Өз құқығыңды біл тәрбие сағаты

«Шыңғырлау орта жалпы білім беретін мектебі» КММ

Интеллектуалдық сайыс тақырыбы:

Сыныбы: 8 «А», «Б»

Сынып жетекшілер: Мұқашева Д.Е

Тауова Ж.Қ

2019-2020 оқу жылы

«Тура биде туған жоқ, туғанды биде иман жоқ» Ж. Баласұғын

Интеллектуалды ойын тақырыбы:

«Өз құқығыңды білмесен, олардың қорғалуын талап ете алмайсың»

Интеллектуалды ойын мақсаты: Оқушылардың құқықтық білімдерін тереңдету.

Білімділік: Оқушылардың заң алдындағы жауапкершілікті арттыру, ұйымшылдық пен тәртіптіліктің тиімді жолдарын таба білуге баулу; Адам құқықтарын сақтау, өз құқықтары мен міндеттерін жүзеге асыруға дайындық қабілеттілігін қалыптастыру.

Дамытушылық: Оқушылардың ойлап, тыңдау, өз ойларын еркін жеткізе алу мәдениетін дамыту, шығармашылық қабілеттерін шыңдау. Оқушыларға адам құқығы, бала құқығы, құқықты алаң, оқушының құқығы мен міндеті ұғымдарын меңгерту, проблемалық жағдаяттарды құқықтық тәсілмен шешуге үйрету.

Тәрбиелік: Құқықтық нормативтік актілерді орындай білуге, құрметтей білуге үйрету, адамгершілікке, елжандылыққа, құқықтық сауаттылыққа тәрбиелеу.

Көрнекілігі: слайд, плакаттар, әр түрлі карточкалар. Ата Заң, тәртіп туралы нақыл сөздер, Қазақстан Республикасындағы баланың құқықтары туралы Заңы, мадақтамалар.

Интеллектуалды ойын барысы:

І бөлім – Топқа бөлу. Тренинг

ІІ бөлім - Глоссарий «Тәртіп орнат»

ІІІ бөлім - «Тікелей сұрақтар»

ІV бөлім - «Ой жалғау»

V бөлім - «Жұмбаққа жауап беру»

VІ бөлім - Қорытынды

Ұйымдастыру - екі топқа бөлінген оқушылар жеке-жеке отырғызылады, сайыс мақсатымен таныстырылады.

І топ «Бейбітшілік»

ІІ топ «Заңгерлер»

Мұғалім:

-Құрметті оқушылар және ұстаздар! Бүгінгі біздің тәрбие сағатымыздың тақырыбы «Өз құқығыңды білмесен, олардың қорғалуын талап ете алмайсың» деп аталады. Балалар, тақырыпқа кіріспес бұрын бұрынғы қазақ тарихындағы хандардың «Есім ханның-Ескі жолын», «Қасым ханның қасқа жолын», «Тәуке ханның жеті жарғысын» дәріптейтін билеріміз болған. Елдегі барлық билік осы билердің жолымен шешілген. Елге бай құт емес, би құт болған. Атақты үш биіміз Төле би, Қаз дауысты Қазыбек би, Әйтеке би болған. Ендеше, бүгінгі құқықтық сұрақ-жауап кешімізді бастайық.

І бөлім. Тренинг барысы:

«Қол соғыңыздар, егерде …» ойыны

- сіздер бүгін жақсы көңіл-күймен және жаңа білім алуға келсеңіздер;

- кімді адам құқығы, оның ішінде баланың құқықтары ойландырады;

- кім адам құқықтарын және бала құқықтарын сақтап және құрметтей отырып жұмыс істеуге дайын.

Заң дегеніміз- қоғамның негізгі тірегі. Қоғам деп отырғанымыз-мына біздер. Ата Заңымыз- еліміздің рәміздерінің бірі. Елбасымыз Нұрсұлтан Назарбаев «Конституция — бұл да ел рәміздерінің бірі. Сондықтан негізгі Заңды елдің Туы, Әнұраны және Елтаңбасы секілді қадірлеу, құрметтеу-біздің парызымыз» деген. Сондықтан әрбір адамның заң талабына бағынып жат қылықтар, өрескел тәртіп бұзушылыққа бармауы, өзіне жүктелген міндетті уақытылы орындаудың өзін еліміздің Ата Заңын, халықты құрметтеуі деп білуімізге болады.

Конституция- елдің барлық ережелері жинақталған мемлекеттің негізгі құжаты. Сондықтан да біз оны Ата Заң деп құрметтейміз. Әрбір адам өзінің де, өзге елдің заңына бағынуға міндетті. Әр мемлекеттің өзіне тән заңы бар.

Конвенция дегеніміз- арнаулы мәселелер жөніндегі келесім шарт.

Осы Конвенция негізінде 2002 жылы тамызда Қазақстанда «Бала құқығы туралы» Заң қабылданды. Бұл Заң 10 тарау, 53 баптан тұрады. 2002 жылы 2-қыркүйекте Қазақстан «Бала құқығы туралы конвенцияға» қол қояды,…