Өзін-өзі тану пәнінен сабақ жоспары 1-сыныпқа

Пән: Өзін – өзі тану

Мектебі: Б.Майлин атындағы №3 жалпы орта білім беретін мектеп

Күні: ____________

Тақырыбы: №4. Тәртіп пен парыз

Құндылығы: Дұрыс әрекет

Қасиеттері: ата-ананы, үлкендерді, мұғалімдерді сыйлау, тілалғыш болу, шындықты айту.

Мұғалімі:Қасымхан Б.Б

Сыныбы: 1 Оқушылардың саны:

Мақсаты: оқушыларға тәртіп пен парыздың мәнін түсіндіре отырып, дұрыс іс-әрекет құндылығының мәнін ашу

Міндеттері:

1. Білімділік: Оқушыларға тек шындықты айту керек екенін үйрету.

2. Дамытушылық: Оқушылар бойындағы тілалғыштық қасиеттерін дамыту.

3. Тәрбиелік: Оқушыларды ата-ананы, үлкендерді, мұғалімдерді сыйлай білуге тәрбиелеу.

Ресурстар:

(материалдар, дереккөздер)

1.https://kopilkaurokov.ru

Сабақтың барысы:

1. Ұйымдастыру кезеңі.

Тыныштық сәті: Нұрға бөлену.

2. Үй тапсырмасын тексеру.

№4 – сабақ. Мәдіхат Төрежановтың «Алғыс» мәтінін үлкендердің көмегімен оқып келу.

Сұрақтар:

1. Неліктен барлығы алғысты басқаларға айту керек деп шешті?2. Балалар бұл оқиғадан қандай сабақ алды?3. Сендер кімге және нелерге алғыс білдірер едіңдер?

5Т – ережесі:

1. Тәртіп.

2. Талап.

3. Тыныштық.

4. Тазалық.

5. Татулық.

3. Сабақтың дәйексөзі.

(Бірінші ұл балалар қайталайды, кейін қыз балалар қайталап оқиды)

Жақсы тәртіп көрсе бала күнінде,

үлгісімен қуантады түбінде

Ж. Баласағұни

Сұрақтар:

1. Адамның қандай парыздары бар?2. Адам неліктен парызын дұрыс орындауы керек?

3. Дәйексөзден қандай ой түйдіңіз?

4. Оқиға айту (Мұғалім сыйы).ӘЛІППЕМЕН ҚОШТАСҚАН КҮН

Жансая әліппемен қоштасатын күнге ерекше даярланды. Өлең жаттады. Әліппенің әріптерді үйреткеніне мәз болды. Сөздерді оқи алатынына қуанды. Жүгіртіп оқығанына төбесі көкке жетті.

Әліппемен қоштасу мерекесіне ата-аналардың бәрі жиналды. Апайы – Айсұлу өз шәкірттерінің қабілеттеріне көңілі толғандай.

Сәбира домбырамен өлең айтты. Бейбіт тақпағын орындады. Жансая үш қызбен біргелікте дөңгелеп би биледі. Бәрі де тап-таза, әдемі киінген. Көйлектері бүрмелі. Оюлы нымшалары өздеріне арнап тігілгендей. Қолдары, саусақтары майысып, өнерлерін көпке көрсетті.

Ата-аналар жас бүлдіршіндерге риза боп, әлсін-әлсін қошемет танытты. Қол

шапалақтады. «Керемет!» деп әр ән, би өлең сайын өз ой-пікірлерін сүйсіне білдірді.

Жансая үшін бүгінгі күн есінде жатталып қалды. Әліппені жақсы оқығаны үшін мектеп директоры мен апайының қолы қойылған, мөр басылған мақтау грамотасын иеленді.