Отбасы бақыт аясы тәрбие сағаты

«Отбасы-бақыт аясы»

Сабақтың мақсаты: Отбасындағы сүйіспеншілік, сыйластық құндылықтары туралы түсініктерін кеңейту.

Әмір Бекзат: Ерсұлтан Захаровтың «Отбасы-бақыт мекені» өлеңін оқиды.

Тәрбиеші: Қайырлы күн, ардақты ата-аналар мен ұстаздар! Адамзат баласы шыр етіп дүние есігін ашқан күннен бастап, сол ортаға бейімделіп ықпалына көніп ер жетеді. Бала бақыт, бала қуаныш, өмірді жалғастырушы, демеуші, ата-ананы тәрбиелеуші. Бақытты отбасының айнасы- бала. «Баланың жақсысы- қызық, жаманы- күйік»

Біз бүгін керемет бір ғажайып әлемге саяхат жасаймыз. Ол өзі шағын мемлекет. Ол мемлекеттің аты -«Бақытты отбасы» деп аталады. Сол мемлекетке саяхат жолында біз көптеген сатылардан өтіп, нәтижесінде барлығымыз бірігіп біз аңсаған «Бақытты баланың» моделін жасап шығарамыз. Ендеше, барлығымыз да белсенді түрде қатысайық!

Тәриеші:

Шеңбер болып тұрайық жылы жүзбен,

Бізге келсін қуаныш, нұр іздеген.

Шуақ толған жанымыз, жүрегіміз

Үлгі алсын жас ұрпақ мына бізден.

Барлығымыз шеңберге тұрып, бір – бірімізге күлімдеп қарап, балаларымызды қарсы алайық.

Жай музыка қосылып тұрады.Балалар ортаға шығып, өздерінің толық аты-жөндерін айтып таныстырады.

Тәрбиеші: Балалар, біз бүгін отбасы туралы әңгімелесеміз. Біздің әрқайсымыздың өз отбасымыз бар.- Отбасы мүшелеріне кімдер жатады? (балалардың жауаптары)- Отбасымыздағы басшы кім? (әке)- Жер бетіндегі ең әдемі, ақылды, сендерге өте қымбат адам? (ана)- Ал, ата мен әжеге сендер кім болып келесіңдер? (немере)- Отбасындағы адамдар бір - бірімен қандай болуы керек? (адал, мейірімді, қайырымды) «Отбасы ағашы» әр бала ата-аналарымен шығып, ағаштың тамырындағы жеті атасын айтады, жапырақтағы отбасы мүшелерін және жемістердегі бауырларын атап таныстырады.

«Бақытты балалық шақ» триз әдісі арқылы сурет салу. «Бақытты баланың» моделін жасап шығарамыз. Ата-аналар балаларына көмектесіп ұжым болып, су бояқты пайдаланып алақан арқылы сурет салады. «Мен отбасымды жақсы көремін...» (әр бала сөзін осылай бастайды)видеоролик. Балалар, атамыз, әжеміз, әкеміз, анамыз бізді еркелетіп айтады. Олар сендері «айым», «күнім», «жұлдызым» т. б әдемі сөздермен еркелетіп айтады. Қане, отбасында сендерді кімдер және қалай еркелетеді екен?

«Мейірімділік» шеңбері. Ата-аналар балалармен музыка ырғағымен билейді. Содан кейін ата - аналар балаларын еркелетіп, қалай еркелетіндерін айтады.