Отбасының жылуы тақырыбына арналған 6-сынып жоспары

Өзін-өзі тану пәнінің сабақ жоспары

Сабақтың тақырыбы: Отбасының жылуы

Құндылық: Дұрыс әрекет

Қасиеттер: мейірімділік, ізеттілік, қайырымдылық

Сыныбы: 6 «а»

Оқушы саны: 23

Сабақтың мақсаты: оқушыларға жақсылықтың адам өміріндегі маңыздылығын ұғындыру арқылы дұрыс әрекет құндылығының мәнін ашу.

Міндеттері:

-оқушыларға жақсылық жасаудың мәнін ұғындыра отырып, қайырымдылық, қамқорлық, жауапкершілік қасиеттері туралы түсініктерін кеңейту;

-оқушыларды өзіне және өзгелерге риясыз жақсылық жасауға баули отырып, жауапкершілікке үйрету;

-оқушыларды қамқорлыққа, мейірімділікке, ізеттілікке тәрбиелеу.

Ресурстар (құралдар, мәліметтер):

Оқулық, дәптер, ақ қағаздар, стикерлер, слайдтар

Ұйымдастыру бөлімі

Бес «Т» , бес құндылықты еске түсіру.

Тыныштық сәті. «Нұрға бөлену»

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын да таза әсем гүл сіздің ойыңызды, сезіміңізді, тілек-қалауыңызды шайып, жүрегіңіздің қауызын ашты.Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Нұр бірте-бірте қарқын және шұғылана бастайды, сіздің денеңізден шығы

Үй тапсырмасын сұрақтар арқылы талдау.

М.Құрманалиннің «Серттессең-сөзіңе тұр» мәтіні.

- Неліктен Алтай өзіне жүктелген тапсырманы орындағысы келмеді?

- Алтай әпкесі мен анасының сөздерінен өзіне қандай сабақ алды?

- Өзіне жүктелген жауапкершілікті сезіну қаншалықты маңызды деп ойлайсыңдар?

- Адамдық борыш дегенді қалай түсінесіңдер?

- Өздерің адамдық борыштарыңды қалай атқарып жүрсіңдер? Әңгімелеп беріңдер.

Сабақ барысын талдау.

Дәйексөз

«Үйінде бақытты адам, әлемде бақытты адам».

Л.Н.Толстой.

Әңгімелеу: Ф.Тайтелиевтің «Сенің жалғыз ғана «АНАҢ» бар» өсиеті.

-Сенің бір жасыңда, анаң сені емізді, артыңды жуып, тазалады. Бұның рахметіне сен түні бойы жыладың.

-Сен екі жасқа толғаныңда, анаң саған жүруді үйретті. Ал сен болсаң, анаң шақырғанда қашатын едің.

-Сен үш жасқа толғаныңда, анаң саған ең дәмді тағамдар әзірледі. Ал сен болсаң, табақтарды жерге лақтырдың.

-Сен төрт жасқа келгеніңде, қолыңа қалам беріп, жазуды үйретті. Ал сен болсаң, дуалдарды шимақтадың.