Отбасы жарастығы тақырыбындағы ашық сабақ 5 сынып

«Өзін -өзі тану» пәнінің сабақ жоспары Тақырып: «Отбасы жарастығы» Құндылық: Сүйіспеншілік Қасиеттер: Кешірімдік, мейірімділік, жанашырлық, адамдарға риясыз қызмет ету. Мұғалім: Дайырова А.А. Сынып: 5

Сабақтың мақсаты: Оқушыларды мейірімділік, қамқорлық сияқты ізгі қасиеттері арқылы отбасына деген сүйіспеншіліктерін арттыру. Сабақтың міндеттері: 1.Білімділік.Оқушыларға адам өміріндегі отбасының маңызы туралы кеңінен түсінік беру. 2.Дамытушылық. Отбасы мүшелерінің мейірімділік таныту арқылы бір - біріне деген риясыз қызмет ету қарым - қатынастарын дамыту. 3.Тәрбиелік. Жанашырлыққа, кешірімділікке тәрбиелеу.

Ресурстар:от басы жайлы көрнекіліктер , суреттер, оқулық, дәптер.

Сабақтың барысы: 1.Ұйымдастыру кезеңі. Тыныштық сәті. «Нұрға бөлену» Сәлеметсіздер ме, балалар! Бүгінгі сабағымызды бастамас бұрын «Нұрға бөлену» тыныштық сәтінен бастайық. Ыңғайланып отырыңыздар, денелеріңізді түзу ұстаңыздар.Аяқ- қолдарыңызды айқастырмаңыздар. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін. Елестетіп көріңіз:Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай

Ескерту

бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы , ізгі істер істейді және баршаға көмектеседі. Нұр аяқтарңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Одан әрі нұр сіздің ауызыңызға , тіліңізге тарады. Тіліңіз тек шындықты және жақсы ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді. Нұр бірте- бірте қарқын және шұғылана бастайды, сіздің денеңізден шығып, жан- жағыңызға сәуле шашады, туысқандарыңызға, мұғалімдеріңізге, достарыңызға, таныстарыңызға жақсы тілек тілеңіз, олардың да жүрегі де нұрға толсын. Ойша айтыңыз: «Мен нұрлымын», ... Нұр менің ішімде... Мен нұрмын».Осындай Нұр, Махаббат және Тыныштық күйінде отыра тұрыңыз... Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. Жаймен көзіңізді ашуға болады.

Сұрақтар:

1.Тыныштық сәтінде қандай сезімде болдыңыздар?

2. Біреуге жақсылық тілегенде қандай әсерде боласыздар?

Ой түйіндеу: Олай болса, балалар әрдайым бір-бірімізге, күллі әлемге сүйіспеншілікпен қарап, нұр жіберіп жүрейік.

2.Үй тапсырмасын тексеру.Балалар өткен аптада берілген үй тапсырмасын

пысықтап өтейік. Үйге «Отбасы татулығы» атты аңыз әңгіме оқып келуге берілген болатын.

«Отбасы татулығы»

Аңыз әңгіме Баяғыда бір үлкен отбасы өмір сүріпті.Отбасындағы адамдар саны өте көп екен, бір қауым ел болып, бірге тұрыпты.Ол отбасы ерекше екен, отбасының өзара келісімде, татулықта өмір сүруі елді таң қалдырады. Оларда ұрыс - керіс, дау - жанжал деген атымен болмайды екен. Бұл отбасы жайлы патшаның құлағына да жетеді.Патша естігенінің ақ - қарасын анықтау үшін ауылға келеді. Ауылда тап - таза, барлығы да жеткілікті, тыныштық пен береке қонған.Патшаның көңілі толып, ерекше бір шаттыққа бөленеді.Сыйластығы жарасқан бақытты отбасында қариялардың орны төрде, уайым - қайғысыз, балалары бақытты, мәз - мейрам екен. Бұған патша таң - тамаша болады. Отбасының қалайша бақытты, тату - тәтті өмір сүруінің мәнісін білгісі келеді. Ол ауыл ақсақалына келіп, отбасындағы татулық пен бірлікке қалай жеткендерін айтуын өтінеді. Қарт үнсіз ғана жүз рет "сүйіспеншілік", жүз рет "кешірім", жүз рет "бірлік" деп қағазға мұқият жазып шығады. Үш сөзді оқыған патша таң қалып - Осы - ақ па? - Иә, - деді ақсақал. - Барлық жақсы отбасылары тек осы қасиеттерден құрылады, - деді де, сәл ойланып, "және шыдамдылық" деген сөзді қосып қойды. Сұрақтар: 1.Аңыз әңгіменің мазмұнында не туралы айтылған?

2.Отбасы мүшелерінің татулығына сүйіспеншіліктің әсері қандай? 3.Бірлік пен татулықты сақтау үшін адам баласы қандай болуы керек?