Өзіңмен үйлесімді өмір сүру материалы

Өзiн-өзi тану» сабағының жоспары

Мектеп:

Мерзiм:

Тақырып: Өзіңмен үйлесімді өмір сүру! №: 6

Құндылық:Дұрыс әрекет

Қасиеттер:Шыншылдық, мейірімділік, жауапкершілік

Мұғалiм:

Cыныбы : 1

Оқушылар саны :

Сабақ мақсаты:

Оқушыларға ар-ұжданынасүйеніп өмір сүрудің маңыздылығын жеткізу арқылы дұрыс әрекет құндылығының мәнін ашу.

Міндеті:

-оқушыларды үйлесімді өмір сүруге үйрете отырып қарапайымдылық қасиеті туралы түсінік беру.

-оқушыларды үйлесімді қарым-қатынас жасауға үйрету арқылы адалдық қасиетіне баулу.

- оқушыларды қарапайым,адал,үйлесімді болуға тәрбиелеу

Ресурстар: (материалдар, дереккөздер)

Кітап, дәптер, нақыл сөздер, сурет, әуен

Сабақ барысы:

1. Ұйымдастыру кезеңi

Сәлемдесу, оқушылардың көңіл - күйін сұрау, сабаққа қатысуын тексеру.

5 Т ережесін

1. Тәртіп.

2. Талап.

3. Тыныштық.

4. Тазалық.

5. Татулық

Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Сабақ барысын талқылау:

Оқушылардың емін – еркін дұрыс отыруын қадағалау

2. Дәйексөз

Дәйексөзбен таныстырып оқушыларға 2-3ретқайталатып,мағынасын сұраймын.Ұл балалар дауыстап айтады,қыз балалар дауыстап айтады.

Арынды сақта, ар-ұждан керек әр уақытта

Нақыл сөз

1. Ар-ұждан дегеніміз не?

2. Ар – ұждан адамға не үшін керек?

3. Дәйексөзден қандай ой түйдіңіз?

Жауаптарын тыңдап, қорытындылау:

Ар-ұждан - адамдықтың белгісі. Адамды істеген ісіне қарай бағалайды. Әрбір істі ұятқа қалмайтындай етіп, ойланып жасау керек. Ар-ұжданы бар адам әр уақытта дұрыс әрекет жасайды. Ал дұрыс әрекет жасаса ішкі тыныштық орнайды. Ар-ұжданына сай өмір сүру - әрбір адамның парызы. «Әдепті бала – арлы бала» деп халық бекер айтпаған.

Балаларды сабақтың дәйексөзімен таныстырамын, оқушылар өз ойларымен бөліседі. Оқушылардың ойларын өз сөзімен қортындылаймын.

3. Әңгiмелеу (сұхбат)

Оқушылардың,өзін-өзі тану сабағына қызығушылықтарын арттырып,оларды танып білуге баулу мақсатында әңгімелесу әдісін қолданамын

«Қайыңның көз жасы»

Т. Әбдірайым

Тамыз айы. Күн өте ыстық. Балалар ауыл шетіндегі салқын көлде шомылып жүр. Қапан көлге жаяу барғысы келмей, әдемі өсіп тұрған бала қайыңның бұтағын сындырып алды. Сосын атына мінді де, ауыл шетіне шаба жөнелді. Мұны көрші қария көріп отырды..Қапан кешке бұтағы сынған қайыңнан су тамшылап тұрғанын байқап, таңғалды. Ол қарияға:- Ата. айтыңызшы. Неге су ағып тұр? - деді.- Су емес. Қайыңның көз жасы ол. Біреу бұтағын сындырған. Сондықтан жылап тұр. Табиғат перзенті ағаштың да жаны, жүрегі бар, адамдардан күтім тілейді. Ал адамдардың жасайтыны осы.Ұялған Қапан қызарып кетті. "Енді сындырмаймын, ата!" - деген сөздерді іштей қайталай берді

Сұрақтар:

- Қапан не істеді?

- Қапан қартқа қандай сұрақ қойды?

- Қарт қалай жауап берді?

- Қапан не үшін ұялды?

- Қапанның бойында қандай қасиет бар екенін байқадыңдар?

- Ар-ұжданымен өмір сүретін адамды қалай сипаттар едіңдер?

- Сендердің өз қылықтарыңа ұялған сәттерің болды ма? Неліктен?