Өзге емес, өзім айтам өз жайымда 10-сынып жұмысы

А

тырау облысы Қызылқоға ауданы Жанге

лдин ауылы Миялы орта мектебінің

кітапхана меңгерушісі

Қуанышева Айжамал

Мұхамбетқызы

Өзге емес, өзім айтам өз жайымда...

Мақсаты: Қасым Аманжоловтың шығармаларын оқырмандарға насихаттай отырып, отан сүйгіштікке, батылдыққа баулу, кітап оқуға деген қызығушылығын арттыру, кітапханаға оқырмандар тарту.

Білімділігі: Ақын шығармаларымен таныстыра отырып , оқушылардың сөйлеу мәдениетін, дүниетанымын кеңейту, шығармашылыққа дағдыландыру.

Тәрбиелігі: Қасым поэзиясы арқылы отанды, туған жерді сүюге, қастерлеуге, қайсарлыққа, қаһармандыққа тәрбиелеу. Көрнекілігі: Қасым Аманжоловтың суреті, кітап көрмесі, ақын туралы деректер, әр түрлі жылдарда түскен суреттерінен фото альбом,слайд. Кітапханашы: Өзінің батыл ойлы, шыншыл да терең сырлы, дауылды поэзиясымен әр буын оқырмандар сүйіспеншілігіне ие болып келе жатқан көрнекті жазушы Қасым Аманжоловтың туған

күніне орай өткелі отырған «Өзге емес өзім айтам өз жайымда...» атты әдеби – кешімізге қош келдіңіздер! Қасым Аманжолов - қазақтың аса ірі ақындарының бірі. Оның көркемдік-эстетикалық деңгейі жоғары, қазақ әдебиеті тарихында айтулы орынға ие шығармашылығы, негізінен, поэзиялық туындылардан тұрады. Ақынның әдеби мол мұрасын 7-8 поэмасы мен алуан тақырыптағы лирикалары құрайды. Қасым Аманжолов — көркем аударма өнерінің де үздік шебері. Ол орыс, Батыс пен Шығыс поэзиясының классикалық туындыларын: лирикалық өлеңдер мен поэма-дастандарын қазақ тіліне зор шабытпен аударды.

Жас таланттарға үлгі болып келе жатқан біртуар дарын иесі.

І бөлім: Қ.Аманжоловтың өмір жолы 1-жүргізуші: Қасым Аманжолов қазіргі Қарағанды облысының Қарқаралы ауданындағы Қызыл деген жерде 1911 жылы дүниеге келеді. Майданнан өлеңмен жазған "Ағайыма" деген хатындағы: "Қыс. Қыстау. Атамекен Қызылдағы" дегендегі Қызыл—сол туған жері. Әкесі де сонда қайтыс болады. Жас болса да Қасым соның бәрін есінде жақсы сақтап қалған. Әке-шешеден жастай жетім қалған ол біраз жыл ағасының қолында өседі. Алғашында жаңадан ашылған ауыл мектебінде оқып, сауатын ашады. Кейін, 1924 жылы, ағасы Қасымды Семей қаласындағы интернатқа орналастырады. Қасым онда 1927 жылға дейін тәрбиеленеді. Одан әрі қарай үш жыл Семей мал дәрігерлік техникумында оқиды. Алғашқы өлеңдерін де осы кезде жазады.

2- жүргізуші: 1930 жылы Алматыға келіп, біраз уақыт "Лениншіл жас" газетінде істейді. 1931 жылы Ленинградтағы орман шаруашылығы институтына түсіп оқиды. Бірақ, денсаулығына байланысты және түскен оқуын да онша ұната қоймағандықтан, бірер жылдан кейін елге оралып, Орал қаласында "Екпінді құрылыс" газетіне қызметке орналасады. Жас ақынның көптеген өлеңдері осы газетте жарық көреді. Әншілік, әртістік өнерге бейім, домбыра, мандолина бастаған бірсыпыра музыкалық аспаптарда еркін ойнайтын ақ көңіл, жайсаң жанды "ерке Қасымның" Оралда болған, әсіресе 1935—1936 жылдары Оралдағы қазақ театрындағы қызмет еткен кезі өміріндегі ең бір қызықты, қымбат шағы болып қалады. Оның бойындағы туа бітті зор таланты да осында белгі беріп, ақындық жолына біржолата бет бұрады.

1-оқушы:"Орал" (өлеңін оқу)

Ән: «Туған ел»

ІІ бөлім. Ақын шығармашылығы 1-жүргізуші: 1938 жылы тұңғыш өлеңдер жинағы "Өмір сыры" деген атпен жарық көреді. Жинаққа енген өлеңдерден болашақтағы кемелденген ақын поэзиясының отты, лепті, сыршыл мінезі танылатын жекелеген жол, шумақтар табылғанымен, тұтастай алғанда, жинақ ақынның әлі де үйрену, еліктеу үстінде екенін көрсететін еді. Әсіресе ауыз әдебиетінің 7—8 буынды терме, толғау үлгілеріне бой ұруы жиі шалынатын.

2-жүргізуші: Махамбет, Абай поэзиясының көркемдік табиғатына терең бойлау, дүниежүзілік поэзияның үздік, асыл үлгілерінен үлкен алымдылық, шалымдылықпен үйрену оның буырқанған күшті талантын тез қанаттаңдырды. Қасым 30-