Өткен күндер елесі туралы мақала Қазақстан тарихы

Өткен күндер елесі

Желтоқсан- белгісі ғой жастығымның,

Желтоқсан- қайғысы ғой қаралының.

Желтоқсан- ет жүрегің елжірейтін,

Келмеске қош айтысып кеткен күнің.

Өтсе де содан бері отыз бір жыл,

Көкейде сақталады ызғарлы жел.

Меңіреу дүниені дүр сілкінткен,

Аңсаған бабалардың арманы бұл.

Иә, өмір- өзен толқындары қазақ халқын әйгілі 1986-жылғы Желтоқсан оқиғасынан уақыт өткен сайын алыстатып әкетіп бара жатса да, жүрегімізде мәңгілік ұмытылмайтын қасиетті де қастерлі бір белгілі нәр қалдырды. Ол- дүниені дүр сілкіндірген Желтоқсан оқиғасы еді. Сол күндердегі қазақ жастарының ерлігіне, өрлігіне, рухына деген тағзым, құрмет әрбір Алаш азаматының көкейінде сақтала бермек...

Халқымызды езіп келген империяның тас шеңгел құлдығынан құтылуды көксеген жастардың көз жасы, қаны бекерге төгілмепті. Он екіде бір гүлі ашылмай кеткен Ляззат Асанова, Сәбира Мұхамеджанова, Қайрат Рысқұлбеков, Ербол Сыпатаев т.б. да жастардың аңсаған арман-тілектері орындалып, Қазақ елі өзінің ғасырлар бойы аңсаған Тәуелсіздігін алды. Елін алға жетелеген, дамыған 30 елдің қатарына қосамын деп, елінің мұң- мұқтажын тереңнен ойлаған Елбасымыз елімен бірге көк жүзімен астасқан қасиетті көк Туының астында бақытты өмір сүрудеміз. Желтоқсан оқиғасы 20- ғасырдағы ұлт- азаттық қозғалыстың ұлы белесі ретінде тарихтың төрінен орын алып, алтын әріптермен жазылды.

Осыдан 32 жыл бұрын Жезқазған педагогикалық институтының 5- курсында оқып жүрген кезім болатын. Жатақханадағы студент жастармен Алматыдағы оқиғаны естіп- білгеннен кейін біз де үндеу жазып, 19-желтоқсан күні таңғы 7-де Алаңға шеруге шықтық. Ақырында сол бейбіт шеруге шыққанымызға кінәлі болып саналдық. Комсомол ұйымынан(строгий выговор с занесением ) қатаң сөгіс жарияланып, жеке іс қағазға «Участница движения беспорядков студентов в городе Джезказгане 1986 года» делінді.

«Тайға таңба басқандай» іс қағаздарымды, дипломымды алып , туған ауылыма ұстаз болып келгенімде маған «декабристка» деп айтатындар да табылды. Енді міне, сол күндер артта қалып, көрген түстей болды. Сол кезде 21 жаста болсам, бүгінде 54-ті алқымдап, самайымды ақ шалды. Отбасын құрып, қос балапанымды дүниеге әкелдім. Жезқазғанда оқыған біліміммен 31 жыл ұстаз болып еңбек етіп келемін. Осыдан 32 жыл бұрын Алаңға шыққанымды жасырып, дауыстап айтуға қорқақтаған болсам, бүгінгі күні қолыма қалам…