмация (Мен – патриотпын! Мен – білімдімін! Мен Отанымды сүйемін! т.б.)

ІІІ. Негізгі бөлім

Мұғалім: Менің елім-Қазақстан! Бұл әрбір дала перзентінің көкірегінде мақтанышпен айтатын сөзі. Елбасы «Еліңнің ұлы болсаң, еліңе жаның ашыса, азаматтық намысың болса,қазақтың ұлттық мемлекетінің нығайып көркеюі жолында жан теріңді аянбай жүріп еңбек ет. Жердің де, елдің де иесі екеніңді ұмытпа»,-дейді. Сіздер жаңа ғасыр, жаңа мыңжылдықтың жас ұрпағы, егеменді еліміздің ертеңісіздер. Сіздер-еліміздің экономикасын, мәдениетін, білімін көтеретін азаматсыздар.

Бейне материалға назар айдарайық.

Мұғалім: Қазақстан – тәуелсіз, азат ел. Сол тәуелсіздік жолында қазақ бабам не көрмеді десеңізші?! Еліміздің басынан азап та, аштық та, сұм соғыс та өтті. Қазақ халқы ауыр, қайғыға толы кезеңдерді бастан кешірді. Ендеше, Қазақстанның кешегі, бүгінгі күндерін айтып, ертеңін болжап көрейікші.

Сабақтың ортасы

Кешегі Қазақстан сөз кезегі сіздерде.

Балғын: Жоңғар шапқыншылығы – Қазақ хандығы құрылған кезден бастап, XVIII ғасырдың 50-жылдарына дейін оның аумағына ойраттардың бірде өршелене, бірде беті қайта жасаған шапқыншылықтары.

XVII ғасырдың аяғы мен XVIII ғасырдың басында Қазақ хандығы ішкі-сыртқы аса ауыр жағдайға душар болды. Алтайдан Атырауға дейінгі байтақ даланы алып жатқан қазақ халқы жерінің географиялық ерекшелігіне қарай үш жүзге бөлініп өмір сүрді. Қазақ хандығында үстемдік еткен әскери- федалдық шонжарлар арасында ішкі тартыс күшейе түсті. Сонымен қатар бұл мезгілде қазақ-жоңғар қатынасы мейлінше шиеленісіп, қазақ хандығына үздіксіз шабуыл жасалды.

Жоңғарлардың Қазақстан жеріне енуі сонау XV ғ. басталған болатын (Әбілхайырдың көшпенді өзбек хандығына күйрете соққы берген 1456 жылы). Кейіннен ойраттардың бірігіп 1635 жылы мемлекет құруынан кейін – қазақ хандығына қан-төгіс шапқыншылықтар күшейе түсті.

Арина: 1916 ж. көтерілістің басты себептері әлеуметтік-экономикалық және саяси сипаттағы факторлар: отаршылдық езгінің күшеюі, жерді тартып алу, салықтар мен алымдардың шамадан тыс ұлғайтылуы, қазақ халқы мен аймақтың басқа байырғы халықтары жөнінде патша өкіметі жүргізген орыстандыру саясаты, қалың бұқара жағдайының күрт нашарлауы болды.

1916 жылғы көтерілістің басты мақсаты ұлттық және саяси азаттық болды. Сол арқылы ол қазақ халқының бостандық пен тәуелсіздік жолындағы бұрынғы бүкіл күресінің қорытындысын шығарды. Көтерілістің негізгі козғаушы күші ұлттық шаруалардың қалың тобы, сондай-ақ сол кезде туып келе жаткан жергілікті жұмысшы табының өкілдері, қолөнершілер болды. Күрделі және әртекті болған көтеріліс кең-байтақ өлке аудандарының көпшілігінде ұлт-азаттық сипатқа ие болды.

Қарақат: 1929-1932 жылдардағы ашаршылық - қазақтарды жаппай отырықшылдандырудың нәтижесі.

ХІХ ғасырдың соңы – ХХ ғасырдың басындағы жаңа қазақ зиялыларының арасында отырықшылыққа ауысу туралы пайда болған идея, қазақ даласындағы ең шұрайлы жерлерді отарлауға байланысты шиеленісе түскен аграрлық дағдарыстың талдау сараптамаларына, сонымен қатар сол тұстағы Ресей мен Еуропадағы саяси пікірлерде басым түскен ағарту мен жетілдіру көзқарасына негізделді. Отырықшылдыққа көшудің нақтылы шаралары туралы зиялылар арасында қызу талас жүрді, бірақ отырықшыландыру ұзақ жəне біртіндеп жүретін үдеріс ретінде болжам жасалды.

Иманғали: Ұлы Отан соғысы адамзат тарихында болған соғыстардың ішінде ең қасіреттісі болып отыр. Ұлы Жеңіс бізге орасан зор адам құрбандықтарымен келді. Қазақстандықтар соғыс басталған батыс шекара майданынан бастап Тынық мұхиттағы милитаристік Жапонияны талқандау мақсатындағы шайқастарда да болды.

Кеңестер Одағының құрамдас бөлігі ретінде жаумен шайқаста қазақстандықтар үлкен ерлік көрсетіп, жеңіс күнін жақындатуға өз үлестерін қосты. Майдандағы ерлігі үшін 520 қазақстандықтың, оның ішінде 100-ден астам қазақтың Кеңес Одағының Батыры атағын алуы – ортақ Отанын қорғауда қазақ ұлтының суырылып алға…