Жаңаша білім беру туралы Қазақстан тарихы мақаласы

Жаңаша білім беру: педагогтардың кәсіби шеберлігін жетілдіру

Исенова Гүлмаржан Берішбайқызы

С. Мәуленов атындағы гимназияның

тарих пәні мұғалімі

Білім беру жүйесі- әр елдің даму болашағын айқындайтын әлемдік өркениетке жетуде негізгі бағыттарын көрсететін біртұтас құрылым.

Экономикадағы жаһандану білім беруге жаңа сапалық талаптар қойып, халықаралық стандарттарға сәйкес келетін саплы оқыту мен тәрбиелеуге қол жеткізу мәселелері басты орын алып отыр. Қазақстанның әлемдік үрдістерге кірігуі дамыған елдердің стандарттарына деген ұмтылысы еліміздің жаңа сапалық деңгейге жылдам өтуі қажеттілігін туындатуда. Осыған орай қазіргі кезде білім беру реформалары жасалуда. Мақсат-келешек ұрпаққа өз елінің мақсат міндетімен ұштасқан, халқының рухани байлығымен сусындаған, елдің ертеңіне саналы еңбек ететін ұрпақ тәрбиелеп, оған озық білім беру. Бәсеке нарық экономикасының негігі құралы болып саналады. Сондықтан да оның негізінде ең алдымен, ел экономикасының қарқынды дамуын қамтамасыз ету міндеті қойылса , Елбасы жолдауында «ұлттық бәсекелестік қабілеті бірінші кезекте оның білімділік деңгейімен айқындалады» деп атап көрсетті. Әлемдік бәсекелестік заманда әрбір адамның білім сапасын, қабілеттік деңгейін, іскерлік мүмкіндігін анықтайтын адам ресурстарын дамыту мәселелері күн тәртібіне өткір қойылып отыр, яғни адамның білім мен біліктілігі қазіргі кезде мемлекеттердің бәсекеге қабілеттерінің ең маңызды көрсеткішіне айналды. Білім – адамның сапаларын өзгеруін басқара

Қазіргі кезде көптеген педагогикалық технологиялар оқу-тәрбие үрдісінде пайдаланып келеді. Жаңа технологияны меңгеру мұғалімнен асқан кәсіби шеберлікті, арнайы дайындық пен ізденісті, сауаттылықты талап етеді. Шәкіртті оқу әрекетіне жетелеп, оқуға деген ынтасын оятады. Білім беру реформасының талаптарын жаңа техника мен технологиялық инновациялық әдістерді қолданбай іске асыру мүмкін емес. Тарих сабағында 5-6 сыныптарда жаңартылған бағдарлама бойынша жаңартылған педагогикалық технологияны қолданып жүрмін. Оның мақсаты: оқушылардың ойлау қабілетін дамыту, өздігінен жұмыс істеуге баулу, өз ойын тұжырымдауға дағдыландыру, білім сапасын жақсарту, деңгейлеп, дамыта оқытудың әр түрлі әдісін тиімді пайдалана білу.

Жаңаша оқыту дегеніміз оқушылар бір сыныпта бір бағдарлама және бір оқулық бойынша оқи отырып, материалды әр түрлі деңгейде игере алуы. Жаңартылған технологияның ерекшелігі деңгейлік тапсырмалардың берілуі.

«Оқытудың жаңа педтехнологиясында төмендегідей әдістер қолданылады: жеке, жұптық, топтық, ұжымдық. Ал нәтижесінде оқушылардың ойлау қабілеті жоғарылайды, шығармашылығы артады, жан-жақты дамиды, білім сапасы көтеріледі. Оқушы мен мұғалімнің іс-әрекеті төмендегідей болатынына көз жеткіздім:

Оқушының іс-әрекеті: Оқушы өз кемшілігін байқайды, өз қатарластарынан қалмау үшін не істеу керектігін аңғарады; Ойланып оқуға дағдыланады; Білім алуда жоспар, тезис құруға үйренеді; Әр тақырып бойынша қорытынды бағасы оның жинап алған ұпайына сәйкес қойылады.Оқушы өз жұмысына баға береді;

Мұғалімнің іс-әрекеті: Оқушының оқуындағы кемшіліктерді анықтап, түзетудің әдістері мен тәсілдерін алдын-ала белгілі жүйеге келтіруге мүмкіндігі бар; Сабақ үрдісін тиімді ұйымдастыру мен оған түзету жасау тәсілдерін меңгертеді; Бағалау парағы бойынша оқушылардың тақырыпты қаншалықты меңгергенін біліп, қорытынды жасайды.

Қазақстан тарихы бойынша деңгейлік тапсырмалар құрастырылып, сабақ үдерісінде пайдаландым. Технология бойынша сабақты өту барысы төмендегідей.

І кезең Оның мақсаттары: а) Ұйымдастыру. ә) Үй жұмыстарын тексеру. Өткен тақырып бойынша деңгейлік тапсырмаларды кім қаншалықты аяқтап келгенін тексеру.

ІІ кезең. Өз бетімен жаңа тақырыпты меңгеру.

Негізгі мақсат – ой ояту, оқушыға өзіндік ой-пікір, қорытынды шығаруға мүмкіндік беру. Оқушыларға жаңа тақырып бойынша тапсырмалар беріледі. Тапсырмаларды орындау үшін оқушылар алдымен өз бетінше мәтінді оқиды, жауап табады. Әр топқа әртүрлі тапсырмалар беріледі. Оқушылардың өздері күш салып, қаншалықты меңгергендерін қадағалайды. Мұғалім тек көмектеседі, қосымша фактілер береді, қажет болса өзі түсіндіреді, бағыт-бағдар береді.

ІІІ кезең (кері байланыс) технология бойынша нәтижеге бағытталған бөлім (минут + минут қорытынды шығаруға арналады).

Бұл кезеңнің негізгі мақсаты: деңгейлік тапсырмаларды орындау барысында алған білімдерін дәлелдеп, қабілетіне қарай тереңдету және оқу жетістіктерін 5-10 ұпайлық рейтинг жүйесі…