Отбасым – бақыт мекенім тәрбие сағаты, 5 сынып

Қызылорда облысы Шиелі ауданы Балаби ауылы

Сыныбы : 5 Мектебі: «№50 Абай атындағы орта мектебі»КММ

Мұғалімі:Бекибаева Айгуль Тажиевна

Тәрбие сағатының тақырыбы: Отбасым – бақыт мекені

Мақсаты: Жақын адамдарына пайда келтіру мен отбасында өмір сүру қажеттіліктерін қалыптастыру.Міндеттері:

1.Отбасы жарастығы, татулығы туралы түсінік қалыптастыру; оқушылардың отбасында кішіге ізет, үлкенге құрмет көрсете білуіне және баланың өз орнын анықтауына, туыстық қарым-қатынастарын қалыптастыруға, отбасының адам өміріндегі мәнін терең түсіне бастауына жетелейді.

2.Отбасында жағымды қарым-қатынас жасау іскерліктерін дамыту;

3.Өзара сыйластыққа тәрбиелеу.

Түрі:интерактивті сабақ

Көрнекілігі: Қанатты сөздер, Қабырға газеті ойын элементтері: жағдаят жазылған үлестірмелі қағаздарСабақтың әдіс-тәсілі: Әңгіме, сұрақ-жауап, пікіртерім.Барысы: 1) Ұйымдастыру. А) Жақсы көңіл күй қалыптастыру. «Сәлем –сөздің анасы» сәлемдесу. «Сәлем - сөздің анасы» - дейді дана қазақ халқы. Алланың әрбір күнін алғаш кездескен адамдар бір-бірлеріне сәлем берісумен бастап ары қарай қатынастарын жалғастырады.

Б) Сабақты қызықтыру мақсатында оқушылар мен ата аналарды топтастырып, тақырыппен таныстыру.2)Мұғалімнің кіріспе сөзі: Ата - ананың басты қуанышы - бала.Ата - ананың басты - қазығы, алтын тіреу діңгегі - бала.

Мына жасампаз ғасырда, жаһандану дәуірінде мектеп партасында отырған баланың жан - жақты білім алуына ең бірінші ықпал ететін - ұстаз болса, оның сүйеніші ата - ана.

Бала тәуліктің бір бөлігінде, яғни 6 сағат мектепте болса, 18 сағат өз отбасында тәрбие алады. Бала тәрбиесінің қызығы мен қиыншылығы қатар жүретіні бәрімізге белгілі. Сондықтан бәріңіздің отбасыларыңызға амандық ,тек жақсылық тілей отырып, бүгінгі өзіндік тәрбиелік мәні бар «Отбасы – бақыт мекені » тақырыбындағы тәрбие сабағымызға қош келдіңіздер!Отбасы-мемлекеттің негізгі буыны. Тәрбие – отбасынан басталады, болашақ ұрпақтың еліне, Отанына деген сүйіспеншілігі алдымен ата-ананың ықпалы мен қалыптасады.«Дәулет есіктен, ақыл бесіктен кіреді» демекші білім бесігі мектептен, тәрбие бесігі отбасынан бастау алады. Отбасының екі тірегі-әлпештеген әке мен аялаған ана.

Халқымыздың мақал - мәтелдерінен, даналық сөздерінен де ата-ананың қадір –қасиеті туралы айтылған асыл сөздерді табар едік.Ендеше3)Ата ана туралы дана сөздерді тыңдайық

Александр: Адам жеміске, ата- ана жеміс ағашына ұқсайды. Жеміс ағашын жақсы қарап күткендей ата- анаңды аялап бақсаң ,армандарың орындалады

Нұржамал: Ұл- қыз ата- анасын үлкендерді қуанышқа бөлеп, бақытқа кенелтем десе,алдымен әдепті болу керек. Өз жұмыстарын адал да тыңғылықты атқарса ата- ананың ұл- қызы болып өседі.

Қобланды:Әдепті , адал ұл қыздардың міндеті ата- аналарының тірісінде көрсеткен қызыметімен бітпейді.

Инабат:Сәби шағыңда олар өзіңді қалай бағып қақса, қартайғанда оларды да солай алақанға салып аялап күту керек.

Санат: Ата- анаңның көңілін еш ренжітуші болма, олардың жүрегіне қайғы түсіруші болма.

Гүлден:Ата- анасын ұмытқан бала- опасыздың опасызы ,рақымсыздың рақымсызы.

Асылан: Отбасы — адам баласының алтын діңгегі, тұлғалық негізі қаланатын өмір сүру және даму ортасы.

Жанару: Отбасы – сыйластық, жарастық орнаған орта. Отбасы – бала тәрбиесінің ең алғашқы ұжымы.

Таңатар: Ата-ананың қадірін білмеген – халық қадірін білмес

Мұхаммедәли: Адамға өмірде ең қымбаты – отбасы

Азамат: Ата-анаға баладан жақын ешкім жоқ. Ұрпаққа берілетін тәрбие ісі де отбасының беріктігімен тығыз байланысты.

Толғанай: Қазақта «Ұлың-қымбат, немерең-ыстық» деген нақыл сөз бар.Немере үшін ең мейірімді жан-әже.Әжеңнің аялы алақаны, мөлдір мейірі, жылы жүрегі, кіршіксіз таза көңілі немереге ауадай қажет.

Әжемнің саясында ержетіп мен,

Аялы ақ бесікке тербетілгем.

Әжемдей ақ ниетті абзал жанды

Таппаспын айналсам да жер бетінен.

Нұрдана: Ата-анаңның қадірін – балалы болғанда білерсің,

Ағайынның қадірін – жалалы болғанда білерсің.

Нұрасыл: Атаңа ауыр сөз айтпа,

Атыңа ауыр жүк артпа.

Анеля:Ата-ана- отбасының негізгі діңгегі, бастапқы дәнекері.

Нұрасыл: Өзіңді өмірге келтірген, тіршілігіңе нәр берген ата-ананың алдында адамның парыз-міндеті өлшеусіз.

Анам маған «Үлкенді сыйла» деген,

Сол сөз маған ізгілік құйған ерен.

Үлкендерден ауысқан кішілікті

Үлкендердің өзіне сыйға берем.

Атамнан қалған мұра-ізеттілік,

Арымды соған қойған күзеттіріп,

Адалдық- менің сәби Айбарым ғой,

Маңдайынан жүргені жүз өптіріп.

Іңкәр: Ата-анаға үлкенге қызмет етіп, әкеңнің еңбегін, анаңның ақ сүтін өтеу-біздің борышымыз.

Ана жанын ана болсаң ұғарсың.

Алдыңдағы ол бір биік құзар шың

, Балаң үшін биіктен де құларсың.