Отбасы тәрбие бастауы ата-аналармен жұмыс, 2 сынып

Шебер сынып тақырыбы: Отбасы-тәрбие бастауы

Мақсаты: Отбасы тәрбиесінде ата-ананың балаға деген тәрбиелік ықпалын арттыру. Тәрбиенің ең тамаша жері отбасы екенін, олардың бала тәрбиесіндегі мүмкіндіктерінің жоғары екендігін және бүгінгі заман талабынан шығатынын дәлелдеу.

Өту барысы:

"Зейінін шоғырландыру" әдісі. Қиылған суреттерді құрастыру. Шыққан топтың атын латын әліпбиін пайдаланып, латын ғарпімен жазу.

Сынып жетекшісі: Күн сәулесінің табиғаттағы маңыздылығы қанша жоғары болса, отбасындағы тәрбиенің баланың соншалықты дамуына маңызды екені бәрімізге ақиқат. Бала тәрбиелеудегі жауапкершілігіңізді сезініп, "Отбасы-тәрбие бастауы" атты бүгінгі шебер сыныбымызға қош келдіңіздер.

Ата-анаға көз қуаныш –Алдына алған еркесі.Көкірегіне көп жұбаныш,Гүлденіп ой өлкесі.Еркелік кетті,Ер жетті,Не бітті?- деп Абай атамыз айтқандай, бала тәрбиесінде қай жерден қателік жібергенін анықтай алмаған ата-ана бір дана қариядан сұрапты: баланы тәрбиелеуде ата-ана тарапынан жіберілетін қателіктер қандай дейді? Сол кезде қария бір ыдысты ортаға қойып, ішін ірі тастармен толтыруын, толған соң ыдысқа ұсақ тастарды салуын, енді осыны құммен толтырыңдар деп тапсырма беріпті. Ештеңе түсінбеген ата-ана бала тәрбиесіне құм мен тастың қандай қатысы бар екенін ойлапты.

- ата-аналар бұдан қандай ой түйіндедіңдер? (Ірі тастар - бала тәрбиесіндегі басты мәселелер, яғни балаға көңіл бөлу.Ұсақ тастар - күнделікті бала тәрбиесін назардан тыс қалдырмау.Құмдар - бала тәрбиелеуде жіберілетін қателіктер.

"Өмір сағаты" әдісі

Мақсаты: Ата-ана өміріндегі отбасы маңыздылығын анықтау. Шарты: сағат тілдеріне отбасындағы бала тәрбиесіндегі маңызды шешімдер жазылады. (Интербелсенді тақтаға ата-аналар келіп жазуға болады)

Сынып жетекшісі: Көрдіңіздер ме, тастарды құмның арасынан теріп ала аламыз, ал құмдарды ше? Біз балаларымыздың көзге көрінбейтін кішкентай қателіктерінің орны толмас өкінішке апарып соқтыратынын білмей де қалатын сәттеріміз болады.

Сондықтан да мен бүгін сіздерді ақылдасу үшін шақырдым. Баланың аты – бала. Бала, үйде болсын, мектепте болсын, балалығын жасайды, тентектік жасайды, қалыптасқан ережелерді бұзады, өйткені онда асқан энергетика бар. Солай емес пе? Балалар тәртіп бұзғанда сынып жетекшісі ретінде, қандай шаралар қолдануым керек? Балалардың құқығын бұзбай, олардың нәзік ішкі жан дүниесіне ешбір дақ түсірместей, бұған қоса олардың жасағанын енді қайтадан болдырмау үшін мен не істеуім керек?

Интербелсенді тақтада төмендегідей сөздер жазылған тізім ашылады:

- Әсел сабақтан көп кешігеді.

- Салима математикадан «Екілік» алды.

- Айсәуле мұғалімге сөз қайтарды.

- Абылай терезе сындырды.

- Серік сабақтан қашты.

- Айбек ұсақ ұрлық жасады.

- Арман сыныптағы Еламанмен төбелесті.

- Аманайдың оқу үлгерімі төмендеп кетті.

- Мына тізімді қарап алыңыздар. Мен қазір сіздерден егерде балаңыз осы тәртіп бұзушылықтардың біреуін жасайтын болса, қандай шара қолданатындығыңыз туралы сұраймын. Сіздер өздеріңіздің бай тәжірибелеріңізбен бөліссеңіздер екен!

Мысалы, Арманның әкесі, сіз егерде Дәурен мектепте төбелесіп қалса, не жасар едіңіз? Салиманың анасы, ал сіз қызыңыз «екілік» алса, қандай шара қолданам деп айтасыз? Серіктің анасы, ұлыңыз сабақтан қашып кетті деп есептеңіз, ондайда сіздің реакцияңыз қандай болады, сіз не істейсіз? Қандай жаза қолданасыз?..

Сынып жетекшісі: «Дұрыс! Тамаша ұсыныс! Керемет пікір! Не деген терең ой!». Баршаңызға да рахмет! Өте құнды ұсыныстар келтірдіңіздер! Бала тәртіп бұзса немесе өрескел қылық жасаса, сіздердің қолданатын іс-шараларыңыз:

1) алдымен баламен сөйлесіп, оның жасаған әрекетінің себебін анықтау қажет; 2) баламен әңгімелесіп, бұлай жасауға болмайтыны туралы ақыл айту керек; 3) қатаң жазаны (ұрсу,…