Отбасылық құқық негіздері ашық сабағы 11 сынып

Пәні: «Құқық негіздері»

Тақырыбы: «Отбасылық құқық негіздері»

Сабақтың мақсаты:

Білімділік: Пән арқылы білім алушыларды ҚР-ның Неке және Отбасы заңымен жан-жақты таныстыру, әр бап бойынша толық мағлұмат беру, ұғындыру

Дамытушылық: ҚР-ның Неке және отбасына арналған заңын толық меңгерту мақсатында заңдармен және оқулықтармен жұмыс жасауға дағдыландыру

Тәрбиелік: Пән арқылы білім алушылардың қызығушылығын арттыра отырып, саналы да сапалы маман болуға тәрбиелеу.

Көрнекілігі: ҚР Конституциясы, ҚР Неке және Отбасы туралы заң, Құқық негіздері оқулығы, «Отбасы құқығы» оқу бейне жазбасы, интербелсенді тақта,

Сабақтың барысы:

1) Ұйымдастыру кезеңі – 2-3 минут.

Оқушылармен сәлемдесу, түгендеу, журналға белгі қою, оқушылардың сырт көрінісін және дәрісхана тазалағын тексеру.

2) Үй тапсырмасын сұрау: «Мәмілелер және азаматтық құқықтық қатынастар»

Студенттердің үй тапсырмасына дайындығын төмендегідей сұрақтар арқылы тексеру. 10-15 минут.

Әдіс-тәсілдері: Сұрақ-жауап, жеке және топтық тапсырмаларды орындау.

Сұрақтар: «Сұрақ-жауап» арқылы білімдерін тексеру

Мәміле ұғымы

Мәміленің түрлері

Азаматтық құқықтық қатынастар дегеніміз не?

Жаңа сабақ – 40-45 минут.

Жаңа сабақтың тақырыбы: «Еңбек құқығы негіздері»

Сабақтын жоспары:

Неке және отбасы ұғымы.

Неке ұғымы

Неке мен отбасын қорғау

Әдіс-тәсілдері: Конспектілеу. Сұрақ-жауап, слайд және бейне жазба арқылы жеке және топтық тапсырмаларды орындау.

1. Неке және отбасы ұғымы. Отбасылық қатынастар ұғымы. Заңдык мағынасында отбасы дегеніміз — бұл некеден, туыстықтан, бала асырап алудан немесе балаларды тәрбиелеуге алудың өзгеде нысандарынан туындайтын және отбасылық қатынастарды нығайту мен дамытуға септігін тигізетін, мүліктік және мүлікке катысты емес жеке бастың құқықтарымен байланыскан адамдар тобы. Отбасылық қатынастарды реттейтін құқықтық нормалардың жиынтығы отбасылық құқық деп аталады. Отбасы-неке қатынасын реттейтін негізгі нормативтік құқықтық акт Қазақстан Республикасының "Неке (ерлі-зайыптылық)және отбасы" Кодексі болып табылады (2011 жыл 27 желтоқсан № 518-ІV).

2. Неке — отбасын құрудың негізгі болып табылады. Ерлі-зайыптылар арасындағы мүліктік және мүліктік емес жеке қатынастарды туындататын отбасын кұру мақсатымен, заңда белгіленген тәртіппен тараптардың ерікті және толык келісімі жағдайында жасалған еркек пен әйелдің арасындағы тең құқықтық одақты — неке деп түсінуіміз кажет. Егер неке тіркелмесе де, бірак еркек пен әйел бірге тұрып, балаларын тәрбиелеумен айналысып жатса, мұны да отбасы деп айтуға болады.Егер кәмелетке толған балалары ата-анасымен бірге тұрып, оларға қамқорлык жасап, материалдык көмек көрсетсе — бұл да отбасы. Егер кәмелетке толған ағалары мен қарындастары ата-анасыз бірге тұрып, бір-біріне қамқорлық жасайтын болса — бұл да отбасы.

Адамдар арасында некеден, туыстықтан, бала асырап алудан, отбасына тәрбиелеу үшін бала алудан туындайтын қатынастар отбасылық қатынастар деп аталады. Бірақ отбасындағы қатынастардың бәрі бірдей құқық жөнімен реттеле бермейді. Отбасындағы қатынастар, негізінен, адамгершілік, игілік-өнегелікнормалары негізінде реттеледі. Бұл өзара кұрмет, сүйіспеншілік, қамқорлық және имандылық қолдаудың көрінісі. Отбасылык өмір қалыбы, көбінесе ұлттық дәстүрлер мен әдет-ғұрыптарға сүйенеді (үлкендерді қадірлеу, отбасын қамтамасыз ету оның басшысы ретінде толықтай ер адамға жүктеледі, туысқандарды қадірлеп, құрметтеу).