Озық ойлы оқушы математикалық ашық сабағы 5 сынып

Келісемін________________________ Ботабаева Г.М.

Тезекбаева Г.К.

5 сыныптар арасында «Жүйріктен жүйрік озар жарысқанда» сайысы

Мақсаты:

Білімділігі:Оқушылардың математикаға деген қызығушылығын арттыру, математикалық ойлау қаблетін дамыту, алған білімдерін тереңдету есептеу дағдыларын жетілдіру.

Дамытушылық: Оқушыларға өз бетінше жұмыс бере отырып, есептер шығарыуда алған білімдерін қолдана білу,шығармашылық қабілетін дамыту.

Тәрбиелігі: Оқушыларды жауапкершілікке, ұқыптылыққа, белсенділігікке,еңбекке тәрбиелеу.

Мерзімі: 31 .01.19 ж

Өткізілетін орны: кіші мәжіліс залы

Әдісі: топтық сайыс, сұрақ – жауап, топпен жұмыс.

Пәнаралық байланыс: математика

Көрнекілігі: слайдтар, суреттер

Құрал-жабдықтар: интерктивті тақта.

Ұйымдастыру кезеңі.

Оқушыларды үш топқа бөлу.

Әділ қазы алқаларымен таныстыру

Армысыздар құрметті ұстаздар, сайысымызға қатысушы оқушылар!

Бүгінгі математика сабағынан 5 сынып оқушылары арасындағы «Озық ойлы оқушы» атты сайысына қош келдіңіздер.

Жүзден жүйрік, мыңнан тұлпарды анықтайтын әділқазы алқаларымен таныс болыңыздар.

Сайысымызға қатысатын оқушылар тізімі:

5 «Ә» сынып: Құрмашева Әлия

Қобыланова Зере

Ақылбаева Ақнұр

Оралбекқызы Азалия

Құрманбеков Адал

Еркінбек Салтанат

5 « А» сынып: Каманова Аяулым

Айдосқызы Аяулым

Дулат ұлы Алихан

Мейрамбекова Айзада

Батырбекова Толғанай

Тоқанова Нүрай

5 «Б» сынып: Солтанова Аяжан

Аралбекова Нұрай

Нұрланқызы Гүлнұр

Айдынқызы Нұрай

Ануарбеков Рустам

Ұйымдастыру кезеңі.

Таныстыру. (топтың аты, ұраны)

Математикалық сұрақтар. (үш топқа кезекпен-кезек сұрақтар қойылады. Көп нүктенің орнына сөздерді қойып ережені толықтырып айту керек.)

Эстафеталық есептер. (Әрбір топқа 6 есеп беріледі. )

Ойлан тап! (Логикалық есептер)

Сайыс кезеңдерімен таныс болсақ сайысымызды бастаймыз.

Жүргізуші:

Ғылымдардың патшасы атанған,

Евклид, Фалес, Пифагордан бата алған

Төзбейтін өтірікке, жалғандыққа

Ақыл ойды тәртіпке келтіретін

Нағыз пән ғой математика, – дей келе, әр топ өздерін таныстырып кетсеңіздер..

1-топ Жалын, 2- топ Жұлдыз , 3- топ Сұңқар.

І кезең.

Жүргізуші:

Мықты болсаң – алдағыны басып оз,

Мықты болсаң – арттағыны жеткізбе!

Мықты болсаң – бөгеттерді бұзып өт, — деп алғашқы сайысымыз «Математикалық сұрақтар» сайысына кезек береміз. (Әр топтың мүшелері ұсынылып отырған смайликтердің біреуін таңдап, бірінен соң бірі сұрақтарға жауап беру керек. Берілген көп нүктенің орнына тиісті сөзді қойып, ережені толықтыру керек. Әр топ 2 сұраққа жауап беруі тиіс. Әр дұрыс жауапқа жұлдызша беріледі).

1-ге және өзіне ғана бөлінетін натурал сандарды жай сандар деп атайды.

Егер көбейткіштердің біреуі берілген санға бөлінсе, онда көбейтінді де сол санға бөлінеді.

Егер азайғыш та, азайтқыш та берілген санға жеке – жеке бөлінсе, онда айырма да сол санға бөлінеді.

Жазылуы жұп цифрмен аяқталатын натурал сандар 2-ге бөлінеді.

Жазылуы 0 цифрымен немесе 5 цифрымен аяқталатын натурал сандар 5- ке бөлінеді.

Жазылуы 0 цифрымен аяқталатын натурал сандар 10- ға бөлінеді.

Цифрларының қосындысы 9-ға бөлінетін сандар 9-ға бөлінеді.

Құрама санды жай көбейткіштерге жіктеу дегеніміз – оны тек қана жай сандардың көбейтіндісі түрінде жазу.

Құрама сан өзі жіктелген жай көбейткіштердің көбейтіндісіне тең.