Өзін-өзі тану пәнінен 3 сынып сабақ жоспары

Өзiн-өзi тану сабағының жоспары

Мектеп:Қарағанды қаласы ЖББ№77МБК

Сынып_3

Мерзiм:13.02.2019

Тақырып: Денсаулық құпиялары

Мұғалiм: Мукатаева Ж.Е.

Құндылық Дұрыс әрекет

Қасиеттер_сыйластық, әдептілік, ұқыптылық,

Мақсаты:Оқушыларға жаны саудың – тәні сау болатынын, дұрыс әрекет құндылығы арқылы ұғындыру.

Міндеттері:

1. Білімділік: Оқушыларға адам денсаулығының басты байлық екенін ұғындыру

2. Дамытушылық: бойындағы адами ізгі қасиеттерді ,шығармашылық қабілеттерін,сөйлеу мәдениетін дамыту

3. Тәрбиелік: өз денсаулығына жауапкершілікпен қарауға,сыйластыққа, әдептілікке, ұқыптылыққа тәрбиелеу

Ресурстар:

Сабақтың барысы:

Ұйымдастыру кезеңі.

Амандасу, оқушыларды түгендеу

Т – ережесі:

Тәртіп.

Талап.

Тыныштық.

Тазалық.

Татулық. Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Жағымды күйге бөлену

Тыныс алуға зейін қою.

Баяу музыка қойылады.

Мұғалім: Сіздерден аяқ-қолыңызды айқастырмай, түзу отыруыңызды өтінемін. Біз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз.

Кәне, дайындалайық, балалар. Көзімізді жұмамыз..., арқамызды тіктейміз..., қолдарыңды тізеге қоюға болады...

Д е м а л..... ш ы ғ а р... (жаймен 9-10 рет)немесе1..................2 [3]. Рахмет!

Үй тапсырмасын сұрау

1. №29 – сабақ.Оқулықта берілген 2 – тапсырманы орындау.

Сұрақтар:

1. «Күн – емші анамыз» дегенді қалай түсінесіңдер?

2.«Су – нағыз дәрігер» деп неліктен айтылған?

3.Таза ауамен демалу,дұрыс тамақтану, спортпен шұғылдану адмның қандай қасиеттеріне тән?

4. Өзің денсаулығыңды нығайту үшін қандай талаптарды орындап жүрсің?

Әсем әуен

Сабақтың дәйексөзі.

«Жаны саудың – тәні сау»

Халық даналығы

- Дәйексөзден қандай ой түйдіңіз?

Қорытындылау

2 рет ұлдар, 2 рет қыздар қайталайды.

Әңгімелеу. Мұғалім сыйы

Сүйкімді Ботагөз

Әңгіме

Ботагөз әрқашан сабаққа ерекше дайындықпен келетін. Ол үнемі терең ой құшағында жүреді. Ұстазының әр сөзін байыппен, ерекше ынтамен тыңдап, іштей қайталап отырады.

Бүгін мұғалім ерекше тапсырма берді... Оқушыларға “Алтын Балық” ертегісін оқып беріп: “Егер сендер алтын балықты ұстап алсаңдар, қандай армандарыңды қағазға жазар едіңдер?”- деді.