Отбасы күніне арналған сыныптан тыс жұмыс сценарийі

Шерхан: Сәлем, ата – алтын күн

Сәлем, қарты халқымның!

Бақытты болғын балалар,

Ашық болсын күніңіз!

Жайнай берсін жүзіңіз! – дей келіп,

«Отбасы күні» деп аталатын мерекемізді бастаймыз.

Дария : 14 қыркүйекте Қазақстанда екінші рет Отбасы күнi аталып өтедi.

Бұл туралы бүгiн ҚР Президентi жанындағы Орталық коммуникациялар орталығының ресми өкiлi Алтай Әбибуллаев мәлiм еттi. "Мемлекет басшысының Жарлығымен бұл күн қыркүйек айының екiншi жексенбiсiнде аталып өтiледi.

Шерхан: Ел Президентi мемлекет - отбасыдан басталатынын және бiздiң қоғамда негiзгi отбасылық құндылықтарды нығайтудың маңыздылығына ерекше назар аударып отырғандығын атап өткiм келедi.

Ал қазір ортаға 7 Ж сыныбының оқушысы Абдилла Айбар «Өрлеу» күйін орындайды. Қарсы алыңыздар.

Дария: Отбасы – адам үшін ең жақын әлеуметтік орта.

Отбасы белгілі дәстүрлердің, жағымды өнегелердің мұралар мен салт-дәстүрлердің сақтаушысы.

Отбасында бала алғаш рет өмірмен, қоршаған ортамен танысып, мінез-құлық нормаларын игереді. Отбасы баланың азамат болып өсуінің негізі болып табылады.

Келесі кезекте 7 «Г» сынып оқушысы _________________________ өзінің өнерімен ортаға шығады. Қарсы алыңыздар.

Шерхан: Отбасының басты қызметі баланы тәрбиелеу.

Отбасы тәрбиесі – бұл жалпы тәрбиенің ең басты бөлігі.

Ата-ана және отбасы мүшелері жас нәресте дүниеге келген күннен бастап, оның өміріне қамқорлық жасап, болашағын жоспарлайды және саналы азамат болып өсуі үшін қажет жағдай жасайды. Бұған баланың қажеттігін толық қанағаттандыру, оны дене және ой еңбегіне үйрету, күн тәртібін дұрыс реттеуге , салауатты өмір сүруге, адал болуға тәрбиелеу, жақсылықты үйретуге, жамандықтан жиренуге үйрету, бойында жастайынан мәдени құндылықтар мен адамгершілік қасиеттерді қалыптастыру жатады.

Келесі кезекте 7 «Ж» сынып оқушысы Ерғалиқызы Қарақаттың өнерін тамашалаңыздар.

Дария:Қазақ отбасында баланың ерте есеюіне көп көңіл бөлген . Оны жүзеге асыруда олар үлгі-өнеге көрсету, жауапкершілікке арту әдістерін шебер пайдаланған. Баланы ерте жастан-ақ жауапты іс-әрекетке тартып отырған. Мысалы, бес жасында атқа мінгізіп, бәйгеге қосу, қозы баққызу, үлкендердің арасындағы дауды шешу, келіссөз жүргізу т.с.с. істерге бірге ертіп жүрген. Сондай-ақ қазақ отбасы тәрбиесінде ғасырлар бойы қалыптасқан, ұрпақтан-ұрпаққа жалғасып келе жатқан отбасы мүшелерінің қатынасының маңызы зор.