Өзіне сенім №5 сабағына 6-сынып жоспары

Пәні: Өзін-өзі тану

Тақырыбы: Өзіне сенім

Құндылық: Сүйіспеншілік. Қасиеттер: сенімділік, еңбекқорлық, ақылдылық

Мектебі: №221 негізгі орта мектебі Сыныбы: 6

Пән мұғалімі: Сейтова Гүлзада Пернебекқызы

Сабақтың мақсаты: оқушыларға адамның өзіне сенімділігінің маңыздылығын ұғындыру арқылы дұрыс әрекет құндылығының мәнін ашу.

Ресурстар (материалдар, дереккөздер

Сабақтың міндеттері:

Білімділік: оқушыларға адамның өзінің сенімділігінің мәнін түсіндіре отырып, еңбекқорлық қасиеті туралы түсінік беру.

Дамытушылық: оқушыларды өз мүмкіндіктерінің мәнін тануға, өзін-өзі түсінуге бағыттау арқылы ақылдылық қасиетіне баулу.

Тәрбиелік: оқушыларды еңбекқорлық, ақылдылық, сенімділікке тәрбиелеу.

Сабақтың барысы

І. Ұйымдастыру кезеңі 5 Т ережесін еске түсіру.

Тыныштық сәті «Нұрға бөлеу»

5 Т ережесі

Нұрға бөлеу

ІІ. Үй тапсырмасын пысықтау

Адамның рухани кемелденуі Ник Вуйчич

Ник Вуйчич өмір сүруге күшті қайдан алды?

Никтің ерік-күші, шексіз мүмкіндігі қалай көрінді?

Сүйіспеншілік құндылығы оның қандай қасиеттері арқылы байқалады?

Адамдар Никті тыңдағанда неден шабыттанады?

Никтің тағдырымен таныса отырып, өзің қандай ой түйдің?

Өткенді еске түсіру

Сұрақ -жауап

ІІІ. Дәйексөз

Өзіне –өзі сенген адам, қиындықты да, уақытты да жеңе алады.

Ілияс Есенберлин

Дәйексөздің мағынасын қалай түсіндіңдер?

(Дәйексөзді оқушылар қайталайды және ұлдарға , қыздарға қайталатады)

2 рет ұл

2рет қыздар қайталайды.

Дәптерге жазады

Әңгімелеу Мұғалім сыйы

Аманат

Ерте-ерте ертеде мыңғырған малы бар, жері мен қазына байлығына сан жетпейтін бір хан өмір сүріпті.Байлықтан басы айналған сұлтан «данышпан, әділ әмірші» деген атын шығармақшы болады. Алайда оған қатыгездігі мен атаққұмарлығы мұрша бермейді. Ашуланған кезде қолына түскенді кінәлі-кінәсіз екендігіне қарамай жазалай беріпті.

Сол хандықта Құби атты бір тақыр кедей өмір сүріпті. Күндердің күнінде Құби бала –шағасына нан сұрау үшін ханға келеді. Сөйтсе хан түнеріп отыр екен. Құбиды көре салып, тілге келтірместен, басын алуға бұйырады.

«Жетпегені осы еді,-деп ойлайды Құби.-Басқа азабы аз болғандай, енді басымнан айырылатын болдым». Ол басын иіп, ханның өзінен қайырым сұрап, жалынды. Ханның оны тыңдағысы да келмеді.Сен сәтсіз күні келдің. Мен «Бүгін кім келсе де, басын аламын», деп өзіме ант етіп қойғанмын.

Құби шошып кетті, алайда ол діндар адам болғандықтан, бір Аллаға сыйынып былай дейді:

-Бір адамға екі ажал болмас, ал біреуінен қашып құтылмас.Хан ием, сіздің айтқаныңыз болсын. Бірақ менің датым бар.

- Датың болса, айт.

-Үйіме барып бала-шағаммен қоштасып келуге, аз-мұз азық апарып келуге рұқсат етіңіз, әйтпесе олар аштан өледі ғой. Таң қылаң бергенше қайтып ораламын.

- Жақсы . Көтере алғаныңша тамақ алып, үйіңе барып кел.Бірақ қоятын бір талабым бар: сен қайтып келмесең, өз басын құрбандыққа шалып, орныңа қалатын аманат тастап кетесің.

Жалшы жан-жағына жалынышпен қарап шығады.Бәрі де мелшиіп тұрып қалған.

-Шынымен де бір адам менің аманатым болуға келіспей ме?-деп шырылдады кедей байғұс.- Садағаң кетейін, Алла жар болсын, таңда қайтып келуге сөзімді беремін.

Кенет үнсіз топ арасынан:

-Жарайды, мен қалайын,-деген дауыс шықты.Ол ханның сенімді қазынашысының даусы болатын.Қазынашы ханның алдына келіп:

-Хан ием, мына кісінің аманаты болып мен қалайын,-деді.

-Өзің біл. Тек қайдағы бір жалшы үшін басыңнан айырылатының өкінішті-ақ.