Отбасы бірлік пен береке ордасы балабақшаға

№ 56 орта мектеп коммуналдық мемілекеттік мекемесінің жанынан ашылға шағын орталық

«Отбасы – бірлік пен береке ордасы»

Тәрбиеші: Бердикулова Г

2018-2019 оқу жылы.

«Отбасы – бірлік пен береке ордасы»

Адам үшін ең жақын әлеуметтік орта ол – отбасы.

Отбасы – береке мен бірліктің бастауы. Отбасы бірлігі – Отанның бірлігі, ағайынның

татулығы – атамекеннің тұтастығы.

Отбасының мемлекеттегі, қоғамдағы алар орны аса маңызды екенін көрсету.

Мемлекет – мыңдаған, миллиондаған отбасылардан құралады, ал қоғамның жүйелі дамуы шағын қоғамдық институт – отбасының беріктігімен , үлгілілігімен тығыз байланысты. Сонымен бірге отбасы – мөлтек мемлекет, шағын қоғамдық ұжым. Сондықтан отбасы мен мемлекеттің міндеттері мен мақсаттары соған сәйкес мүдделері де біртұтас.

Отбасы – белгілі бір дәстүрлердің, жанға жағымды өнегелердің, асыл мұралар мен қаймағы бұзылмаған салт-дәстүрдің сақтаушысы.

Отбасында бала алғаш рет өмірмен, қоршаған ортамен танысып, мінез-құлық нормаларын игереді. Отбасының басты қазығы, алтын тіреу діңгегі – бала.

Отбасы баланың азамат болып өсуінің негізі болып табылады.

Елбасы Н.Ә.Назарбаев өзінің «Әйелдердің ұстамдылығы мен төзімділігі – тыныштық пен татулықтың тірегі» деген баяндамасында:

Отбасы береке-бірлігі әр сәбидің, әр баланың болашақ қадамы.

Отбасы, бала, отбасылық құндылықтар мен дәстүрлер біздің қоғамның және біздің мәдениеттің әрдайым негізі болды және болып қалады. Бізге көптеген отбасыларында бар ізгі дәстүрлер мен әдет-ғұрыпты сақтап, оларды насихаттап, жас отбасыларға қолдау білдіру керек.

Сонымен қатар ата-аналардың өздері де бұған қамқорлық көрсетуі керек. Отбасылық құндылықтарды насихаттап, отбасы бейнесі мен некені, көп балалық өнегелерін құрмет тұтқызу керек.

Үлгілі отбасы нормасы көп балалылық болуы тиіс деп санаймын.

Барлық халықтарда ғасырлар бойы солай болып келген.

Адамның байлығы балаларының санымен өлшенген» – деп ғасырлар бойы жинақталып, ата-баба тарихынан бізге жеткен отбасы тәрбиесінің мол мұраларын болашақ ұрпақты тәрбиелеуге пайдалану заман талабы деп қабылдай отырып, отбасылық құндылықтардың өзіндік ерекшеліктері мен бүгінгі ұрпақ санасына жеткен әсерін және пікір сабақтастығын жан-жақты жүйелі зерттеу өзекті мәселелердің бірі деп санайды.

Отбасы – адам баласының өсіп-өнер, қаз тұрар, қанат қағар ұясы, алтын бесігі. Тәрбиенің кілті – отбасының өмір тіршілігіне байланысты.

Әсіресе, ата-ананың адамгершілік бейнесі – балаларды тәрбиелеудің негізгі көзі.

«Қыран ұяда не көрсе, ұшқанда соны іледі» ғой.

Бала өмірінің алғашқы күнінен бастап ата-ана өздерінің негізгі борыштарын атқаруға кіріседі, яғни оларға тәрбиеші бола бастайды.

Отбасының берік негізі міне, рухани мүдденің бірлігінде болмақ.

Оның біртұтас тату болуы береке бірлігі ең алдымен әке-шешенің бір-біріне, балаларына қалай қарайтындығына байланысты.