Отбасы татулығы тақырыбындағы сабақ жоспары 5 сыныпқа

Өзін – өзі тану сабағының жоспары

Мектеп: №260 Мерзімі: 16.01.2018 Сабақ: №18

Тақырып: Отбасы татулығы

Құндылық: Cүйіспеншілік Қасиеттер: татулық, қамқорлық, мейірімділік

Мұғалім: Оспанова Рахима Сынып: 5 «А» Оқушылар саны:

Сабақтың мақсаты: - Оқушылардың «мейірімділік», «сыйластық» туралы түсініктерін сүйіспеншілік құндылығы арқылы кеңейту.

Сабақтың міндеттері:

Білімділік: оқушыларға отбасы ұғымы, мейірімділік қасиеті туралы түсінік беру.

Дамытушылық: отбасындағы өзара сыйластыққа үйрету арқылы қамқорлық қасиетіне баулу.

Тәрбиелік: оқушыларды отбасын құрметтеуге, татулыққа тәрбиелеу

Ресурстар: оқулық, дәптер, маркер, бейнепроектор, ән мәтіні

Сабақтың барысы: Ұйымдастыру кезеңі. Тыныштық сәті: Нұрға бөлену.

Үй тапсырмасын тексеру. Оқушылар Әбді Шынбатыровтың

«Ағаның хаты» әңгімесінен түсінік айтады.

Талдау сұрақтары:

Әбеннің Нұрилаға хат жазуының себебі неде?

Әбен Нұрилаға қандай ақыл айтты?

Аға ақылынан қандай үлгі алуға болады?

«Үлкенге құрмет, кішіге ізет» деген мақалдың мағынасын қалай түсінесіңдер?

Өзің іні-қарындастарыңа қандай ақыл-кеңес айтып жүрсің?

Сабақ барысын талдау

Дәйексөз. «Ана алдында – құрмет, ата алдында - қызмет»

Дәйексөзді бірінші кезекте ұл балалар қайталап оқиды. Содан соң қыз балалар қайталап айтады. Барлығы қосылып қайталайды.

Әңгімелеу (сұқбат) Қарттың ұлына өсиеті. Қазақ ертегілері:

Бір бай өлер уақытында ұлын шақырып алып:

- Ұлым, мен өлген соң жұма сайын қыз алып, қала сайын үй сал. Ас жесең, бал же,- деп өсиет айтыпты.

Бай дүниеден өтіп, ұлы атасының өсиетін орындай бастайды: жұма сайын қыз алып, қала сайын үй салады. Ас ішсе, бал ішіп, ақшасын бітіреді. Сөйтіп, жігіт далаға шығып біраз жүріп, бір үйілген тастың тасасына отырып, бөркін қолына алып, басын ұстап отырған уақытта, бір жақтан бір шал келіп жігітке сәлем береді. Жігіт сәлемін алған соң, ол адам жанына отырады да, жігітке:

- Неғып отырсың?- дейді.

Жігіт:

- Жәй отырмын,- деп жауап береді.

Шал:

- Шыныңды айт!- деп қыса бастайды.

Жігіт еш нәрсе айтпайды. Шал:

- Сырыңды жасырма! Мен саған жақсылық көрсетемін,- дейді

Жігіт:

- Менің атам бай адам еді, сол атамның өлер алдында айтқан өсиетін орындаймын деп, кедей болдым,- дейді.

Шал: