Озық болсаң ойлап көр математикалық сайысы, 5-сынып

«Озық болсаң ойлап көр»

Құрметті ұстаздар мен оқушылар мектебімізде өтіп жатқан

«Математика- ақыл- ойдың әуені» атты математикалық апталығына байланысты,

5- сыныпта ұйымдастырылған «Озық болсаң ойлап көр» атты

сайысымызға қош келдіңіздер.

Мақсаты: Оқушылардың ой- өрісін математикалық қабілетін дамыта

отырып пәнге деген белсенділігін арттыру. Және де оқушының білімі

кеңейіп, ойлана жауап беруге үйренеді. Логикалық есептерді

шығаруда оқушының ой-өрісі дамиды, өз пікірін логикалық жолмен

дәлелдей білуге, алған білімдері бойынша қорытынды жасай алуға

үйренеді және білімдерін шыңдай түседі.

Сайысымызға сыныптан 2- топ қатысады:

Шақырамыз, келіңдер жарысуға

Күш, өнер, білімменен алысуға

Бар өнерді салайық, ортамызға

Қанеки, кім шығады сайысуға, дей келе ортаға сайыскерлерді шақырайық:

І- топ: «Тапқырлар»

ІІ- топ: «Қыран»

Сайысымызды бастамас бұрын әділқазылар алқасын сайлап алайық:

Қазылар орнықтырар әділдікті

Кімдердің жауаптары кәміл шықты?

Білім мен тапқырлықтың жарысында

Жеңіске жетер дейміз нағыз мықты! демекші, топтардың еңбектерін әділ баға беруші әділқазылар алқасын сайлап алайық:

Математика пәнінің мұғалімі: Ж. Есқұлова

Физика пәнінің мұғалімі: М. Мадина

Физика пәнінің мұғалімі: Д. Шаңова

Информатика пәнінің мұғалімі: А. Нұрниязова

Сонымен, құрметті көрермендер, сайысымызды бастайық:

Сайысымыз 7- турдан тұрады:

Таныстыру

«Қас- қағым сәт»

«1001 мақал, 101 жұмбақ»

«Сандар сыры»

«Цифрограмма»

«Кім шапшаң»

«Сен маған, мен саған»

І- турымыз. Таныстыру

Әр топ өздерін таныстырып өтеді.

І- топ: «Тапқырлар»

ІІ-топ: «Қыран»

Сайысымыздың ІІ- туры «Қас- қағым сәт»

Білімнің ұшқырлығын танытып сен,

Асып- тасып, асықпа, қалыспа сен.

Уақыт деген зымырап, зулап жатыр,

Шапшаңдық бұл сайыста керек екен- дей келе оқушыларымызға сұрақтар қойылады. Кім бірінші жауап берсе, сол 2-ұпайды иеленеді.

2- ге бөлінбейтін сандар не деп аталады?

2- ге бөлінетін сандар не деп аталады?

Ең кіші натурал сан?

Шеңбердің нүктесін центрімен қосатын кесінді?

Қосудың мәні?

2/3- ге кері сан?

2- аптада неше күн?

2- сағатта неше минут бар?

1- сағат 40 минутта неше минут бар?

10)4- аптада неше күн?

11)5/4- қандай бөлшек?

12)Бұрышты өлшейтін құрал?

12)-қа тең бұрыштар қалай деп аталады?

Ал, балалар, балалар,

Мақал- мәтел айтайық.

Қиындыққа қайыспай

Асулардан өтейік,

Білмегенді білгізген

Өлшеп киім кигізген

Барлық істі атқарып

Пайдасын елге тигізген

Есеп емей- немене?- дей отырып, топтарды келесі турымыз «1001 мақал, 101 жұмбақ» шешуге шақырайық.

Бір кісі қазған құдықтан, мың кісі су ішеді.

Отыз тістен шыққан сөз, отыз рулы елге тарайды.

Бес бармақ жиылса, жұдырық болады.

Дос егіз болса, дұшпан сегіз.

Бір күндік жолға шықсаң, үш күндік азық ал.

Екі жақсы қас болмас, екі жаман дос болмас.

Досыңды үш күн сынама, үш жыл сына.

Жеті жұрттың тілін біл, жеті түрлі білім біл.

Жеті рет өлшеп, бір рет кес.

10)Ер бір рет өледі.