Отбасы – ұлағат ұясы тақырыбындағы тәрбие сағаты

Отбасы-ұлағат ұясы

Мақсаты: отбасы ұғымының қыр-сырына терең бойлап, ата-аналар мен балалар арасындағы сезімді нығайту; қазіргі қоғамдық өзгерістерге сай ұрпақтың бойына ұлттық игіліктерді сіңіру арқылы адамгершілігі мол, саналы етіп тәрбиелеу.

Әдісі: сын тұрғысынан ойлау ( ой қозғау, топтастыру, рөлге ену)

Көрнекілігі: суреттер, қанатты сөздер жазылған плакаттар

Барысы:

Ұйымдастыру.

Психологиялық дайындық

Алақан жылуы арқылы бір-біріне жылы лебіздер білдіру.

Негізгі бөлім. Кіріспе.

Тәрбие отбасынан басталады. Болашақ ұрпақтың еліне, Отанына деген сүйіспеншілігі алдымен ата-ананың ықпалында болады. Отбасы-адамзат бесігін тербеткен баланың бас ұстазы. Ұлтымызда «Ұяда не көрсең, ұшқанда соны ілерсің» деген дана сөз бар. Әр отбасында ата-ананың орны бөлек. Бала әкеден ақыл, анадан мейірім алады.

қорған үйдің тірегі түн ұйқысын төрт бөлген

Әке

Ана

үйдің ұйытқысы ер бала тәрбиешісі жанұя басшысы

шуағын шашатын жылы алақаны

-Қазіргі таңда ата-аналар баласынан не күтеді?

-Бала бақыты дегеніміз не?

-Ата-ана бақыты неде?

-Бала тәрбиесі үшін ең маңызды іс-әрекеттерге не жатады?

Міне, осы тұрғыда сөз болатын «Отбасы – ұлағат ұясы» атты тәрбие сағатымызды бастаймыз.

1-оқушы: «Отбасы-ұлағат ұясы» деген сөз ата-ана тәрбиесінің күштілігін көрсетеді. Тәрбие туралы сөз қозғағанда біз алдымен отбасын ауызға аламыз. Күнделікті өмірде болып жатқан жақсы, жаман қасиеттер, әртүрлі қарым-қатынас барысында да отбасы жөнінде талай сөз айтуға болады.

Бала ата-ананың сүйіспеншілігімен дүниеге келеді, оған жарық дүние сыйлайды. Отбасы тәрбиесі-бұл жалпы тәрбиенің ең басты бір бөлігі.

2-оқушы: Адамға деген сүйіспеншілік, мейірімділік, қайырымдылық ең әуелі өз отбасынан басталады. Әр үйдің ішіндегі адамдар сол үйдің отбасын құрайды.

І бөлім «Өзгелермен сыр бөлісемін»

Олай болса өз отбасымыз жайлы өзгелермен сыр бөлісейік. ( Оқушылар өз отбасы, оның мүшелері жайлы баяндайды).

ІІ бөлім «Сауалға пікір айтып, ой бөлісеміз»

Қрметті ата-аналар! Біздің достарымыздың сіздерге дайындаған сауалдары бар. Сіздермен пікірлесіп ой бөлісу-біздер үшін үлкен бақыт.

Бала үшін ата-ананың қайсысының беделі күшті деп ойлайсыз?

Дені сау, тәрбиелі, өрелі бала өсіру үшін қандай қасиеттер қажет?

Бала тәрбиесіне қатысты қазаққа тән қандай қасиеттерді дұрыс деп ойлайсыз?