Өзін-өзі тану пәнінен сабақ жоспары 1 сынып мұғалімдеріне

«Өзін-өзі тану» сабағының жоспары

Мектеп: «М.Маметова атындағы орта мектебі,мектепке дейінгі шағын орталығымен» КММ

Мерзімі:

Мұғалім:

Тақырып: Туған табиғат (26 сабақ)

Сынып: 1 «а», «ә», «б», «в», «ғ», «ж», «е» Оқушы саны: 15,14,11,12.

Құндылық: сүйіспеншілік Қасиеттер: ақпейілділік, сезімталдық, қамқорлық.

Мақсаты: оқушыларға адам өміріндегі туған табиғаттың маңыздылығын түсіндіру арқылы сүйіспеншілік құндылығының мәнін ашу.

Міндеті:

- оқушыларға табиғатқа риясыз қызмет ету арқылы ақпейілділік қасиеті туралы түсінік беру.

- оқушыларды табиғаттың әсемдігін сезінуге баулу арқылы қамқорлық қасиетін дамыту.

- оқушылардың табиғатқа сүйіспеншіліктерін арттыруда ақпейілділік, сезімталдық, қамқорлық қасиеттеріне тәрбиелеу.

Ресурстар

Оқулық, дәптер, мақал –мәтел, дәйексөз, жағдаят.

Сабақ барысы

1.Ұйымдастыру кезеңі:

Сәлемдесу, оқушылардың көңіл-күйін сұрау, сабаққа қатысуды тексеру. 5 Т ережесін еске салу.1.Тәртіп2.Талап3.Тыныштық4.Тазалық5.Татулық

Оқушылар көңіл күйін көтеру мақсатында.

2. Үй тапсырмасын тексеру:

«Табиғат» жайлы мақал – мәтел жаттап келу.

«Таза болса табиғат,аман болар адамзат»

Ф.Оңғарсынова

- Дәйексөзді балалар хормен оқиды. - Дәйексөздің мағынасын ашып беріңіздер?

- Табиғатсыз өмір сүру мүмкін бе?

- Егер адамдар ағаштарды кесіп,гүлдерді жұлып,ауаны,суды,жерді ластаса не болады?

Мағынасын түсіндіру.

4.Әңгімелеу (Мұғалім сыйы)

Бұлақ көрсең, көзін аш.

Спандияр Ақаев

Далада ағып жатқан бұлақ, тау – тастан шығып жатқан бастау – саусағының шөлін қандырып, ыстықтағанның ыстығын басады. Алыс жолдан шаршап жеткен кісі бұлақтың басында жай табады.

Ыбырай атамыздың «Таза бұлақ» деген әңгімесін оқыған боларсыңдар. Олай болса, әр бала жазда кездесе қалса, бастаудың көзін, бұлақтың жолын аршып, оларды шөп – шаланнан, лай – батпақтан тазалай жүрсе, үлкен ғанибет. Сол үшін бабаларымыз: «Бұлақ көрсең, көзін аш!» деп өсиет қалдырған.

Бастаудың, бұлақтың суы нелітен тап – таза, мөп – мөлдір болады?

Ал адамның бастау бұлағы қайда деп ойлайсыңдар?

Өз бастау бұлағыңды қалай таза ұстауға болады?

Оқушылар әңгімелеп, жаңа тақырыптың мазмұнын талдайды.

5.Шығармашылық іс – әрекет, топтық жұмыс

1 – тапсырма. (117-бет)

Туған табиғатқа деген риясыз сүйіспеншіліктеріңді сахналап көрсетіңдер.

2 – тапсырма. (117-бет)

Суреттерге қараңдар. Мұндай жағдайда табиғатқа қандай қамқорлық жасауға болады? Айтып беріңдер?

Оқушылар тапсырмаларды орындайды.

6.Топпен ән айту

Жас дәуірдің түлегіміз

Сөзі: Ермек Өтетілеуов

Әні: Ибрагим Нүсіпбаевтікі

Бау, бақша, белдер,

Орман, тау, көлдер –

Көрікті шексіз даламыз.

Дәулеті тасқан,

Сәулеті асқан –

Көңілді ауыл, қаламыз.

Қайырмасы:

Жадырап күндей,

Жайнаған гүлдей –

Бақытты біздер баламыз! (2 рет)

Өзіміз туған,

Көбелек қуған –

Өлкеде өсіп, толамыз.

Жалықпай оқып,

Көңілге тоқып –

Білімді адам боламыз.

Қайырмасы:

Жадырап күндей,

Жайнаған гүлдей –

Бақытты біздер баламыз! (2 рет)

Әнді ерекше көңілмен айтып, сергиді.

7.Үй тапсырмасы:

3 – тапсырма.

Туған табиғаттан не үйренуге болады? Айтып беріңдер.

Күнделіктеріне жазады.

8.Сабақтың соңғы тыныштық сәті

Енді көзімізді жұмайық. Сабақта айтылған барлық жақсы ойларды жүрегіміздің түкпіріне апарып орналасайық. Ол сендере үнемі қуаныш сыйлап, жүректеріңді нұрға толтырсын! Көздеріңді аша қойыңдар. -Сабақ аяқталды. Сау болыңыздар!

Оқушылар көздерін жұмып демалады.

Тексерген: оқу ісінің меңгерушісі:

«Өзін-өзі тану» сабағының жоспары

Мектеп: Ы.Ноғайбаев атындағы №18 орта мектеп.

Мерзімі:

Мұғалім: Матыгулова К.Ж.

Тақырып: Денсаулыққа апарар жол (27 сабақ)

Сынып: 1 «а», «ә», «б», «в», «ғ», «ж», «е» Оқушы саны: 15,14,11,12.

Құндылық: дұрыс әрекет Қасиеттер: ақниеттілік, саналылық, сергектік.

Мақсаты: оқушыларға адамның жаны мен тәнінің үйлесімділігі туралы түсіндіре отырып, дұрыс әрекет құндылығының мәнін ашу.

Міндеті:

- оқушыларға жан сұлулығын ұғындыру арқылы ақниеттілік қасиеті туралы түсінік беру.

- оқушыларды жан тазалығына мән беруге үйрету арқылы сахналық қасиетін дамыту.

- оқушыларды жан мен тән сұлулығын дамытуда ақниеттілік, саналылық, сергектік қасиеттеріне тәрбиелеу.

Ресурстар

Оқулық, дәптер, мақал –мәтел, дәйексөз, жағдаят.

Сабақ барысы

1.Ұйымдастыру кезеңі:

Сәлемдесу, оқушылардың көңіл-күйін сұрау, сабаққа қатысуды тексеру. 5 Т ережесін еске салу.1.Тәртіп2.Талап3.Тыныштық4.Тазалық5.Татулық

Оқушылар көңіл күйін көтеру мақсатында.

2. Үй тапсырмасын тексеру:

3 – тапсырма.

Туған табиғаттан не үйренуге болады? Айтып беріңдер.

3.Дәйексөз:

« Жаны саудың - тәні сау»

Осы дәйексөздің мағынасын қалай түсінесіңдер?

Мағынасын түсіндіру.

4.Әңгімелеу (Мұғалім сыйы)

Жақсылық

Ертегісі

Ертеде анасы мен баласы өмір сүріпті.Бір күні анасы қатты ауырып қалады.Емдеу үшін жалбыз шөбі қажет болады.

Ол шөп алтын бұлақтың жағасында өседі екен. Бала алтын бұлақты іздеп шығады.Ол жолда келе жатып,қолында жүгі ауыр бір қарияға кездеседі.Оған көмектесіп, межелі жеріне дейін апарып тастайды.(Қария балаға қандай көмек береді деп ойлайсыңдар?)

Ол алтын бұлаққа қалай баратынын айтады.Бала ары қарай жүріп кетеді.

Жолда келе жатып,қанатынан жараланған торғайға кездеседі.Ол баладан көмек сұрағандай шиқ-шиқ етіп,аянышпен қарайды.Бала оны қолына алып,жарасын таңып береді.Торғай рахмет-рахмет дегендей баланың төбесінен бірнеше айналып,алтын бұлақ мына жақта дегендей төмен ұшып,жол сілтегендей болды.Бала оның соңынан жүріп отырып, алтын бұлақтың жағасына келеді.

-Балақай, «көзімді ашып жіберші»,-деген бұлақтың даусын естиді.Бала бұлақтың көзін ашады.Бұлақ:

-Балақай, рахмет саған! «Жақсылыққа жақсылық» деген, менен не қалайсың?

Бала жалбыз іздеп шыққанын айтады.Бала жалбыз теріп алады да,анасына әкеліп береді.Анасы жазылып,баласымен бақытты өмір сүріпті.

- Балалар,ертегі ұнады ма?

-Бала не үшін алтын бұлақты іздеді?

-Сендер баланың орнында болсаңдар не істер едіңдер?

Оқушылар әңгімелеп, жаңа тақырыптың мазмұнын талдайды.

5.Шығармашылық іс – әрекет, топтық жұмыс

1 – тапсырма.

Берілген сөздердің ішінен денсаулықты жақсартатын қасиеттерді тауып жазыңдар.

Қажетті сөздер: адал ниет, қызғаншақтық, сараңдық, кеңпейілділік, жақсы ой, жылы сөз, ашушаңдық.

2 – тапсырма. (121-бет)

Суреттерге қараңдар. Сендер қай балаға ұқсағыларың келеді? Неліктен? Айтып беріңдер?

Оқушылар тапсырмаларды орындайды.

6.Топпен ән айту

Мен бақытты баламын.

Өлеңі мен әнін жазған Рауан Мырзабай.

Төсінде кең даланың,

Еркін асыр саламын.

Құшағымда анамның,

Мен бақытты баламын!

Пейілі кең далам бар,

Асқар – тауым – атамдай.

Еңбек етем ел үшін,

Даңқы шыққан атамдай.

Қайырмасы:

Мен бақытты баламын!

Ақ бесігін тыныштық,

Әлдилейді ыдыс – құт,

Топырағы түрленген,

Туған жерім тым ыстық.

Бейбіт күнмен таныстап,

Ақсауытты құрыштап.

Отанды мен күзетем,

Көк байрақты тік ұстап.

Қайырмасы:

Әнді ерекше көңілмен айтып, сергиді.

7.Үй тапсырмасы:

«Өсиет әңгіме» оқып келу. (124 – бет)

Күнделіктеріне жазады.

8.Сабақтың соңғы тыныштық сәті

Енді көзімізді жұмайық. Сабақта айтылған барлық жақсы ойларды жүрегіміздің түкпіріне апарып орналасайық. Ол сендере үнемі қуаныш сыйлап, жүректеріңді нұрға толтырсын! Көздеріңді аша қойыңдар. -Сабақ аяқталды. Сау болыңыздар!

Оқушылар көздерін жұмып демалады.

Тексерген: оқу ісінің меңгерушісі:

«Өзін-өзі тану» сабағының жоспары

Мектеп: Ы.Ноғайбаев атындағы №18 орта мектеп.

Мерзімі:

Мұғалім: Матыгулова К.Ж.

Тақырып: Денсаулыққа апарар жол (28 сабақ)

Сынып: 1 «а», «ә», «б», «в», «ғ», «ж», «е» Оқушы саны: 15,14,11,12.

Құндылық: дұрыс әрекет Қасиеттер: ақниеттілік, саналылық, сергектік.

Мақсаты: оқушыларға адамның жаны мен тәнінің үйлесімділігі туралы түсіндіре отырып, дұрыс әрекет құндылығының мәнін ашу.

Міндеті:

- оқушыларға жан сұлулығын ұғындыру арқылы ақниеттілік қасиеті туралы түсінік беру.

- оқушыларды жан тазалығына мән беруге үйрету арқылы сахналық қасиетін дамыту.

- оқушыларды жан мен тән сұлулығын дамытуда ақниеттілік, саналылық, сергектік қасиеттеріне тәрбиелеу.

Ресурстар

Оқулық, дәптер, мақал –мәтел, дәйексөз, жағдаят.

Сабақ барысы

1.Ұйымдастыру кезеңі:

Сәлемдесу, оқушылардың көңіл-күйін сұрау, сабаққа қатысуды тексеру. 5 Т ережесін еске салу.1.Тәртіп2.Талап3.Тыныштық4.Тазалық5.Татулық

Оқушылар көңіл күйін көтеру мақсатында.

2. Үй тапсырмасын тексеру:

«Өсиет әңгіме» оқып келу. (124 – бет)

3.Дәйексөз:

«Жан мен тәннің саулығы - өмірдің байлығы»

Халық даналығы

- Балалар, сендер жан саулығы, тән саулығы үшін қандай әрекеттер жасау керек екендігін үйрендіңдер.

- Олар – таза ауа, табиғи су, спорт, амандасу, жақсы сөздер, таза ой, дұрыс тамақтану, тазалық, зиянды әрекеттер жасамау, жақсы көңіл-күй, осылардың бәрін орындасақ жанымыз, тәніміз сау болады. Жан мен тәніміз сау болса өмірде бақытты боламыз.

Мағынасын түсіндіру.

4.Әңгімелеу (Мұғалім сыйы)

Ассалау

Тұрсын, Саят, Самат, Алмат деген төрт дос болды. Олар кешкі уақыттарын көбіне ойын ойнаумен өткізеді. Өздерінің ойнайтын алаңдары да бар. Әбден үйреніп кеткендері сондай олар үйлерінен шығып ойын алаңына мойындарын созып қарайды. Достары жүрсе болды жүгіріп алаңға келеді де, ойынды жылғастырып кетеді. Олардың осы қылықтарын әр кез байқап жүретін Саяттың әкесі бір күні ойнауға кетіп бара жатқанда баласын тоқтатып:

-Сен қазір достарыңа бар да «Ассалаумағалейкүм» деп амандас, - деді.

-Ассалау, ассалау, - деп тек соған ғана тілі келген Саят:

-Балаларға барып ассалау десем олар түсіне ме? – деп сұрады.

-Олар түсінбесе сен түсіндір. «Ассалаумағалейкүм» деген сөз үйіңе ырыс, бақыт қонсын деген сөз де, - деді әкесі.

Бақыт деген сөзді ғана құлағы шалып үлгерген Саят:

-Әке, бақыт деген немене? – деп тағы сұрады.

-Бақыт деген сенің анаң, әкең, бауырларың, жеңгең тәтті тамақтарың мен киген киімің. Міне, осылар сенің бақытың, - деді.

Саят әке сөзінің астарына мән беріп жатпады, жүгіре жөнелді. Ол достарына келіп:

-Балалар, ассалау! – деп айқай салды. Олар да жамырап:

-Ассалау, асслау, - деп жатты. Аң-таң қалған Саят:

-Немене, сендер де ассалауды білесіңдер ме? – деді. Балалардың ішіндегі ересектеуі, әрі пысығы Тұрсын:

-Иә білеміз, менің әкем ағаларымен аслау деп амандсады, - деді тақылдап. Тұрсынның білгіштігіне жыны келіп кеткен Саят:

-Ал айтшы білетін болсаң асслау деген сөздің мағынасы не? – деді. Мүдіріп қалған Тұрсын ешнәрсе айта алмады. Сонда Саят:

-Мен, менің анам, әкем, жеген тамақтарым мен киген киім бәрі бақыт. Егер мен сендермен үнемі ассалау деп амандасып тұратын болсам осылар менде көп болады, - деді мақтанып.

Мына сөздерге қызығып кеткен Самат:

-Арасында кәмпит те бар ма? – деді.

-Иә, бәрі де бар, тіпті балмұздақ та бар, - деді Саят.

Төрт дос осы әңгімеден кейін үнемі бір-бірімен қол алысып, ассалау деп амандасатын болды.

- Сендер достарыңмен қалай амандасасыңдар?

- Саяттың қылығы дұрыс па?

- Әкесі Саятқа не деп айтты?

Оқушылар әңгімелеп, жаңа тақырыптың мазмұнын талдайды.

5.Шығармашылық іс – әрекет, топтық жұмыс

1 – тапсырма.

Өлеңді жалғастырып жазыңдар.

Таза болса, ой санаң,

Денсаулығың жақсарар.

2 – тапсырма.

Жағдаятты сахналап көрсетіңдер. Талдаңдар.

1 – жағдаят

Есен мен Бекен тістерін емдету үшін дәрігерге келді. Есен қатты мазасызданды:

- Мен қорқамын, қатты ауыртатын шығар, - деді.

Ал Бекен болса:

- мен түкте қорықпаймын. Тісімді емдеген соң, балмұздақ жеймін, - деді.

2 – жағдаят

Айжан мен Айман далаға ойнауға шықты. Жаңбырдан соң жердің езіліп жатқанын көрген Айжан дереу үйге кеткісі келді. Ал Айман болса, күннің төккен шуағына, құстардың салған әніне қуанып кетті.

Оқушылар тапсырмаларды орындайды.

6.Топпен ән айту

Мен бақытты баламын.