Отбасылық құндылық тақырыбындағы ашық сабақ 7 сынып

Өзін-өзі тану пәнінің сабақ жоспары

Бекітілді: оқу ісінің меңгерушісі

Тақырыбы : Отбасылық құндылықтар

Құндылық: Дұрыс әрекет

Қасиеттер: ізгілік, мейірімділік,шынайылық, сыйластық.

Пән мұғалімі: Айжарикова Клара Болатовна

Сыныбы: 7 «а» сынып

Оқушы саны 12

Сабақтың мақсаты: отбасылық құндылықтарды түсіндіре отырып, дұрыс әрекет құндылығының мәнін ашу.

Міндеттері:

-отбасылық құндылықтарды дұрыс әрекет құндылығының негізінде ұғындыру;

-қайырымдылық, жанашырлық қасиеттерін дамыту;

-Оқушыларды отбасы алдындағы жауапкершіліктерін сезіне білуге тәрбиелеу.

Ресурстар:(құралдар, мәліметтер)

«Өзін-өзі тану» оқулығы, дәптер, күн суреті, слайдар, шарлар, ақ парақтар.

Сабақ барысы:

Ұйымдастыру кезеңі.

Оқушыларды лента түсі арқылы топқа бөлу.

Бір-біріне тілек тілеп, сол лентаны қолдарына байлау.

Үй тапсырмасы.

Н.Келімбетовтың «Ұлым менің» әңгімесін «Ортадағы қаламсап» әдісімен сұрақтар арқылы талдау.

-Неліктен автордың көз алдына ең алдымен аяулы анасының жарқын бейнесі келеді деп ойлайсыңдар?

-Мәтіндегі ананың бойынан қандай ізгі қасиеттерді байқадыңдар?

-Автордың ата-анасының қоныс аударған қарашайлар отбасына риясыз көмек көрсетуінің себебі неде?

-Отбасыларыңда өзгелерге қандай сый, құрмет және көмек көрсетіледі?

-Өзің отбасы құндылығы үшін алдыңа қандай мақсат қоясың?

-Отбасы туралы мақал-мәтел, жыр шумақтарын айтыңыз

Сабақ барысын талдау:

Дәйексөз.

«Отбасында адам бойында асыл қасиеттер жарқырай көрініп қалыптасады. Отанға деген ыстық сезім жақындарына, туған-туысқандарына деген сүйіспеншілікпен байланысты».

Нұрсұлтан Назарбаев.

Отбасы адамға бақыт, толық мәнді тыныс-тіршілік әкеледі.Отбасының басты қазығы, алтын діңгегі бала. Баланың тәрбиелі, жан-жақты болып өсуіне берекелі, өнегелі, ынтымақты отбасының ықпалы зор. Отбасы берекелі, тату болу үшін сыйластық, мейірімділік, жанашырлық, бауырмалдық қасиеттер әр адамның жүрегінен орын алуы керек. Балаларын өздерін қоршаған ортаға және қоғамға пайдалы азамат етіп өсіру- ата-ананың ең маңызды міндеті. «Отан оттан басталады» дейді халқымыз. Елдің, ұлттың, жалпыадамзаттың болашағы, даму деңгейі отбасынан басталады.

Мұғалім сыйы: «Бақытсыз бай» ертегісі

Ертеде жалғыз басты бір бай өмір сүрді. Оның туысқаны да, баласы да жинаған мал мүлкі мен ақшасы еді. Соларды баладай мәпелеп күтетін. Бір күні ол жалшысының көңілді күлкісін естіп оның үйін айналшықтап тың тыңдады. Бірақ мардымды ештеңе ести алмады. Ол ертесіне жалшыны түннің ортасына дейін босатпай әбден жұмысқа салды. Бірақ кешегі күлкі тағы қайталанды. Дегбірі қашып шыдамсызданған бай енді “мынау менің қазынамнан ұрлап жүр, сол үшін үйіне барып мәз болып жатыр” деген жаман ойға кетті. Ол жалшысының есігін бір теуіп кіріп барды. Сөйтсе жалшысы екі баласын арқасына мінгізіп алып, өзі ат болып ойнап жүр екен.

-Ақымақ, бүгін қиралаңдап дұрыс жұмыс істемедің! Түнімен мына мұрынбоқтарыңды ойнатамын деп шаршайды екенсің ғой! — деп ақырды.

-Қожайын, осы екі балапанымды көргенде шаршау, уайым дегенді ұмытып, тыңайып, сергіп қалам,-деп байыпты қалпынан жазбай жауап берді малайы.