Отбасында балаларды дұрыс тәрбиелеу туралы баяндама

«Балдәурен» бөбекжай – бақшасы

Баяндама

Тақырыбы: «Отбасында балаларды

дұрыс тәрбиелеудің шарттары»

Петропавл қаласы, 2014 -2015 ж.ж.

Отбасында балаларды

дұрыс тәрбиелеудің шарттары

Ата – аналар А.С.Макаренконың «балаларды тәрбиелеу – біздің өміріміздегі ең жауапты сала. Дұрыс тәрбиелеу – бұл біздің бақытты қарттық шағымыз, жаман тәрбиелеу – бұл біздің келешек қасіретіміз, жауапкершілігін сезінуі бұл біздің көз жасымыз, бұл біздің басқа адамдар алдындағы, бүкіл ел алдындағы айыбымыз» деген пікірінің мағынасын түсінуге тиіс. Өз балаңның тәрбиесін жеке өз ісің ғана қарамау керек, қоғам алдындағы азаматтық борышыңды орындау деп қарау керек. Балаларын тәрбиелей отырып, ата – аналар келешек еңбеккерлерді, азаматтарды, келешек әкелер мен аналарды қалыптастырады. Бұл істің табысты болуына олардың өздері ғана емес, тұтас алғанда қоғам мүдделі. Айрықша реттерде, ата – аналар балаларын тәрбиелеу үшін қажетті жағдай жасай алмаған кезде, оларға мемлекет көмек көрсетеді.

Ата – аналар тәрбиенің мақсаты мен міндеттерін, оларды жүзеге асырудың жолдары мен амалдарын айқын түсінгенде отбасындағы бала тәрбиесі ойдағыдай болуы мүмкін. Бұл отбасы мен балалар бақшасындағы тәрбиелік ықпалдың бірлігін орнату үшін де қажет. «Өзің ата – аналық тілегіңнің қандай екені жөнінде өзіңе айқын есеп беруге тиістісің»,- деді А.С.Макаренко. Ол ата – аналар өз баласын кім етіп тәрбиелегісі келетінін, оған қандай саналарды дарытқысы келетінін айқын ұғынып алуға тиіс деп атап көрсетті. Баланы дұрыс тәрбиелеу үшін оны жақсы білу, жақсы түсіну керек, ал бұл үшін педагогикалық білім қажет. Бұл ата – аналардың баланың мінез – құлқын дұрыс талдап, оны тәрбиелеудің дұрыс жолдарын таңдап алуына көмектеседі.

Балаларды тәрбиелеуде отбасы өмірінің жалпы түрі: жұбайлар теңдігі, отбасы мүшелерінің арасындағы дұрыс қарым – қатынас жалпы ізгі тілектестік, өзара құрметтеу және қамқорлық жасау, патриотизм, еңбек сүйгіштік атмосферасы, ортақ тәртіп пен отбасы дәстүрі, ересектердің балаға қоятын талаптарының бірлігі маңызды рөл атқарады. Отбасы өмірі материалдық ( тамақ, киім, жылу т.с.с. жөніндегі) қажеттер ғана емес, рухани қажеттер де толығырақ қанағаттандырылып, дамып отыратындай етіп ұйымдастырылуға тиіс.