Отбасы татулығы тақырыбындағы 5-сынып ашық сабағы

«Өзiн-өзi тану» сабағының жоспары

Мектеп А.Шынасилов атындағы орта мектебі

Мерзiмі:10.01.2019 ж № 17 сабақ

Тақырып: Отбасы татулығы

Құндылық: сүйіспеншілік

Қасиеттер: мейірімділік, ізгілік, татулық

Мұғалiм:Рысбекова Н.Д.

Сынып: 5 «Ә»

Сабақ мақсаты:оқушыларға отбасы татулығы туралы түсініктерін кеңейте отырып, сүйіспеншілік құндылығының мәнін ашу.

Сабақтың міндеттері:

Білімділік:оқушыларға адамның «отбасы» ұғымы туралы түсінік бере отырып, отбасындағы татулық қасиетінің мәнін ашу;

Дамытушылық:оқушылардыңотбасы татулығы үшін керек жақсы қасиеттерді дамыту;

Тәрбиелік: оқушыларды мейірімділікке, ізгілікке тәрбиелеу.

Ресурстар: (материалдар, дереккөздер)

Кітап, дәптер, үнтаспа, ақ қағаздар, нақыл сөздер

Сабақ барысы:

1. Ұйымдастыру кезеңi.

Сәлемдесу, оқушылардың көңіл-күйін сұрау, сабаққа қатысуды тексеру.

5 Т ережесін еске салу.

1.Тәртіп

2.Талап

3.Тыныштық

4.Тазалық

5.Татулық

2. Жағымды күйге келу.

Нұрға бөлену Ыңғайланып отырамыз, денемізді түзу ұстаймыз. Аяқ-қолымызды айқастырмаймыз. Қолымызды тізеге немесе үстелге қоюға болады. Елестетіп көреміз: Күн нұры біздің төбемізден өтіп, кеудемізге қарай бойлап барады. Кеудеміздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Таза әсем гүл біздің әр ойымызды, тілек-қалауымызды шайып, жүрегіміздің қауызын ашады. Нұр сәулесі біздің бойымызға ақырын тарай бастағанын елестетеміз. Ол біртіндеп күшейе түсуде. Оймен осы нұрды қолдарымызға түсіреміз. Қолдарымыз нұрға бөленіп, сәуле шашуда. Қолымыз тек жақсы, ізгі істер істейді. Нұр аяғымызға тарады. Олар сізді тек жақсылық жасау үшін жақсы жерлерге апарады.

Одан әрі нұр біздің, тілімізге тарайды. Тіліміз тек шындықты, жақсы, ізгі сөздерді айтады. Нұрды құлағымызға бағыттайық, құлағымыз тек жақсы сөз бен әсем әуен естиді. Нұр көздерімізге де келіп жетті, көзіміз тек жақсыға қарап, бәрінен жақсылықты ғана көреді. Басымыз түгелдей нұрға бөленіп, сәулелі ой келеді. Нұр бірте-бірте шұғылана бастайды, біздің денемізден шығып, жан-жағымызға сәуле шашады. Осы нұрды туысқандарымызға, достарымызға, бағыттаймыз, олардың да жүрегі нұрға толсын. Ғаламның барлық түпкір-түпкіріне нұр бағыттаймыз. Ойша айтамыз: «Мен нұрлымын... Нұр менің ішімде...».

Осындай тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем біздің жүрегімізде. Оны осындай әсем қалыпта сақтайық.

Жаймен көзімізді ашуға болады. Рақмет.

3. Үй тапсырмасын тексеру.