Отбасы бақыты туралы тәрбие сағаты

О.Тұрмағанбетұлы атындағы Маңғыстау индустриалды техникалық колледжі

БЕКІТЕМІН

Директордың тәрбие ісі

жөніндегі орынбасары

________Искакова Р.Д.

Ашық тәрбие сағаты

Тақырыбы: «Отбасы бақыты - ол...»

Оқытушы:

Исағалиева З.А.

Өткізілетін топ:

2ЭВТ а-16Б

Жаңаөзен, 2018

Тәбие сағатының мақсаты:

Білімділігі: Ата-ананың отбасы тәрбиесіндегі сауаттылығын арттыру.

Тәрбиелік: Студенттерге ата-ананы сыйлауды, ата-ананың ертеңгі үміті екенін түсіндіру , теріс жолға түсуіне жол бермеу

Дамытушылық: Өз ойын еркін, ашық түрде жеткізуге үйрету

Тәрбие сағатының көрнекілігі: баяндама, слайд, бейнероликтер, интерактивті тақта, психологиялық тест, өсиет сөздер, суреттер.

Жоспар:

Ойға шабуыл

Бүгінгі менің ойым

Психологиялық тест

Сүйіспеншілік сипаты

Қорытынды

Баланың жақсысы – қызық, жаманы күйік

(Абай)

Ата – бабасын сыйламау – азғындықтың белгісі

(Пушкин)

Кімде – кім ата – анасын разы еткен болса, ол қандай жақсы . Алла тағала оның өмірін ұзартады

(Мың бір хадистен)

Оқушылар ішке кіріп келе жатқанда олардың біріне көк жапырақ, біріне сары жапырақ беріледі.

Жүргізуші: Қадірменді ата – ана, “Баламның табанына кірген шөңге менің маңдайыма кірсін” деп әлпештеп отырған перзентінің мейірімсіз, қатыгез, жаман бала болғанын кім тілейді дейсіз? Бірақ бүгінгі күні ата – анасын құрметтейтін, олардың алдындағы перзентік парызын орындамайтын, өз айтқанымен жүргісі келетін балалардың бар екені шындық.

Отбасының алтын діңгегі- бала. Баланың тәрбиелі болып өсуіне берекелі отбасының әсері мол.

Отбасының әрбір мүшесі өзара сөйлесіп, не болмаса, ата-анатың, баланың міндетін атқару ғана емес, береке-бірлік, сүйіспеншілікпен араласса босағасы берік, шаңырағы биік отбасына айналары сөзсіз.

“Тәрбие – отбасынан басталады” дейтін болсақ, біздің отбасындағы тәрбиеміз, қарым-қатынас мәдениеті қандай? Бүгінгі балаларымыз “махаббат майданында” жүрген қыздар мен жігіттер. Біреуі – біреуді ұнатып қалып жатса, біреуі — біреуге ұнап жатады. Бір – біріне ұнаған жастың ендігі арманы біз мына өмірде бірге болсақ екен, өмірдің ащысы мен тұщысын бірге көрсек екен деген ой туады, ал ол отбасын құру дейтін болсақ, сол отбасын құруға біздің жастарымыз дайын ба?

Ал ата – ана, ертеңгі үміт күткен балаларымызбен сыйластығымыз, отбасындағы түсініктігі қандай?

Бүгін сіздерді “Отбасы бақыты –ол…” деп аталатын дөңгелек үстелге пікірлесуге шақырамын.

1-бөлім «Ойға шабуыл»

Видеоролик «Бақытты отбасы бейнесі»

Ендігі ойымызды осы тақырып төңірегінде топтастырып, әрі қарай жалғастырайық (оқушыларға да, ата – аналарға да мына ойларды жалғастыру беріледі)

а) отбасы бақыты – ол….

ә) бақыт дегеніміз — …..

б) борыш дегеніміз-…….

в) отбасы бақыты үшін мен…….

г) келешектегі отбасымның бақыты үшін мен……

Ата – ана, оқушы жауабынан соң қорытынды жасалып, “осы отбасы бақытын бұзатын қандай жағдайлар?” деген сұрақ тасталады.

2– бөлім “Бүгінгі менің ойым”

Оқушыларға алдыменен бейнероликтер көрсетіліп, әр бейнероликке қатысты cұрақтар қойылып, оқушының пікірі тыңдалынады.

ой, мама, қойызщы осы, сіз оны түсінбейсіз(осы сөздерді есту ата – анаға ауыр емес пе?)

отбасы бақыты кімның қолында(ананың, әкенің, балалардың)

мұны дұрыс істеген жоқсың, сол үшін анаң ұрсып жатыр. Ұрысқаны үшін анаң кінәлі ме, дұрыс істемегенің үшін сен кінәлісің бе?

Ата – аналарға берілетін сұрақ:

балаңыздың “ой, қойшы мама” деген сөздері сізге ауыр тие ме? Бұл сөздерді жиі естуге тура келе ме?(оқушылар, ата – аналар жауаптары тыңдалады)

Жүргізуші: Сенің кез – келген жақсы ісің үшін алған қуанатын да анаң, кез – келген дұрыс емес ісің үшін ренжитін де анаң. Ана жүрегі енді ғана қауызынан ашылар гүл. Сенің бір ауыз сөзің гүлдей болған ана жүрегін тырнап алуы мүмкін. Ана жүрегі ренішті де, ауруды да, қайғыны да бәрін – бәрін көтереді. Бірақ әрбір тырнаудың ізінен мәңгілікке жара қалып кетеді, осы ұмытпа. Оқушылар, сендерге осы жерде айтылған сөздер тек анаға арналды, яғни әкені ренжітуге болады деген ой тумасын. Анасын сыйлаған бала әкесін…