Озық ойлы оқушы математикадан сайыс 5 сынып

Келісемін________________________ Касбакова Б.А.

Садырбаева Г.Н.

5 сыныптар арасында «Озық ойлы оқушы» сайысы

Мақсаты:

Білімділігі:Оқушылардың математикаға деген қызығушылығын арттыру, математикалық ойлау қаблетін дамыту, алған білімдерін тереңдету есептеу дағдыларын жетілдіру.

Дамытушылық: Оқушыларға өз бетінше жұмыс бере отырып, есептер шығарыуда алған білімдерін қолдана білу,шығармашылық қабілетін дамыту.

Тәрбиелігі: Оқушыларды жауапкершілікке, ұқыптылыққа, белсенділігікке,еңбекке тәрбиелеу.

Мерзімі: 20.11.18 ж

Өткізілетін орны: кіші мәжіліс залы

Әдісі: топтық сайыс, сұрақ – жауап, топпен жұмыс.

Пәнаралық байланыс: математика

Көрнекілігі: слайдтар, суреттер

Құрал-жабдықтар: интерктивті тақта.

Ұйымдастыру кезеңі.

Оқушыларды үш топқа бөлу.

Әділ қазы алқаларымен таныстыру

Армысыздар құрметті ұстаздар, сайысымызға қатысушы оқушылар!

Бүгінгі математика сабағынан 5 сынып оқушылары арасындағы «Озық ойлы оқушы» атты сайысына қош келдіңіздер.

Жүзден жүйрік, мыңнан тұлпарды анықтайтын әділқазы алқаларымен таныс болыңыздар.

Сайысымызға қатысатын оқушылар тізімі:

5 «Ә» сынып: Тулеу Еркежан

Делегеева Іңкәр

Садыбеков Санжар

Алпамыс Ислам

Сәрсенбек Асылзат

Елеу Исатай

5 « Ғ» сынып: Тұяқбай Айжан

Мұрат Раушан

Даир Әбдіқадыр

Мәлік Диана

Алмахан Құттыбек

Байкен Қуанышбек

5 «Д» сынып: Багасим Аяулым

Болатова Айым

Амиргалиева Тоғжан

Сауранбек Иманғали

Ерланұлы Алихан

Поласова Тоғжан

Ұйымдастыру кезеңі.

Таныстыру. (топтың аты, ұраны)

Математикалық сұрақтар. (үш топқа кезекпен-кезек сұрақтар қойылады. Көп нүктенің орнына сөздерді қойып ережені толықтырып айту керек.)

Эстафеталық есептер. (Әрбір топқа 6 есеп беріледі. )

Ойлан тап! (Логикалық есептер)

Сайыс кезеңдерімен таныс болсақ сайысымызды бастаймыз.

Жүргізуші:

Ғылымдардың патшасы атанған,

Евклид, Фалес, Пифагордан бата алған

Төзбейтін өтірікке, жалғандыққа

Ақыл ойды тәртіпке келтіретін

Нағыз пән ғой математика, – дей келе, әр топ өздерін таныстырып кетсеңіздер..

1-топ Жалын, 2- топ Жұлдыз , 3- топ Сұңқар.

І кезең.

Жүргізуші:

Мықты болсаң – алдағыны басып оз,

Мықты болсаң – арттағыны жеткізбе!

Мықты болсаң – бөгеттерді бұзып өт, — деп алғашқы сайысымыз «Математикалық сұрақтар» сайысына кезек береміз. (Әр топтың мүшелері ұсынылып отырған смайликтердің біреуін таңдап, бірінен соң бірі сұрақтарға жауап беру керек. Берілген көп нүктенің орнына тиісті сөзді қойып, ережені толықтыру керек.. Әр дұрыс жауапқа 5 ұпай беріледі).

1-ге және өзіне ғана бөлінетін натурал сандарды жай сандардеп атайды.

Егер көбейткіштердің біреуі берілген санға бөлінсе, онда көбейтінді де сол санға бөлінеді.

Егер азайғыш та, азайтқыш та берілген санға жеке – жеке бөлінсе, онда айырма да сол санға бөлінеді.

Жазылуы жұп цифрмен аяқталатын натурал сандар 2-ге бөлінеді.

Жазылуы 0 цифрымен немесе 5 цифрымен аяқталатын натурал сандар 5- ке бөлінеді.

Жазылуы 0 цифрымен аяқталатын натурал сандар 10- ға бөлінеді.

Цифрларының қосындысы 9-ға бөлінетін сандар 9-ға бөлінеді.

Құрама санды жай көбейткіштерге жіктеу дегеніміз – оны тек қана жай сандардың көбейтіндісі түрінде жазу.

Құрама сан өзі жіктелген жай көбейткіштердің көбейтіндісіне тең.

Берілген натурал сандардың ең үлкен ортақ бөлгіші деп сол сандардың әрқайсысы бөлінетін ең үлкен натурал санды айтады.

Берілген сандардың ең үлкен ортақ бөлгіші сол сандардың жіктелуіндегі ортақ жай көбейткіштердің көбейтіндісіне тең.

1-ге тең бір ғана ортақ бөлгіші бар натурал сандар өзара жай сандар деп аталады.

Берілген натурал сандардың әрқайсысына еселік болатын ең кіші натурал санды сол сандардың ең кіші ортақ еселігі деп атайды.